رسالة صعبة علي الجميع من طالب كلية علوم المنوفية

هذة هي رسالتة التي وقعت علينا جميعا كالصاعقة,

هل بالفعل هذا ما تفعلة النقابة بنا؟!
هل كل من يدخل كلية العلوم ممن يحققون جيدجدا وامتياز ليس لهم اي اهمية..تابعوا الرسالة من هنا

يقول الطالب ..

" عجبني أوي حماس الطلبة اللى لسه متخرجوش وشافو وضع كلية العلوم ازاى ف سوق العمل ................. اولا انا خريج كيميا وميكرو ودبلومة ميكرو
اشتغلت 3 سنيين ف مصر ... اشتغلت مندوب شركة ادوية شغلانه فاشلة ملهاش ملامح .... واشتغلت ف معمل تحاليل ب500 جنيه ف الشهر .......
حاليا سافرت الكويت .......... تصنيفك فني رئيسك ف الشغل خريج هندسة كيميا او صيدلاني او طب كأنك خريج معهد متوسط مش كلية داخلنها ب96%
لما تلاقي اللى شغال جمبك كيميائي ف المصنع خريج جامعة عمالية او دبلوم فني صناعي متستغربش ده عادي
ولما تلاقي بتاع هندسة او طب يبصلك ع اساس انك فني ومستكتر عليك كلمة استاذ مش دكتور او مهندس حتي متستغربش
انا مش بقول الكلام ده عشان احبط الناس ولا حاجة ..... فيه ناس ممكن تنجح ف الماركيتنج والدعاية الطبية ... بس مش ده مجالك ... بس اللى اقصده اننا ملناش لازمة ف سوق العمل ..... وكلمة اتقالت لواحد صاحبي ف السعودية لما طالبو بزيادة مرتب مدير المصنع قالهم دنا اجيب شكارة كيميائيين من مصر بشلن هو انتو لاقيين شغل اصلا
فبلاش شغل تخصصك يشغلك فمش عارف ايه وكيميا مزدوج تفرق مش عارف ايه عن كيميا لولبية ......... كله شغل افلام ولا ليه لزمة ف سوق العمل ( الا ف حالات نادرة ) بس ميكرو وحيوان ونبات كلهم واحد ......
واخيرا حسبي الله هو نعم الوكيل ف النقابة اللى مخليانه ف الارض ومخليه بتاع معهد فني صحي ومعهد مساحة والمعاهد التطبيقية زيهم زيك وبيتسجلو معاك ف النقابة بنفس المسمي."
حسبنا الله ونعم الوكيل.