بسم الله الرحمن الرحيم
الموضوع بسيط جدا انا عاوزه اجابات عن نفسك
وطبعا مش هحلفك انك تقول بصراحه لان انت الرقيب الوحيد عن نفسك
*ايه اكتر حاجه شريره عملتها فى حياتك؟
*كنت بتخاف من ايه وانت صغير؟
*لو كنت عاوز يبقى عندك قوه خارقه تحب يبقى عندك ايه؟
*ايه اكبر مقلب خدته فى حياتك؟
*ايه اول حاجه بتعملها لما بتصحى؟ واخر حاجه بتعملها قبل ما تنام؟
*بتحب المرايات؟
*ايه اكتر حاجه بتبحبها فى شخصيتك؟
*الناس شايفاك ازاى؟
دى كانت اسئله البرنامج
اللى جاى بقى اسئله منى انا
*لو الحب خبط على باباك هتفتح على طول ولا هتسال مين الاول؟
*كان فيه قصه عن 3 اتحبسوا فى كهف وصخره قفلت عليهم
وكل واحد فيهم دعا ربنا بموقف حلو هو عمله فى حياته واتزاحت الصخره وخرجوا
لو انت كنت معاهم ايه الموقف اللى عملته فى حياتك وكنت هتدعى بيه ربنا؟
*عمرك ربيت حيوان او زرعت نبته؟
*لو مسكت المنتدى لمده شهر ايه اللى هتغيره فيه او ايه الى هتعمله؟
*بتحب دلوقتى او معجب بحد؟ولو معجب بيه مقولتش ليه لحد دلوقتى؟
*شايف نفسك ايه لما تكبر؟
