مجنونة بيكى يا أميرة
يا حب في القلب مكنون

ودنيا في الهوى كبيرة
وفي حبك أنا المجنون
بحبك يا مصر يا أمى
يا روحى يا كيانى يا دمى
بحبك يا مصر
وف جمالك تهت سنين
بس دايب في الحنين
نفسي مرة أحس بيكى
حاضنة قلبي بين ايديكى
وارتاح شوية من الأنين
بحبك يا مصر
يا أم عباية خضرا
وعنين سمر فرحانين
أنا جايلك في بكره الاتى
لسه شوقى جاى عاتى
جاى بيشق البحور
يا مصر يا امى يا حياتى
يا بلدى يا حقيقتى وثباتي
يا حب ف قلبي جسور
بحبك يا مصر

جميل اني الاقي حد بيحب بلده للدرجه دي وبزعل اوي لما الاقي حد بيشتم بلده وهو مايعرفش ان بلده ضحيه ومظلومه زيه


انا كمان بعشق تراب مصر وسعيد جدا بالتوبيك ده

متحرميناش من مشاركاتك

ايه الجمال دا؟
مهو لسه اهو فيه ناس بتحب مصر

جميله جدا

وبحب جو النتماء للبلد ده

وهي معملتلناش حاجه علشان نكرها

ربنا يجعلها امان لاهلها


ولو في عيب هيبقي مننا احنا

تسلم علي التوبيك الجامد

مشاعر جميلة وكلمات رقيقة
وكلنا بنحب مصر ....وفعلا مصر اجمل بلد في الدنيا

انتا بتحب مصر ..... واحنا كمان بنحب اللى يحب مصر.....واللى يحب مصر ...مصر تحبه..

يارب كدة دايما نشوف الناس اللى بيحبه مصر لانى ده بقى نادر دلوقتى

مشكورة كتير على التوبيك الجميل.....

مرسى اوى على الشعر الجميل دة
اللى مصر فعلا تستحقة اوى اوى
اوى اوى اوى اوى اوى

شعر ممتاز ومصر تستحقه وتقديرا لك تم تثبيت الموضوع

تعرف اننا مسفرة وبعيدة عن مصر

حرام عليك خلتنى أعيط

ايه ده يابنت انتى مسفره فين دا انتى بقيتى فى الغربه بقيتى تبعنا

لية مين غيرك يا بلدى ......لية مين
يا اللى علمتينى اية معنى الحنين
انتى اللى ارضك طيبة
والغربة فيكى قريبة
لية مين غيرك يا بلدى
لية مين
شكرا اختى الفاضلة
لقد حركتى فينا مشاعر جميلة ونبيلة
كنا نعتقد انها ماتت ولكن
هذة الابيات الجميلة
والاحساس الرائع
قد اعاد فى قلوبنا نور حبنا لمصر
بحبك يا مصر
بحبك يا مصر
واللة اكبر فوق كيد الحاقدين
واللة اكبر فوق كيد الحاسدين
لحبنا لمصر

بجد كلام رائع يا رضا وفعلا لمس حائط احساسى واتمنى لك المزيد

فعلا مصر دى حبيبه قوى انا عن نفسى مقدرش اغيب عنها

يارب رجع كل مغترب عن مصر بالسلامه

واااااااو كلمات في قمه الروعه ,,
ربي يعطيك العافيه ,,

بحبك بحبك
بحبك يامصر
بحبك بحبك
ولو غبت عنك
بيوحشنى حضنك
ويقتلنى شوقى
وأجرى وأضمك
وألاقى أمانى
فى ناسك وأهلك
وأجرى وأمرح
فى شمسك وضلك
وكحل عيونى
بترابك يامصر
********
دا حبك حضارة
وتاريخك منارة
ماضيك شجاعة
وحاضرك جسارة
وشمسك تنور
وتنشر طهارة
وأرضك يتطرح
محبة و طهارة
ولادك أسودك
بيحموا حدودك
ويفدوا بحياتهم
ترابك يامصر
********
دا من عهد مينا
وخيرك علينا
محمد وعيسى
بياخدوا بإيدينا
تشيلك قلوبنا
تصونك عنينا
نكمل مسيرتك
نقود السفينة
ونفدى بدمانا
عيونك يامصر
********

بيوحشنى حضنك
ويقتلنى شوقى
وأجرى وأضمك
وألاقى أمانى
فى ناسك وأهلك
وأجرى وأمرح
فى شمسك وضلك
وكحل عيونى
بترابك يامصر

كلنا بنحب مصر ولا احد يعرف قيمة مصر غير المسافر

تقبل مرورى

جميلة جداااااااااااااااااااااااااااااااااااااااا
تسلم ايدك

ملاك حزين
مرورك أسعدنى
اشكر لك كلماتك الرقية
سلامى إليك

هبــــــــــة
أشكر لك مرورك الكريم
سلامى إليك

رائعة هي تلك الإنتفاضة الشعرية ،،

ألتمست معها حدود السماء ،،

فسلمت يمينك على هذا الطرح ،،

وإليك مني في حبنا الأوحد تراب الشهاده هذه الأبيات العامية ،،

وديني وربي لأكبر وأربي ،،

وأعلم ولادي حنين البلاد ،،

وأكون لك يامصري ترابك ده شهدي ،،

فدائي فدائي ،،

شهيد ابن مصر ،،
***

وأعود لأقول ثملنا من حبنا لأرض الوطن ،،

نهمس جهراً عن جوانب وخفقات قلوبنا ،،

عن ماتحمله من لذة الإنحاء والسجود ،،

حين نلامس ترابها ،،

ولو أن الأمر بيدي ،،

لطرت على أرضها ،،

بدل أن تلامس قدمي لها ،،




مودتي وتقديري ،،

أيها العزيز ،،

أخى الكريم الناقد/ قوة كلماتك وروعتها أشعرتنى بالضآلة حتى كدت أتلاشى أمام روعتها لأنها تفضح عقلا ناضجا وفهما بلا حدود
فتقبل من أحد تلاميذك (إن شرفتنى بقبول ذلك) تلك الكلمات المتواضعة

ومهما أفكر
وأحاول أعبر
وأجارى ردودك
وأقارب حدودك
بيهرب كلامى
ويبقى سلامى
لأنك يا ناقد
عظيم يابن مصر

أنا بحب بلدى جدا ونفسى تكون أحسن بلد فى الدنيا وبجد نفسى أعمل حاجه لبلدى

كلام جميل وإحساس أجمل

ورغم إني مش مصرية ....بس بحب مصر

وأتمنى تقبلوني بينكم

رائع أبدعت وتسلم أم الدنيا....وان شاء الله يعدي الربيع العربي على خير يارب

تطوير معمل العلوم وتوسيعة لدخولة التلا ميز