وبيتميزوا بيها جدا انا شخصيا لما عملتها لقيتها تجنن الوجبات دي سريعه سهله مش محتاجه وقت كمان غير مكلفه بتعمليها من فوائض عندك كمان تغيير لشكل الاكل اللي اتعودنا عليه كله مسبك او صوةاني عشان كده الاتراك محافظين علي صحتهم واكلهم عشان كده ان شاء الله هنتعلم ازاي نعمل البرك التركي بطريقه جميله جدا لست البيت او الفطائر بالمصري او القرص المحشيه بطاطس مهروسه ولحم عالصاج
فطاير محشيه
المقاديييييييييير
3 كوب دقيق +1 كوب لبن دافئ +1 م ك خميرة +1 م ك سكر +1 بيضة +3 م ك زيت +1/2 م ص ملح
الطريقة يا حبايبي
نذوب الخميرة والسكر مع اللبن الدافئ ونسيبها 5 دقايق ثم نضيف علي الخليط الزيت والبيضة والملح ونقلب
ثم نحط الدقيق في مصفاة او منخل وننخله علي 3 مرات علي خليط اللبن والخميرة
ملحووووظة مش هنضيف الدقيق مرة واحدة علي 3 مرات ننخله علي الخليط عشان تكون هشة جدا وطبعا ممكن في عجانة او بالايد وبعدها نعجن الخليط 5 دقايق بالايد او بالعجانة وهنلاحظ ان العجينة بتلزق مفيش مشكلة ونغطيها ونتركها ساعة في فرن دافئ تتخمر ويتضاعف حجمها
وبعد تخمر العجينة وزيادتها للضعف نقطعها كرات صغيرة ونرش دقيق لان العجينة بتلزق
ثم نفرد العجينة فرد رقيق
وهنا نحشيها علي حسب الذوق
ممكن حشوة بطاطس مهروسة مع لحم عصاج وكسبرة خضراء
وممكن وده حشوة البطاطس المهروسة مع الجبن والبصل والكسبرة *** شوحت بصلة قطع صغيرة وضيفت عليها بطاطس مهروسة مع كسبرة وجبن وممكن حشوة عصاج لحمة بالبصل بيبقي خطير زيالي في وانا عملتها كذا مرة بحشوات مختلفة وممكن بالنوتيلا كمان
ثم نقفلها جيدا من جميع الجوانب
ونرش طبق دقيق كويس ونرصهم عشان ما تلزقش في الطبق
و ممكن نرش دقيق علي رخامة المطبخ ونقفلهم ونرصهم ونغطيهم حتي ننهي كل الكمية ونتركهم 15 دقيقة يرفعوا تاني قبل التحمير
ثم نسخن زيت ونقليهم بتتحمر بسرعة لازم نقلبهم علي الجانبين
واثناء تحميرهم بمعلقة ناخد زيت من طاسة التحمير ونرشه عليها من فوق وده بيحمرهم من فوق وتحت في نفس الوقت وبالهناو الشفاااااااااااا
