من تاني اقدم لكم اجمل النكت المصرية و طبعا كالعادة عن الصعايدة ملوك النكتة
ارجو رسم ابتسامة صغيرة علي وجوه كل من يقرأ هذه النكت و ان تنسينا ولو جزء صغير من همومنا لبعض الوقت
*صعيدي زكي ومراته طلبوا قهوة في كافيتيريا بيقولها : اشربي بسرعة … قالتله : ليه؟ … قالها : لانك جاهله ومابتعرفيش تقري، مكتوب قهوة ساخنة ب 5 جنيه وقهوة باردة ب10 جنيه

*بلدياتنا فتح محل انابيب غاز فجّر اسطوانتين فى وسط البلد دعاية

*صعيدي واقف قدام المراية ومغمض عينيه …. مراته بتساله : بتعمل ايه؟ .. قالها : بحاول اشوف شكلى ازاى وانا نايم

*عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيهاالتاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلهاصاحبه قاله ماتت و أنت بتغسلهاقاله لا ماتت و أنا بعصرها

*واحد صعيدي بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا قال له: طيب شفت دكتور عيون ؟ قال له: يا بني آدم باقول لك شفت نقط سودا

*واحد صعيدي بيدهن الحيطة قالوله حط جرنال تحتيك قالهم لأ أنا كده طايل كويس

*واحد صعيدي راح للدكتور بعد ما كشف عليه قاله اطلع اعمل اشاعة, الصعيدي ركب الاسانسير لقاه كله مرايات افتكر هو ده جهاز الاشاعة فقلع ملط و وقف مستني , شوية ممرضة بتفتح الأسانسير شافته راحت مصرخة , قالها :يالهوي سرطان؟

*المدرس طلب من التلاميذ كتابة موضوع عن مباراة شافوها في كرة القدم .. كل التلاميذ مشغولين بالكتابة الا عوضين الصغيَر .. كتب جملة واحدة وقعد: ‘بسبب الامطار تأجلت المباراة’ .

اهني حضرتك علي الموضوع جميل وجديد

اشكرك علي المرور,نورتي الموضوع