بالصور تفاصيل خبز الصاج مع البانيه المشوى تحفة لا تفوتك

تغيير الوجبات شئى مفروض فى كل الاوقات للقضاء على الملل وايضا هناك وجبات ممكن ان توضع فى علبة حفظ ونذهب بها للنادى وتكون سهلى التناول وهو ما سوف اقدمه اليوم وسوف يقبل عليه كل افراد الاسرة سواء بالمنزل او النادى او فى النافورة كما فعل عم مسعود


هنا فيديو خاص بعمل خبز التورتيلا مع طريقة عمل الشاورما

خلاف الشرح الوافى الكافى للوجبة هذه
أما الطريقة بقي سر ميستخباش خاااالص:
نيجي للبانية عشان أسهل
بصي بقي هاتي البانية وحطية في طبق وقطعى بصلاية صغنونة وشوية ملح وفلفل إسود وفصين حبهان مطحونين ومعلقة زعتر ومعلقة كركم ومعلقة كارى ( لازم كركم وكارى عشان اللون )
وقلبية بيهم كويس
ومتنسيش بقي تحطى ع البانية علبة زبادى بيخلي طعم البانية تحفة وإسأل مجرب :smiley-shiningsmile:smiley-shiningsmile
وحطية في التلاجة وإعملية تانى يوم
طلعي بقي الانية من الخلطة بتاعتة يعنى طلعي منة البصل وإكسري علية بيضة وقلبية كويس وسيبية شوية مع بعضة
طيب عندك طاسة تيفال هاتيها وتعالي ورايا ع المطبخ
حطي الطاسة ع النار وإديها فرصة زيت مش تحطى نص الإزازة سمعانى يا فتوكة


وبعدين تسمى الله وتولعي ع الطاسة تبقي حامية وتحط البانية وتقلبية عشان ميتحرقش منك بس أهم حاجة متكونش النار عالية يعنى تحمى الطاسة وتنزلي البانية وبعدين توطى النار
متنسيش تقلبة ع الوشين
والنتيجة هتكون زى ما شوفتية فوق
سمعاكى يا اللي بتقولي طيب والعيش التورتيلا
تعاليلي يا فتوكة
هاتى نص كيلو دقيق وحطي علية ذرة ملح ذرة فلفل إسود ومعلقة صغيرة خميرة فورية
وحطي الماية بالراحة وإبدئى إعجنى ونقطتين زيت


وإعملي العجين علي شكل كور

وبعدين تسيبيها ساعتين كدة او اكتر
وتجيبي كل كورة وتفرديها بالنشابة


وفي الطاسة التيفال بتحطى نقطة زيت برضة وتوزعيها بالفرشة السليكون وتسمى الله وتنزلي العجين في الطاسة
برضة الطاسة تبقي حامية وتوطى النار وتقلبي العيش ع الوشين وخلي بالك عشان ميتحرقش
ودة شكلة

وبعدين بقي بتطلعي العيش وتحطية في كيس عشان مينشفش
نيجي بقي للسندوتشات
انتى بتكونى قطعتى البانية وحضرتي الكاتشب والمايونيز ولو عندك بقي خس بقدونس طماطم فلفل اخضر يعنى اللي قلبك يحبة
أسيبكم بقي مع الصور وطريقة لف الساندوتش


ودة بقي الشكل النهائى وبألف هنا وشفا
E]