اهمها الخميرة الجافة تكون من نوع جيد وتاريخ انتاج حديث
اختيار نوع الدقيق الجيد لا تنسى المقادير الاساسية
لكل كيلو دقيق نصف كيلو لبن وبيضتان وربع كوب زيت من نوع جيد
المقادير هنا نصف الكمية
و ونلم بلبن لما تتلم اضيف الزيت
واعجن كويس لما تتلم وتبقي حلوه اغطيها واسيبه تخمر
واشوف اللي ينفع عندي للبيتزا مش بقولكم بنت حلال المره المره اللي فاتت عملتها بوحدتين برجر
المرادي بقي عندي حته لانشون بشرتها وجبنه شيدر
طيب العجينه خمرت نفردها عادي وندهن كاتشب
ونوزع عليها اللانشون والجبنه
ونجيب بيضه واحده وعليها رشه فلفل اسود
ونضربهم بالشوكه ونوزعها ع البيتزا ورشه بقدونس مفروم كمان وكده تمام
طيب فين بقي الشكل الجديد والتجديد ولا بتشتغليلنا هههه براحه عليا شويه هانيجي من طرف العجينه ونلف رووووول كده ونلزق طرف العجينه ونخليه تحت
لحد ما نخلص ونقطع من الرول كام واحده كده زي السينابون ونحطها في قوالب ال كب كيك المنفصله هيبان كويس في الصور ان شاء الله
باقي الرول هانجيب سكينه وننسيب 4 سم ونشق نصفين بالطووووووووول كده يارب توضح
بس ونعدي براحه واحده من فوق وواحده من تحت سهل خالص ضفيره باتنين
وممكن هنا نسيبها كده ضفيره طويله وممكن نلفها زي الكعكه
ودي صوره جماعيه للكب بيتزا او سينابون البيتزا والضفيرا بعد ما خمروا
طبعا دهنا بيض فاكرين الطبق اللي كانت فيه البيضه ماغسلتوش حطيت فيه معلقه لبن رايب وبالفرشه ودهنت
وده الكب بيتزا او سينابون البيتزا جميل وهش تووووحفه
[
وده الكعكه الضفيره
وكمان عشان الحبايب
ودي بعد اول قطمه من الكب بيتزا هشه وطعمه
طبق للفتاتيك
يارب تكون نالت اعجابكم عاوزه دعوه حلوه تفتح النفس
وده طبق كمان
قطعه صغيره للي عامل رجيم ههه
