على بحر اسكندرية
لمحت أجمل صبية
كانت و معاها هي
زميلتها أجمل شوية
لكن هي في خيالي
أجمل منها بشوية
و لما رأيت عينيها
تاه قلبي في أيديها
خفت أقول لها كلمة
تبعد عني بعينيها
و لما الشمس غابت مشيت هي معاها
و تاني يوم لاقتني
ماشي في طريقي ليها
و لاقتها سابقة قلبي
واقفة في مكانها تاني
لكن اليوم جات
و لاقيت قلبها خالي
قلت اقولها كلمة
و زي ما تيجي تيجي
لحظة ما قلت أنتي
بصت هي بعينيها
و سألتها من تكوني
قالت أجمل صبية
على بحر اسكندرية
قلتلها مانا عارف
لكن اسمك يا حلوة
قالت و بكل رقة
اسمي ع البحر عايم
و أنت لما جيت
البحر غنى بيه
قلتلها قلبك شغلني
قالت قلبك كمان
و أنا واقف معاها
بصيت جنبي الاقيها
غابت عني في ثواني
أتاريني كنت نايم
بحلم بيها في منامي
على بحر اسكندرية