تيجى نحلم إننا فى الدنيا لسه مولودين
تيجى نحلم إننا بنخطى فوق حزن السنين
وإن حبى هو حبك.. وإن قلبى ضم قلبك
وإن حضن الدنيا يمسح دمعة العمر الحزين

تيجى نجرى بي غيطان خضرا بلون أجمل عينين
تيجى نحضن عمرنا ونخاف عليه بعد اللى كان
تيجى ننشر حبنا ع الدنيا يملا الكون أمان
تيجى نمسك النجوم النجوم
تيجى نغسل الهموم
تيجى نطلع للقمر ونعيش معاه
كل واحد فينا يحكى عن حبيبه يوم لقاه
تيجى نرمى الهم مرة
تيجى نعشق مرة بكرة
تيجى نسكن فوق جزيرة بعيدة عن كل العيون
إنتى قمرة تنوريها بنبض قلبك الحنون
تيجى نبقى يا حبيبتى قيس وليلى
رغم كل الهم اللى قلوبنا شايله
تيجى نجرى بسرعة نلحق حلمنا
تيجى نبدأ عمر تانى يضمنا
تيجى ننشر الامل بين الحبايب
وللا نمسح دمعة اللى حبيبه غايب
تيجى نرسم بسمة صافية ع الشفايف
نمحى بيها الحزن فى عيون اللى خايف
(........)بيكى ليل حياتى كان نهار
عمرى من غيرك يا حبى صار مرار
بكرة يمكن يبقى أحلى
عمرى بيكى أحسه أغلى
بس آه من جرح تانى
دمع تانى
لو أتانى
من حبيب حتى لثوانى
آه يا روحى م الوداع
يبقى عمرى الباقى ضاع
عمرى ضاع

الله عليك ياشاعر . . .
هذه القصيده من أجمل ما قرأت في حياتي . . .
رائعه جداً . . .
تسلم إيدك . . .

لا أستطيع أن أقول أمام هذه الكلمات الجميلة سوى:
الله..الله..الله..
كلها مشاعر وكلمات غاية فى الرقة
دمت رقيقا وأنيق المشاعر
والسلام ختام

عصفور المحبة الصداح بين أغصان المحبين
أشكر لك كلماتك الرقيقة ومشاعرك الأرق
وجه القمر المضىء
كلماتك تزرع الامل فى نفوس بائسة
ثم ترويها عذوبة فتنبت فجرا جديدا يفيض بالسعادة
أنتما بحق من أعظم الصفقات الرابحة التى شهدتها حياتى

شكرا لمروركما الكريم

وَ لِــمَ لا تحــلُــم يا صديقي...؟
وهــل أروعُ من الحلمِ سبيلا...!

رائعــةٌ هي أحاسيسكـ
مليئةٌ بالأملِ هي حروفــكـ...
مشاعرُكـ مغموسةٌ بكــأس الـعشق....

راقَ لي أن أكون من المــارِّيـــنَ هنــا..

وِدِّي ووردي

ســــــــــــــــارة
أشكر لك مرورك المميز
ومشاعرك الرقيقة
تحياتى لك

تيجى نرمى الهم مرة
تيجى نعشق مرة بكرة
تيجى نسكن فوق جزيرة بعيدة عن كل العيون
إنتى قمرة تنوريها بنبض قلبك الحنون

ما اجمل هذه الكلمات
فعلا الانسان يتمنى ان يرمى همومه ويعيش فى جزيرة بعيد عن عيون الناس

هبـــــــــــــة
أشكر لك مرورك وكلماتك الرقيقة