هل تحتاج الى طبيب نفسي ?-----سؤال مهم جدا لدرجة ماتتصوروهاش كل ماتيجي سيرة الطبيب النفسي ع طول نفتكر المجانين أو المتخلفين عقليا ---يمكن جت فتره و قولنا ان الطبيب النفسي نفسه مجنون ---وده بسب الإعلام و الأفلام اللي دايما تطلعلنا انه مجنون و تصرفاته غريبة---لكن حقيقي الطبيب النفسي ده كل واحد فينا محتاجه ---كتير مننا يتحط في مواقف مش قادر يتصرف فيها مع انه يقدر ---و كتير مننا حياته متلخبطة علشان هو متردد و متذبذب و مش عارف ياخد القرار --و كتير أوي اللي نلاقيه متعصب و زعلان و مدخل الأمور في بعضها و بوظ الدنيا --و كتير اللي نلاقيه بيخاف على مشاعر الناس لدرجة انه مايحققش اي حاجة في حياته --وفي اللي بيحب السلطة و التسلط--وفي اللي مابيحبش حد --وفي و في....معظم اخطائنا من مشاكل نفسيه ...حتى في نفسنا.. بنغلط فيها و أكبر حاجة واضحة هو الحب كتير اوي بنلاقي اللي بيدور ع الحب علشان يحقق السعادة لكن ده مايعرفش ان السعاده هي اللي هاتوصلك للحب الصح ...حاجات كتير اوي بتبوظ بسبب المشاكل النفسية وأكبر دليل على اننا كلنا عندنا المشاكل دي هو عدم تقبلنا الذهاب للطبيب النفسي يعني احنا معقدين و اقل حاجة هانقولها لو وافقنا ع مبدأ الذهاب للطبيب النفسي هو الناس تقول عننا ايه و ده في حد ذاته مرض نفسي و هو الخوف من الناس او عدم القدره ع تبرير موقفك يعني عدم القدرة ع المواجهة ...وسلام بقى

مممممم انا اعترف بصراحة انا محتاااااجة طبيب نفسي ^_^
تسلم على الموضوع
في ناس ليها تصروفات غريبة ومبتكونش محتاجة ده حسب
نفسيته وطباعه
^_^

انا فعلا محتاج طبيب نفسى لان انا حياتى ملخبطة اليومين دول

انا كمان محتاجة لطبيب نفسي لانى متذبذبه

وانا كماااااان محتاجه لطبيب نفسي لاني مش عارفه احكم اعمل ايه في مشكلتي
و بجد الاعلام وصلنا ان الطبيب النفسي مجنون واللي يفكر يروحله هو كمان مجنون
علشان كده محدش مننا بيفكر يقول انه عايز يروح لطبيب نفسي علشان محدش
يقول عليه مجنون وكفايه رغي بقه علشان مصدعكووووووش

بص بقي من الاخر كلنا محتاجين طبيب نفسي

صح مفيش حد مش محتاج طبيب نفسي

لان مفيش حد كامل ولان كلنا فينا سلبيات

ومحتاجين حد يسمعنا ويحاول يحلها معانا

اه صح الطبيب النفساني ده مش عيب ولا حرام واكيد كل واحد فيناا عنده مشاكل وسلبيات ولازم نحلهاا مع مساعدت متخصصين وده مش عيب لكن العيب اننا نشوف سلبيتناااااا ونسكت ونخااف ونمشي وراا كلام الناس

اجعل من نفسك طبيب لنفسك

مفيش حد فى الزمن دا مش محتاج لطبيب نفسى

انا محتاجه جدا لطبيب نفسي ولما اقول لحد كده يضحك عليا انا نفسيتي تعبانه جدا ومتردده جدا ومش عارفه اخد قرارات في حياتي

اكيد طبعا محتاه طبيب نفسي واغلب الناس دلوقتي محتاجه لطبيب نفسي يحاول يريحها لان محدش عارف يريح نفسه دلوقتي

ايوة فعلا كلنا محتاجين طبيب نفسى لانو مهم جدا لكل واحد فينا بس هنقول لمين الشعب المصرى متخيل ان الى بيعرف بس طبيب نفسى بيكون مجنون ليه مش عارفه .

ياجماعة الدكتور النفسى مش عيب بس كمان الامراض النفسية احنا اللى بنزرعها جوانا وممكن للفرد منا انه يعالج نفسه اول شىء شوف ايه الخطاء اللى بتعمله او الاصحاب كويسين ويستهلوا انهم يكونو اصحابك ومتفتكرش نفسك ضعيف واعرف انك بشر زى اى حد يعنى مافيش فرق واولا واخير اغصب على نفسك انك تعمل الصح مهما كان ونقى روحك بالصلاة والاعمال الخيرة واللى يقدرك قدره بس اعرف مقامه والسلام

على فكرة انا بتابع مع دكتور نفسى

انا اكيد محتاجه طبيب نفسي و مين فينا مبتوجهوش مشاكل مش قادر يتصرف فيها كتير مننا و انا من زمان نفسي اتابع مع طبيب نفسي