السلام عليكم ورحمه الله وبركاته
اولا تحياتى للجميع بمنتدى نجوم مصريه وتمنياتى لكم بالخير جميعا
ثانيا انا عامل هذا التوبيك لآنتقاد الادراه داخل المنتدى والمشكله التى تواجه الاعضاء
من قبل المشرفين العوام
الكل يعرف ان العضو بيعمل الموضوع والموضوع بينتظر الموافقه عليه من قبل المشرفين

على حسب شروط المنتدى
ولكن جميع الاعضاء بتترك رساله لكل مشرف حتى يتم الموافقه على المضوع الخاص به
والموافقه بتم بعد التوبيك ما بيتعمل بساعات وربما لو كان حصرى بيكون فى مواقع اخرى نشرته قبلنا بسبب بطئ المشرفين العوام فى الموافقه على المواضيع
وكمان فى مشكله لو الموضوع فيه شئ مخالف منقول مثلا او لم ينطبق عليه شروط الموافقه بيتم حذفه
دون الرجوع الى العضو ومعرفه اسباب حذفه حتى بتمكن العضو التعلم من الاخطاء ويتفادى الاخطاء دى
بطلب من الادراه رجاء
المنتدى الحمد لله به مشرفيين كتير ولكن فى تقصير فى قبول المواضيع
وعدم شرح حذف المواضيع للاعضاء واسباب ذلك
المفروض العضو يعرف الموضوع تم حذفه ليه او ليه لم يتم الموافقه عليه؟
ولو الموضوع مهم وفيه بعض الاخطاء وسهل التعديل فيه المفروض انه يقوم بتعديله وطرحه فى المنتدى للاستفاده منه
واتمنى من الاداره الموافقه على هذا التوبيك
وشرح جميع الاسباب

نرجوا حلا سريعا منكم يا إخوننا فكلامه صحيح أخبار عاجل تصبح بلا فائدة في منتدى ضخم مثل "نجوم مصرية " نرجو من المشرفين و مدير الموقع العمل على الموضوع جيدا للوصول إلى الحل بإذن الله

استاذ Ahmad shata بيتهيالى انت بتعمم على الجميع وحضرتك لما كان ليك موضوع فى الازياء انا شرحت ليك اتحذف ليه وماكنش ينفع اعدلك فيه لانه بدون مقدمه نهائى لكن بخصوص باقى الاقسام اظن انهم بيحاولوا يبذلوا كل جهدهم علشان يتابعوا قبول المواضيع

استاذه امانى صلاح محمد لو حضرتك بتتكلمى على موضوع فانا بعمل موضوع وانتظر اشوفه بعدها بيوم
وبالنسبه للأزياء ازاى هعمل موضوع بدون مقدمه اكيد اكن فيه مقدمه بس النص الكتابى كان قليل
ولو بصيت هتلاقى فى رد قبل منك بيوافقنى فى الكلام!!!

حضرتك بعتلى موضوع مافيش فيه اى مقدمه غير العنوان ورسايل حضرتك ليه فى الصفحه موجوده وانت بتطلب منى اضع انا المقدمه بلاش نتهم بعض باشياء مغلوطه لو سمحت

استاذه امانى انا مش بتهم انتى مش واخده بالك انك مركزه فى موضوع بس!!
وده مجرد موضوع واخطات فيه عادى جدا
فى امور تانيه كتير انا قولتها فى هذا التوبيك ياترى عندك رد مناسب للموضوع ده عشان نعرف الاسباب؟

السلام عليكم
اخي العضو الكريم ربما يكن هناك تاخرا في الموافقة على الموضوعات / الردود وهذا لسبب انه هناك العديد من الموضوعات يتم ادراجها بنفس الوقت و تحتاج للمراجعة بالاضافة للردود وربما يكن العديد من المشرفين / المشرفين العوام غير متواجدون
هذا لاينكر او ينفي وجود شبهة تقصير لكن ما اريد ان اوضحة اليك انه كما اشارت لك الاخت الفاضلة أماني ان لديك بالفعل موضوعات مخالفة و قد تم شرح السبب لحضرتك ربما هناك موضوعات اخرى مشابهة حذفت اليك و جاء المشرف لينبهك وجد تنبيها لنفس السبب في ملفك ,,

لا ابحث عن تبريرات لكن دع الاعضاء يلتزمون بقوانين المنتدى , و كذلك المشرفين الا يدخروا اي جهدا للموافقة على موضوعات الاعضاء ,,

اشكرك على اهتمامك

لما بيكون فى مشرف بيحذف موضوع بيبقى فى خانة عشان يكتب فيها اسباب الحذف ده غير ان فى مواضيع كتيرة بتتفعل وبيكون فيها اخطاء ومخالفات ولكن بتعدى مش العكس
وحضرتك لما كانت عضويتك موقوفة اول ما بعتلى انا رديت عليك وكلمت عبد الرحمن ورجعتلك العضوية بدون تأخير
ولو اى حد تانى بمجرد ما بيشوف الرسالة بيرد عليها

شكرا للتوضيح بس انا الموضوع الى بيتحذف ليا مش بيظهر عندى ولا بيظهر اسباب حذفه عشان اعرف لو محتاج تعديل اعدله
ول مخاف نهائى مش اكرر نفس هذا الموضوع تحياتى الكم

شوف حضرتك انتقادك على نقطتين و الاثنين يمكن تفنيدهم ببساطة :

1- تأخر الموافقة على المواضيع : الحقيقة أن مراجعة المواضيع أمر ليس بالسهل و لا أعتقد أن هناك مشرف يتكاسل عن ذلك الا أن كل المشرفين لديهم من المسئوليات الشخصية ما لا يتيح لهم التواجد 24 ساعة فى اليوم و نتواجد قدر استطاعتنا فضلا عن أنك فى حاجة لمجهود فى البدايه و بعد ذلك يمكنك طلب الاشراف بعد أن تتأكد الادارة من قدرتك على الكتابه و التحرير و بذلك تنشر دون الحاجة الى موافقات من أحد و هو أمر سهل و الادارة لا تتعسف فيه بالتالى أنت تعانى فى 100 الاوائل و بعدها يصير كل شيىء على ما يرام لانك تصير مشرف ان شئت بالطبع .

2- عدم ذكر سبب النسخ : عندما احذف موضوع اترك بجانبة رسالة صغيرة بسبب الحذف و معك حق فى أهمية تلك الرسالة و أنا ادعو كل زملائى الاعزاء الى ترك اسباب الحذف بجانب أى موضوع يحذفوة لكى يستفيد العضو و لا يكرر اخطائة


شكرا لتنبيهك و نحترم رأيك و نقدك و نقدرة طالما كان نقد بناء .... شكرا مرة أخرى

شكرا للتوضيح بس انا الموضوع الى بيتحذف ليا مش بيظهر عندى ولا بيظهر اسباب حذفه عشان اعرف لو محتاج تعديل اعدله
ول مخاف نهائى مش اكرر نفس هذا الموضوع تحياتى الكم

احيانا يتم الحذف من داخل لوحة التحكم وهو مايجعل الحذف نهائي ( لايظهر لك الموضوع ثانية ) , و الان قمت انا بحذف موضوعين اليك كل منهم اما دون المحتوى (محتوى ضعيف ) وكذلك بهم حشو للكلمات و تكرار دون اي داعي.