السلام عليكم

لعل ما دفعنى لهذا السؤال هو قلقى الشديد من عمليات القرصنة والاختراق التى تحدث لبعض المنتديات والمواقع العربية ..
بل ما يتعرض لاختراق أفضل المواقع العربية ...
ففى وقت من الاوقات تعرض منتدانا نجوم أف ام الى الاختراق ولكن فى ساعات قليلة تم معالجة الامر .. وسط قلق شديد من جميع أعضاء المنتدى ...
وهناك الكثير من المنتديات والمواقع التى تم أختراقها ...
ولى بعض الاسئلة اتمنى أن أجد اجابة عليها من أصحاب الخبرة .؟
أولا :
ما هى أهم الاسباب التى تجعل من المنتدى أو الموقع فريسة سهلة للاختراق ؟
هل من الممكن عند أختراق المنتدى أن يضيع بلا رجعة ؟ وهل النسخ الاحتياطى للمنتدى يفيد فى هذة الحالة ؟

واخير ا , ماهى أهم العوامل التى تجنب أى منتدى التعرض للاختراق ؟

انتظر أجابتكم جزاكم الله كل خير

ما هى أهم الاسباب التى تجعل من المنتدى أو الموقع فريسة سهلة للاختراق ؟

اهم سبب قلة الخبرة لذا المنتديات الجديدة اكثر المنتديات عرضة للاختراق

هل من الممكن عند أختراق المنتدى أن يضيع بلا رجعة ؟ وهل النسخ الاحتياطى للمنتدى يفيد فى هذة الحالة ؟

مادام هناك نسخ احتياطية لا يمكن ان يضيع بلا رجعة الا اذا سرق الدومين ولم تتعاون معك شركة الدومينات لاسترداده لذا يفضل دائما الاشتراك مع شكرة دومينات موثوقة وعمل اغلاق lock للدومين

واخير ا , ماهى أهم العوامل التى تجنب أى منتدى التعرض للاختراق ؟

1- تغيير مسار لوحة التحكم
2- منع التعديل على ملف المدير من الكونفج
3- صلاحيات فولدرات المنتدى والرئيسية 111
4- تجنب الاخطاء او الاسكريبتات الغير موثوقة .. مممكن مثلا اختراق منتدى عبر دليل المواقع عن طريق رفع الشيل

عن نفسى واخد مبدأ ان طالما الدومين والنسخه الاحتياطية فى جيبك يبقى اى حد يخترق بعد كده يولع فى نفسه براحته
طبعا فى الاول تعمل اللى عليك بالنسبة للحماية وتتابع كل الدروس الخاصه بيها وتطبقها ولكن للاسف مفيش حمايه لا يمكن اختراقها وكل اللى بنعمله اننا بنحاول نصعب المهمه على المخترق على قد ما نقدر
الاهم وهو ضمان وجود الدومين معاك واستحاله سرقتة وانا لحد دلوقتى مشوفتش اقوى من شركه name فى الجزئية دى وخاصة خدمه اسمها NameSafe VIP Credential
الخدمه دى انا بنصح بيها كل واحد صاحب دومين مشهور وخصوصا انت يا عبدو
باختصار هيا عبارة عن ارسال جهاز اليكترونى ليك عامل زى الساعة الاليكترونية سعره 5 دولار + 19 دولار اشتراك سنوى فى الخدمه
الجهاز ده بيقوم بتوليد رقم فى كل مره تدوس عليه والرقم ده بيتطلب منك لما تيجى تدخل حسابك فى الشركة
يعنى لما تدخل الاكونت بتكتب اليوزر والباسورد بجانب تولد رقم من الجهاز وتكتبه علشان تدخل ومستحيل من غيره تدخل الحساب بتاتا
كده صاحب الموقع ضمن الدومين والنسخه الاحتياطية مع مراعاة قواعد الحماية اللى حتى لو فى اسوأ الظروف تم اختراقها حتعرف ترجع تانى عادى جدا
عامه برضه من غير الخدمه دى اى دومين ممكن استرجاعه طالما معانا الفيزا اللى تم فيها الشراء بس العملية حتاخد وقت طويل شويه على ما تراسل الشركه وتشوف سرعه الاستجابة والتعامل

تسلم ايدك على الشرح والتفسير الجــــــــامدجداااااااا الف شكر ..
وفى انتظار مواضيع من دى نها بتفيد ناس كتير جدا وفى ناس كتير أوى محتاجلها ..

شكرا