غانعرف بالشخصيات
نرجس: بنت مارقيقة ماغليضة فورمتها عادية وماطويلة ماقصيرا يعن فورمتها مزيانة كاتقرا في الثالثة اعدادي فعمرها 15 سنة كاتجيب نقيطات بحال عمرها عندها عقلية كبيرة على سنها دريفا بزااااف وقلبها كبير بزاااف عينيها بني مغلوووق وشعرها شاتان كادير الزيف لونها قمحي وهي بطلة القصة
نادية: بنت عامرة شوية ماطويلا ماقصيرا شعرها دايما كاتقطعو كاري وهي لباسها سبورتيف
ندى: التوأم ديال نادية ولكن سميمرة عليها ورشيقة عليها وعلى حتى نرجس قصيرة شوية وماكاتشبهش لنادية غييير شوية كاتبع الموضة شعرها مكريبي كادير نضيضرات
اسماء: قد نرجس في الطول ولكن رقيقة لونها كدلك قمحي تاهيا كاتباع الموضة. وهاد الاربعة كولهوم في نفس القسم
واحد النهار نرجس كيف العادة كاتقرا اوقات الدراسة ديالها وكاتجي لدار كادير كاسكروط ومن بعد كاتحل الماسنجر كاتجلس فيه نصف ساعة وكاتمشي تشوف شخاصها غدا في الحصص الدراسية دياولها، فتحات داك النهار الماسنجر ولقات واحد الشخص تضاف عندها قبلاتو يعني دارتليه accepter
........: سلالالالالالالالالالالالالام
نرجس:سلام
.........:لبااااس عليييك
نرجس: اه وانت؟
.........:تانا ، عرفتي شكون اناااااااااااااا؟
نرجس:لا شكون؟
.........:اناااا انسسسسسسسسس
نرجس: عطى الله انس فهاد الدنيا، شكون فيهم نتا؟
انس:انا جارك انس للي قرا معاك في الثانية اعدادي
نرجس: آآه عرفتك
انس: بغيت نقوليك شي حاجة ممكن؟
نرجس: أه قول خود راحتك
انس : انواريك الائحة ديال البنات اللي كايعجبوني___سامية من مدينة.... وهاجر من......وفاطمة الزهراء من..... ونرجس من...
نرجس:نرجس؟؟؟؟انا؟؟
انس: آآآه نتي كاتعجبيني بزااف
نرجس: مزيان ايوا من بعد؟
انس: ;والو كاتعجبيني وبغيت نتصاحب معااك
نرجس: كيفاش؟؟
انس: كيفما سمعتي اجي بعدا نتيا كانعجبك انا ولالا؟؟
انوصفليكم هاد انس: طويل ومارقيقش بزااف عندو فورما رياضية وااعرة وسييم في وجهو ملامحو متناسقين شعرو اسود وبشرته بيضاء ولكن ماشي بزااف كايلبس ستيل زويين قرا معا نرجس السنة الماضي في الثانية اعدادي وماكانتش كاتعيرلو الاهتمام ولكن دابا.....
نرجس: في الثانية اعدادي كنتي كاتعجبني ولكن ماشي لشي درااااااجة
انس: مزيان دابا باغيا تصاحبي معايا ولالا؟وعفااك قولي أه
نرجس: ;ويلا تصاحبت معاك او من بعد؟؟؟
انس: ككفاش او من بعد ؟ والو ماتخافي من والو جاوبيني دابا
نرجس: خليني نفكر
انس: على خاطرك فكري وردي عليا الخبار
واحد شوية وهوا يحل ايوب___ابن استاد الرياضيات في تلك الاعدادية وعلى فكرة تا نرجس باها استاد اللغة العربية في نفس الاعدادية
ايوب ماتويل ماقصير عادي ولكن رقيق شعره اشقر ولون بشرته شقراء عينيه عسليين مابيهش كانو مسميين عليه مهند ديال مسلسل نور ههههه وكان صديق مقرب لانس
ايوب: سلام نرجس لياس عليك
نرجس: اه الحمد لله وانت؟
ايوب: تا انا، ايوي اشكاتعاودي؟
نرجس: ايوى شغانقوليك بغيتك تقوم بواحد المهمة عافاك
ايوب: شنو بغيتي هي الاولى
نرجس عاوداتليه كلشي اللي طرا وطلبات منو انو يسول انس واش بصاح باغي يتصاحب مع نرجس من قلبو و لالا على ما بان ان ايوب من خلال هدراتو بانت فيه علامات الغيرة حيت مانت نرجس عزييزة عليه بززاف وكايبغي يدير اي حاجة باش يتقرب منها وعلى عكس نرجس اللي كانت كاتحسبو بحال خوها لا اكثر
بعدما طلبات منو داك الطلب او وافق سدات الماسنجر ومشات تكات وكتشوف في السقف واش هادشي بصاح ولا كاتحلم حيت نرجس بنت خجولة وماعندهاش معا تصاحيب ولكن علاه ترددات باش توافق تصاحب معا انس؟؟؟ واش حيت كايجدبها وزوين؟
فات الليل وماطلاتش تا على دفتر ولو غير باش تراجع كيف عادتها، نعسات وفاقت وكان يوم جديد
سمعات طرقات في الباب ديال منزلها عرفاتها اسماء حيت كادوز لعندها باش كايتوانسو فطريق للاعدادية
اسماء: صباح الخير
نرجس: صباح النور
اسماء: شفتك ماشي كيف عادتك؟
نرجس...دابا نعاودليك*******عاوداتليها كلشي اللي طرا******
اسماء.......ايوا اشغاديري؟ اتصاحبي معاه؟
نرجس ....ماعرفتش تانشوفو الرأي ديال نادية وندى
اسماء....اه
دخلو للاعدادية وقراو الحصة ديال الفرنسية والحصة ديال العربية خرجو للساحة ديال الاعدادية في فترة الاستراحة ودار بيناتهوم الحوار
نرجس: ايوا اشقلتو كيجاكم
نادية....وشوفي نتي اما حنا الراي ديالنا مابيهش ولكن خاصك بعدا تعرفي التصرفات ديالو عاد قبلي
نرجس آه داكشي، نااااري البنات هاهواك واقف معا صاحبو ماكانقدش نشوف فيه ههه
نادية واسماء في نفس الوقت......نرجس كاتحشم ههههههههه
نرجس ......ويلي سكتو مالكم ناااري شوفو يديا بردوليا بزاااف
ندى وهي عاد الجات وسمعات كلمة يديا بردوليا بزاااف
ندى : الحب هادا ههههههه
اسماء: ايوا الله يجيبك على خير
ندى بتعجب / اشكاين ومخابيينه عليااا؟؟
البنات كايقشبو على نرجس ونرجس فعالم آخر في عالم العشق والاعجاب كاتفكر وكاتقول واخيراا غانحس انني كانبغي ولد
مشاو البنات لديورهوم ونرجس مشات كاطيييير للماسنجر سحرها هاد انس بزاااف
حلات الماسنجر ولقات انس موجود
انس....السلام
نرجس....وعليكم السلام
انس... كيدايرة لباس؟
نرجس ....اه الحمد لله وانت؟
انس تا أنا ايوى اش درتي في الموضوع؟
نرجس......راني قابلة وغير حيت شفتك دريف وعجبتيني
انس......هيا صافي راحنا مصاحبين
نرجس.....آه بحال داكشي
انس......عمرك بغيتي شي حد؟
نرجس.....كنت كانبغي واحد ولكن كنت صغييورة فعمري 10 سنين
انس.......آه مزيان تانا بغيت واحد البنت سميتها اسماء الى عرفتيها
نرجس.....اسماء .....
انس......آه هاديك
نرجس: اسماء.....****مايحصابلكومش اسماء صاحبتي****هادي اسماء بنت قرات الابتدائي في مدرستس ومدرست انس ولكن الاعدادي قراتو في اعدادية اخرى
انس: اه هاديك
نرجس: ودابا مازال كاتبغيها ؟
انس: مانعرف
نرجس: ok
انس: عنداك تقلقي
نرجس: لاصافي انا ماكانتقلقش
انس: ايوا مزيااان
نرجس/ ايوا راه خاسك تبقا تجي عندي في الاستراحة ونهضرو
انس: واخا مين غادي نزعم غادي نبدا نجي غير صبري عليا شوية
نرجس/ واخا انا ماعندي مشكل
بعدما مرت بضع ايام فيها ولفو بعضياتهم ورجعوا كايهدرو بطلاقة ولكن المشكل الاكبر انس مازال جار نرجس كايقوليها تانزعم ولكن نرجس بحنان قلبها بدا انس كايدخليها لقلبها بشوية بشوية وكاديرليه الخاطر وكاتصبرليه
واحد النهار نرجس حلات الماسنجر ديالها ولقات صاحبو ديال انس حال سميتو معاد هاد معاد تصاحب مع واحد البنت سميتها هاجر كايبغيها بزاااف معاد وكايحماااق عليها
معاد: السلالالام ختي نرجس
نرجس: اهلالالا خويا معاد_____على فكرة معاد بحال خويا وعزيز عليااا بزااف
معاد/ اش كاتعاودي ازين؟اجي بعدا واش بصاح تصاحبتي مع انس؟؟
نرجس....آه علاه؟؟
معاد.....مبرووك
نرجس ...الله يبارك فيك____بكترات ماكلشي كايقوليا مبروك كانحس بحال الى تزوجت هههه
نرجس.....آه اش كاتعاود مع هاجر؟؟لباس؟؟
معاد.......الحمد لله مازال كانحماق علييها هههههه
نرجس....بصحتك، قوليا كيكايجيك انس؟
معاد.......الصراحة اختي نرجس انس دري مزيان ولكن فيه واحد المشكل هو انه كايتعجب ببزااف ديال البنات
نرجس بتوتر......كفاش يعني كايبغي شحااال من بنت؟؟؟
معاد وهو كايخفف من توتر نرجس....لا ماشي لهاد الدرجة انا غير قلت
بعد دقائق حل انس الماسنجر ديالو ولقا ست الحبايب نرجس حلا الماسنجر ديالها
انس: سلالالام
نرجس:اهلا
انس: لباس عليك
نرجس: الحمد لله
انس:مزيان، راني توحشتك
نرجس بكل صدق وحب: moi aussi wbezaaaf wlah
انس: كانبغيك
نرجس: bien sur ta2ana
انس: نرجس بغيت نقوليك شي خبار
نرجس بكل تمعن....قول خود راحتك في الهدرة
انس: انا راه مصاحب
نرجس: شنووووووووووووووووووووو؟؟؟ اشكاتقوووووووووووووول؟؟ واش كاتفلا
انس: لا ماكانتفلاش انا راه مصاحب مع هاجر اللي هي صاحبت معاد
نرجس بسماع الخبر قلبها الرقيق اللي قابل في اي لحظة ينهار بسماع شي خبار بحال هاكدااا
انس: سمعيني انا راه كانت مصاحب معاها قبل مانتصاحب انا معاك وقبل ماتصاحب معاها دابا معاد واحد النهار دابزنا وفي الغد قاليا معاد كاتعجبني هاجر بزاااف وبغيتها تصاحب معايا بكثرة ما انا معصب عطيتو الاماسنجر ديالها وباش هيا تفقصني تصاحبات معاه
نرجس ودموعها هابطين على خدودها....واش كاتعني انك تصاحبتي معايا غير باش تفقصها حيت فاقصاتك ........قالت ليه هاد الجملة وطلقات وااحد البكيا حتى خرجوليها عينيها من بلاصتهوم(ماتخافوش راه راجعوليها لبلاصتهوم من بعد ههههههههههه)
انس: نرجس انا درت ليك هاكا خاصني نتفارق معااك حيت مانستحقكش والله
نرجي بعصبية.......هاد الهدرا انا اللي خاصني نقولها ماشي نتااااااااااا
انس: dzll bezaaaaaaf bzzll
نرجس: dik dzlll khaliha 3andak 3laaaaah dartilia hakka??? 3laaaaaaaah
انس: انا قتليك غير الحقيقة
بكثرة الاعصاب ديال نرجس سداات المسن فواجهو ومشات تلاحت فوق الناموسية وجلسات على البكا هاك بلاك تارجعوليها عينيها منفوخين وحمرييين
في الغد جا يوم جديد في الدراسة
نادية: هيهووووووووو نرجس مااالك ساهيا، ياكما الحبيب؟؟هههههههه
وتلقات اسماء واحد الضحكة راه مانعودليكومش على ودني ههههه كنت غانسمااك
نادية: نرجس جاوبيني ياكما كاينا شي حاجة
نرجس تفكرات الحادث ديال البارح وبدات بالبكاء
نادية واسماء تخلعو عليها بزااف بداو كايساولوها وماكاتجاوبهومش غير حانيا راسها وكاتبكي عنقاتها نادية وبدات كاتمسح ليها دموعها وعرفات مايكون غير شي مشكل مع الحبيب
نرجس ببكاء مستمر وكلام متقطع: ضحك عليااا تفلا عليااا وكملات البكاء ديالها
نادية: قوليلي اشوقاع هدرييييي
نرجس:كان مصاحب مع هاجر ونزيدك راه كايبغيييييييها واش كاتفهمي راه كايبغييها
عنقات نادية نرجس بقوة وفهمات احساسها وبزاز باش سكتاتها من البكاء وكانو مضطرين يدخلو للحصة ديال الرياضيات حيت سلا وقت الاستراحة في هاد الحصة عاوداتليهم نرجس اللي طرا
وبداو كايهدئو فيها
نادية: نتي نرجس وحنا كانعرفوك نتي درايفا وماتستحقيش تخرجي شي دمعة علييه
هدئات نرجس وبعد الدراسة مشاو لديورهم ومشات كاتمارس العادة ديالها واللي هي تمشي للكمبيوتر وتحل الماسنجر وتجلس
بعد دقائق الحبيب الؤدي حل الماسنجر ديالو، بداو النبضات ديال قلبها كاضرب بسرعة وهي ماعارفاش واش تقول ليه السلام ولا تمياك
انس: سلام نرجس
نرجس من باب الاحترام ردات عليه السلام وبقاات ساااكتة
انس: انا عارفاك مقلقة وبغيت نقوليك سمحييليا وراه بغي رجع ليك
نرجس: بهاد السهولة؟؟ماحترمتي حتى المشاعر دياولي(نرجس كاتقول هاكا وفقلبها شوية ديال الراحة كأنها عرفات ماغاتفقدوش_
انس: واش سماحتيليا حبي؟
غرها بكلمة حبي وطلع قلبها مفووووق وهو يهبط وبحيت كيما كاتعرفو نرجس قلبها كبيير بالطبع غاتقوليه : صافي ولكن ماتبقاش تصاحب من ورايا وماتهدرش ديك هاجر( واش ماكاتبقاش فيكم هاد نرجس بكثرة حب انس كاتسمح ليه بكل بساطة)
انس: حاضر حياتي***شرير هاد انس كايقوليها كلمات كاتزيد تعلق بيه اكتر فاكتر
قرر انس يبدا يجي عند نرجس في الاستراحة باش يديرليها خاطرها وباش نيت يطبق قوانين التصاحيب هههه داكشي اللي كان فاول اللقاء ديالهوم المباشر كانو ساكتين تسالاتليهم الهدرا يمكن تكون الحشمة ههههه ماعليناش المهم انهم بداو كايزعمو على بعضياتهم
واحد النهار المؤسسة الي كايقراو هما فيها نظمت عرض ديال التقاليد الصحراوية وعطاو بطاقات الدعاوي الاساتدة وطلبوا منهم يعطيو هاد البطاقات للتلاميد اللي بغاو يجيو، كانت حصة الاسلاميات فآخر الحصة عيط الاستاد على نرجس ونادية وندى واسماء حيت عرفهوم صحابات وديما مجموعين بربعة عطاهوم البطاقات وشكروه، كان العرض سيقدم نهار السبت فالعشية مع ديك 4h00
انتهت الدراسة ورجعات نرجس للدار ولقات اختها ايمان وماماها مبتهجين
الام: ايوى خاصنا نسولو عليه واش مزيان هو وعائلتو
ايمان: ان شاء الله، اجي بعدا ياك خالتي عيشة كاتعرفو؟
الام: ماعرفتش تاتجي ونساولوها، المهم الى كان في الرزق مرحبا بيه
نرجس بحيرة ومافهمات والو: ماما علامن كاتهدرو؟
الام: هههه على زواجك
ايمان: هههههههههههه
نرجس: وصافي قولو شكون هادا اللي كاتهدرو عليه؟
الام: هادو الخطاب غادي يجيو يخطبو ايمان ، والشاب اللي غايخطب كايعرف خوك الكبير شريف وتاصل بيع وقالهاليه
نرجس: آآآه عاد فهمت، ثم اضافت نرجس بسخرية: هاي هاي على ايمان والخطااااب ههههههههه
ايمان: ناضت وماداتهاش في كلامها، ولكن نرجس واخا هاكاك تبعاتها وسولاتها واش عمرها شافتو جاوباتها ايمان ب آه، كان كايقرا في نفس المعهد اللي كانت كاتقرا فيه ايمان وباركاتليها نرجس.
نرجس كيف العادة راكم عارفين شغادير...........الماسنجر بالطبع.
حلات المسن ديالها ولقات الحبيب الطيب حال
نرجس: واحد السلام
انس: وعليكم
نرجس: ايوا لباس؟؟
انس: كيف العادة بخير
نرجس:الحمد لله، عطاك الاستاد ديالك بطاقة الدعوة ديال نهار السبت؟
انس: لا، مابغيتش نشدها ونتي خديتيها؟
نرجس: آه خديتها وكان غير شديتها تانتا ونجيو بجوج
انس: دابا فات الاوان
نرجس/ لا مافات والو اصلا انا جبت وحدة وبابا تاهوا جاب وحد من الادارة، نهار السبت نطلاقاو ونعتيك الدعو الثانية وندخلو wakha??
انس: هههه آه صافي
اليوم السبت وبالضبط الساعة 4h00 نرجس لبسات حوايجها وكانو حتى نادية وندى واسماء غايجيو
خرجات من الدار متجهة للاعدادية
وهي غاديا للاعدادية شافت انس، سلمات عليه وعطاتو البطاقة دخلنا للاعدادية وكانو حاطين الطاولات تحت واحد السقيفة والعرض كان في الساحة قدام الطاولات كان منظر زوين صحراوي وتقليدي دايرين خيمة وفيها الحاجيات الصحراوية(الجيرة:هي اللي كايشربو منها كايكونو دايرين فيها الحليب مختلط مع دانون والسكر°°°°°°كدلك الشكوة: وهي اللي كايخلطو فيها اللبن وكايمخطوه فيها واللي كايسميوها باللغة العربية القربة وكدلك المزيد من الاشياء الجميلة التقليدية
المهم مشيت انا وانس جلسنا في الطاولة الثالثة كانت جالسة قدامنا فاطمة الزهراء هي بنت عينيها خضرين وغليظة شوية في الافخاد وقصيرة شعرها اسود وكايبان جاف كانت جالسة مع بنت اخرى ودارت لعندي وابتسمات ابتسامة بيضاء ماعجباتنيش، ماعليناش بقينا جالسين وشوية وهو يجي النشاط بالطبع النشاط هو ندى ونادية واسماء جاو جلسو حدايا وهوا ينوض انس مشا جلس عند واحد صاحبو بقينا حنا كانتجمعو وكانضحكو وتفرجنا في العرض وكان مع 5h00 عندنا مراجعة ديال الرياضيات وصل الوقت ديالها وناضنا ومشينا بديت كانشوف ف انس ساعا ماكانش كايشوف فيا باش نقوليه راني غانمشي، ماشي مشكل مشيت مع البنات للمراجعة دوزنا الحصة ومين كنا خارجين كانت الساعة 6h00 بقيت انا غاديا مع نادية واسماء اما ندى مشات مع جوج بنات كاتعرفهوم سميتهوم ايمان وامال، اتفقت انا ونادية واسماء ندخلو للاعدادية ونكملو لفراجة ههه دخلنا بلا مانقولوها لندى والاخريات
خفافت الدنيا شوية ومشينا جلسنا، ماكانش انس كاين يمكن مشا بحالو ،ماشي مشكل
نادية: صديقك مشا عليك
نرجس: آه مشا واخا هاكاك نبقاو شويا
اسماء:البنات شوفو شكون داخل من باب ديال العدادية
نرجس بردولها يديها عاوتاني وقلبها بدا كايدق وفنفس الوقت جاتها الفرحة حيت شافتو عاوتاني شافت انس عاوتاني.
نادية: اسماء سيري عندو وقوليليه يجي لنرجس راه ماشي تصاحيبا هادي يلاه سيري
نرجس: لالالالالالالالالالالالالالالالالالالا ناري وتمشي ا اسماء انقتلك
اسماء: وعلالاه، راه لابودا خاصو يجي بزااااااااااف على هادشيي
نرجس: راه الى بغاني يجي عندييييييييييي
بينما نرجس كاتهدر مع اسماء وكاتمنعها تمشي تعياط لاناس ونادية نقزات ومشات كاتجري حسيت بيها وطرت لعندها شديتها وللاسف لقيت الاخرى اسماء طارت بلا مانشوفها عايطاتليه هههههههههههه لعب دراري صغار ياك
عايطوليه وجا عند نرجس وهما مشاو غبرو مابقيتش شفتهووم بقيت جالسة معاه
نرجس ملقات ماتقوليه: نعستي؟؟
انس: آه عاد فقت(جابتها هي هاديك ههههه)
نرجس: ايوا اش كاتعاود؟
انس: والو هاد الساعة........................كيفما العادة الحديت جاي وراجع ولكن واخا هاكاكمازال ماولفو بعضياتهوم مزيااان
بعد ثواني جات ندى والاخريات ناقزو على نرجس وقالوليها: نتي هناااااااااااااااااااااا
نرجس بوجه احمر:هههه ناري حصلت، باش عرفتوني دخلت للاعدادية؟؟
ندى: راه مشات ايمان و امال لدار ديالك وسولات عليك تما
نرجس:شنوووووووووو؟؟ اويلي لاش مشيتو’’ غادي تقول ماما مامشيتش للمراجعة اويلي اوعدي هادشي باش كاتنفعوني
ندى: سمحيلنا راه الخطأ ديالك وسمحيلنا ضيعنا عليك الجلسة ههههههههه
نرجس: الله يمسخكوم واجي بعدا شكون فتاحليكم الباب؟؟؟
نقزات ايمان وقالت: خوك الصغييير توفيق وراه كانو عندكوم ضياف
بعدما ارتفع ديال نرجس بسماع الخبر انهم مشاو لدارها ودقو انخفض منين سمعات ان توفيق هو اللي فتح الباب وراه كاينين الضياف اللي غايلهيوهوم باش يساولوا توفيق شكون ضق في الباب.
في المساء في دار نرجس مع ديك 9h00 منين مشاو الضياف حلات الماسنجر ديالها للاسف ماكانش الحبيب ديالها حال، وايضا تاحد من المعارف اللي كاتعرف ماكان حال، فكرات تحل الماسنجر ديال انس حيت كان عطاها واح النهار الكود ديالو وهي ايضا عطاتو الكود ديالها.
طلوا على نرجس دابا راها منهمرة بالابكاااااء وباغيا تنتف راسها واش ماعرفتوش علاشششش؟؟؟
لقات ميساااج في la boite de reception ديال المسن وعرفتو بعدااااااااا منييين، ماغاديش تيقوو شكوووون
بدات نرجس كاتصرفق فراسها وهي مامتيقاش اش كاتقرا
firdaws_..........********..fr: سلام حبي لباس عليك؟؟؟تسنيتك وماحليتيش،المهم اللي بغيت نقوليك راه مكارتاحش مين كانشوفك مع نرجس وخصوصا مين شفتكوم هاد العشية ديال السبت كرهت نفسي المهم كانبغييييك بزاااااف وموووووت
نرجس اللي كرهات مولات هاد الميساج واللي هي فاطمة الزهراء اللي كانت جالسة في الطاولات قدامها عشية السبت، كانضن راكوم عقلتو عليييها؟؟؟؟
نرجس:اويييييلييييي واش انا بعقلي ولا كانحلمم؟ اش هادشي كايوقعلييييي؟ واش تا فاطمة الزهراء مصاحبة مع انسسسسسسسسسسسسسسس؟؟؟ اشهادشيييييييي، واعباد الله شكون انا ومنين انا ومرة اخرى كايصرخ قلبها الهش وكايتجرح جرح آخر غير الجرح ديال هاجر
سدات الماسنجر ديال انس، وتسناتو يحل عمدا
بعد ساعة،
انس: saluut
نرجس:سلام الزين لباس عليك؟ قالت نرجس هاد الجملة وهي باغيا طحنو بين سنانها
انس:هههههه نتي اللي زين ماشي انا
نرجس:ok
انس:مالك؟بنتيلي ماشي تالتما
نرجس نفاجرااااااات وقالتليه:بغيتي تعرف ماليييييييي، واخا اسيدي، حليت الماسنجر ديالك ولقيت ميساج من فاطمة، وبالطبع غاتعرف شنو كاين فداك الميسااااج اولا؟؟؟؟؟؟؟؟؟؟؟
انس بكل برود:شوفي نرجس، أه انا مصاحب معاها سرا، ولكن راه هيا اللي جات عندي وقلتليا تصاحب معايا ومع نيت هي مها مايتة بقات فيا وكاتبدا تقول ليا ماكانحملش هاد الدنيا
نرجس بسخرية. ههههههههههههههههههههههههههههههههههههههه شفقتي عليييها؟؟؟؟بقات فيك؟؟بغيتي دير حسنة؟؟؟فراسك انا كرهتيني في بنااادم
انس:نرجس انا راه قلتليييك مانستحقكش مايمكنش شي نهار نكون فيه وفيا معااااك، نتي خاصك دري اللي يهتم بييك ويقدرك، اما انا خليني نمشي للبنات اللي باغييين يتفلالالالالالالاو اما نتي تصلاحي للزواج ماشي للتصاحيييب لانك كاتحافدي على الانسان الي كاتعاملي معااه
نرجس:سؤال واحد غاتجاوبني عليه وغاتمشي
انس.....وي
نرجس:كاتبغيني ولالا؟؟؟؟؟؟؟؟؟؟؟؟؟؟
كان لنرجس صدمتااان ديال فاطمة وهاجر ودابا غاتشوف واش كاينة صدمة ثالثة؟؟؟؟؟؟؟؟؟؟؟؟
انس:ماعرفتش.
نرجس...مالك ماتعترف وتقول ماكانبغييييييييييييييكش وتلقات بكية كتر من البكاء الماااضي
انس....مانقولش حيت ماعرفتش واش كانبغيك ولالا والله انا ماعارفش راسي فهميني
نرجس....راه نتا اللي خاسك تفهمني، صاف انس ماتعرفني مانعرفك نسااااا سميت نرجس نساهااااااا
انس....سمحيليااا بزاااف والله سمحيليااااااا
نرجس...عامري ماغانسامح لواحد دارليا هاد الشوهة عامرييييي
انس.....نرجس بلييييييييز سمحيليااا عفاك انا غانتفارق معاك ولكن سمحيليا بعدا
نرجس.....سير لعند فاطمة وهاجر هما اللي غايسلاحوليك اما انا ماشي من نوع ديالك أ....
انس......غير كمليها الى بغيتي
نرجس....ماتسمحش ليا شخصيتي نكملها حيت انا ماشي من نوع اللي كاتعرف وباااااي هاد الساعة
سدات الماسنجر، وحسات ان قلبها غاينفجر
مشات تكاات نعسات، دازت خمسة ايام نرجس ماحلاتش فيها الماسنجر كانت كاتشوف انس في الاعدادية ويلا داز من حداها كاتحس ان الكراهية والغدر هو اللي داز من حداها، دازت هاد الخمسة ايام هادئة عند نرجس ولكن مانساوش راه كاينة العائلة اللي تلفات نرجس ونساتها فدوك الاحداث نرجس كانت جد جد مرحة هاد الايام الي دازو هي براسها ماعرفاتش فينما تخاصم مع انس كاترتاح وكترجع مسرورة والعكس. في يوم كانت الساعة 12h00 ديال النهار كانوا خارجين من الاعدادية جات عندها واحد البنت سميتها حورية عينيها عسليين وكباار تبارك الله عادية في الطول ديالها وحتى في الغلد شعرها بني وكان طويل وكانت كاتكريبيه كادير ندادر ديال الشوف ولكن متبعين الموضة
حورية:ناااااااارجييييييييييييييييس
نرجس تلفتات للوراء ولقات حورية كاتشير ليها باش تمشي عندها
نرجس:سلام شنو بغيتي
حورية:سولني انس وقاليا سيري قولي لنرجس علاش مابقاتش كاتحل الماسنجر
نرجس:حيت هاكاك
حورية....دابا شغانقوليه
نرجس ...ماتقوليليه والو قوليليه ماجاوباتنيش
حورية....ايوا راه قاليا مين تسوليها قوليلها تحلوا اليوم مع 1h00 ديال الظهر
نرجس..صاف بسلامة
حورية... باااي
مشات نرجس للدار وتغدات وصلات الظهر وحلات الماسنجر لقاتو جالس راقد كايتسناها تحل(وكيفما كاتعرفو هما كايتسناو بعضياتهوم غير في الماسنجر وكايهدرو غير فيه ماعندهومش مباشرة ههه)
بقات نرجس حلا شي دقيقة وماهدراتوش
انس:ايوا ماقاداش تقولي السلام
نرجس: واه السلام اودابا؟؟
انس....واخا صاف لباس؟؟
نرجس....ايه الحمد لله كووووووووووول
انس.....علاش ماحليتيش هاد الخمسة ايام؟
نرجس...هكاك علاه؟ كاين شي مشكل؟
انس.....لالا نتي حرة فراسك، غير اوكان بغيت نقوليك شي هدرة
نرجس...بحالاش؟
انس......العشية غاتعرفي بحالاش، وبغيت نقوليك راك عزيزة عليا
نرجس ...ok by 3ndi chi chghol
نرجس مازالا كاتبغييه واخا وقعليها هادشي، نرجس بنت لحاجة الى جاتها كاتبغي تبقا عندها وتحافض عليها وماتخسرهاش وهاد الحاجة هي انس، ونرجس مصممة باش انس يبغيها واحد النهار من قلبو ويتعلق بها وان شاء الله ماكرهناش يوقع هادشي لنرجس لانها بنت حنونة وتستحق اي شيء
جات العشية، وحلات الماسنجر ديالها، كانوا العقروشات تاهما حالين ديالهم وكانقصد فاطمة وهاجر وحتى انس كان حال.
نرجس:سلام
انس: نرجس قولي لهاجر تهدر معايا حيت راها مبلوكياني
نرجس:هههههه شنو؟ كاتقول هاد الطلب بوجهك حمر؟؟؟
انس:نرجس انا ماكالعبش قوليليها تهدر معايا بغيت نفضي معاها شي حاجة
سمعات نرجس جملة00نفضي معاها شي حاجة00 ومشات كاطيير تقولهاليها راكم فهمتو الجملة تانتوما اولا؟هههههه
بقا انس شي 10 دقائق
انس:نرجس داوزيليا تا فاطمة الزهراء راها منفخة وماكاتردش قوليليها تهدر تاهيا عندي معاها حساااب
نرجس طاحت ليها فكرة ان انس غايسالي معاهوم ويبقى معاها صافي، وهي طييير لماسنجر فاطمة وقالتهاليها
بقى انس نفس الوقت وهو كايهدر معاها 10 دقائق كدلك
نرجس كاتسناه يجاوب
انس:سمحيلي
نرجس:لا ماكاين مشكل(لبنت حسابلها قاليها سمحيلي حيت تعطلت ساعا هوا بغا يقول........)
انس:لا بغيت نقول جات نوبتك
نرجس بفزع:كفاش جات نوبتي؟؟؟
انس....نرجس نتي بنت احسن من رائعة وراك عارفة هادشي راه دايما كانشكر فيك ونتي حسن من هاجر وفاطمة هما مجرد دميتين اما نتي بنت بعقلك
نرجس...ودمعة هابطة بهدوء(كيما كاتعرفو نرجس عييااات ماتهبط في الدموع وبهاد لفقايس شي نهار غايتسالاوليها) علاش كاتقول هاكا اشكاين ا انس؟
انس...انا قررت نبقا بوحدي مانديها فتاحد ومانديها فتاقمقوم، ماغانبقا كاع نرتبط بشي بنت وعرفي راني هدرت دابا معاك بآداب حيت عارفك بنت مزيانة أما هاجر وفاطمة راه عايرتهوم
نرجس...انس راه واخا هادشي اللي درتيليا راني كانبغييك والله
انس.....نرجس راه والله انقوليك الصراحة من شحاااال هادي ماكنتش كانبغيك نيييت ولكن دابا رجعت كانحس بشي حاجا اتجاهك والله
نرجس....ويلا كان هاكا لاش باغي تقارق معايا وتبقى بوحدك(البنت شتها استسلمت عاوتاني ورغم الصدمتين مازالا كاتبغي انس وبكل صدق طبعا هادا هو الحب واللي كاتمناه نرجس هو انس يبادلها نفس الشعور ولكن دايرا فعقلها ماتسالي حتى يكون ليها)
انس....نرجس شتي نتي واعررة والله وانا قررت نبقا معاك نتي
نرجس...كانبغيك بزاف
اش كاتشوفو ديرو تزغريدة لرجووعهم لبعضهوم
اويلي نتوما درتوها بصااح ماتنساوش راه الجروح اللي فقلب نرجس مازال مابراو غير كاتحاول تنساهم ولكن كاتحس بألمهم في كل دقيقة كادوز