هل تدركين معنى الحب ؟

هلت تفهمين معنى الاخلاص ؟

هل عرفت معنى التضحية من اجل الحبيب ؟


الاجابة

الفتاة البلهاء ::
انتا يابنى بتتكلم فى اية انتا من كوكب تانى واية كلام الانشا دا اللى جاى تقولة .

احنا اهم حاجة عندنا الفيلا والعربية والموبايل واخر موضة.... انتا مجنون انك ممكن تتخيل انى ممكن اضحى بدا كلة عشان كلمة ولا تسوى اسمها الحب ، يابنى فوق الكلام اللى بقولة دا اندفن فى التراب
، اناممكن ابيعك بارخص سعر فى زمن انتهت وماتت فية كلمة حب وبقت كلمة مالهاش معنى...

؟؟؟؟؟؟؟؟

ماتشغربش ياللى بتقرا .... انا مش بالف .. دا كان شوية من الكلام اللى سمعتة...من بنت قصدى شيطانة، كنت باحبها وواهم نفسى بحبها من سنين ، وفى الاخر اخدت اكبر بمبة

اة اة اة .... واااااااااااااااااااااااااة ، لواحد يسلم قلبة لبنت قصدى لشيطانة

هل تدركين معنى الحب ؟

مفيش بنت متعرفش معنى الحب الا القليل ولو خانت في يوم يبقي من كتر مشافت ودى مش انحيازيه على فكره بس فعلا انتو بتغلطو كتير وتفتكرو نفسكم الصح وبرضو عشان مبالغش في بنات متعرفش معنى الحب اصلا
هلت تفهمين معنى الاخلاص ؟
الى بيحب بجد يعرف كويس اوى معنى الاخلاص بس المهم تكون انت مخلص مع الى بتحبه ومتكنش انانى
هل عرفت معنى التضحية من اجل الحبيب ؟
دايما البنت هيا الى بتضحى (عشان تكلم الى بتحبه بس دى تضحيه في حد ذاتها) من ورا اهلها طبعا

وتعليقي على اجابتك لو تسمحلى
الى انت كتبه ده ممكن يكون حصل معاك لكن قليل الى بيحصل معاهم كده
انا معاك في كلامك بس اتوقف عند كلمه

اة اة اة .... واااااااااااااااااااااااااة ، لواحد يسلم قلبة لبنت قصدى لشيطانة

البنات مش شياطين ولو البنت اتحولت لشيطان يبقي من كتر الى شفته على ايدك يا بن ادم

وممكن كمان يبقى أختيارك من الأول غلط يعنى معرفتهاش كويس مش كل البنات خاينين بس فى بنات تفكيرهم سطحى فده عيب منك أنك معرفتش أنها أنسانه سطحيه بتهتم بالمظهر وبس

و الله يا زميلى انا معاك فى هذا الكلام

انا عمرى ولا عمرى هسلم مفتاح قلبى و عقلى لواحده حتى لو كانت مين


يا عم دول ناقصات عقل و دين

ياسلام مش معنى كده ان البنات كلها
مافى برده شباب شياطين يبقى برده مش هنسلم قلبنا ليهم

براحة شوية الكلام ميبقاش افش كده مش معنى ان الواحد مر بتجربة قاسية
يبقى ياخد موقف من كل حاجة

يا انسه موقف ايه

البنات دول لو اتجمعو فى شخص واحد هكون اول مين يقتله

مدخل الشيطان الحريم

و ده مش كلامى ده كلام المصطفى عليه الصلاه و السلام

و غير كده ممكن نعمل احصائيه على شباب المنتدى و نشوف كام مره واحد او واحد اتنفضله

البنات دى بتهرج

اسمحولي ادخل في الموضوع دا

لو أي بنت قالتلك الكلام دا اتأكد ان هي مرت بحاله حب بهدلتها ومش عيزه تمر بيها تاني وبتتكبر عليك بالكلام دا وتعمل نفسها جامده وتقولك انا ميهمنيش الحب عشان هي اصلا انجرحت جرح مش سهل ومش عيزه تطلع ضعيفه
او اهلها يكونو مدلعنها زياده عن اللزوم ........ودمغها فاضي مش همها حاجه في الحياه غير السياره والفلل ولهبل دا

ومفيش وحده تكره دا طبعا بس الأولى الشخص اللي حتعيش معاه ممكن يتوفر عندها كل دا بس متبأش سعيده وتكره عيشتها من واحد قاسي او ظالم او اهبل
دا رأي
شكرا على الموضوع

طبعا يا اسيرة الليل انتى اكيد تعرفى ان الانسان مش بيختار اللى يحبة ، ولكن القلب هوا اللى بيختار ، ويمكن يكون القدر اللى بيكتب للانسان يعيش فى سعادة طول حياتة او يعيش فى مرارة الجرح فى بيقية حياتة زى اللى انا عايش فيها

سيدتى هذا كلام ليس له دليلى

اتعرفين لماذا

لان لو افترضنا جدلا

ان البنات ملايكه

واحنا اللى شياطين

زى ما كل العالم واخد الفكره دى

لماذااااااا

كل مصيبه تحدث من اللازم ان يكون خلف الستار امراءه

على فكره ده كلام مؤكد بابحاث

طيب بلاش

لما اروح لواحده و اقولها بحبك

و تقولى و انا كمان

و بعد كام شهر

انا عارف انو كتير بالنسبه للبنات كام شهر

و الاقيها مع شخص تانى

و اسالها

ليه كده

تقولى اصل بحب التغير

و تسيب الولد ده

و تدور على غيره

و هكذاااااا

و لو اى شخص عايز دليل على كلامى

انا عندى استعداد اخليه يشوف الدليل بعينه

ماشى

و اللى محتاج دليل يبعتلى رساله

و انا اقسم بالله العلى العظيم لاوريه الدليل بعنيه

يا جماعة صدقونى ... فى اللى الحظة اللى الكلام دا فيها ما كنتش مصدق نفسى ...كنت حاسس ببرد ووحدة وصدمة كبيرة كنت شايف قدامى ابشع انسانة فى الدنيا ،،وصدقونى حاولت مع نفسى ادور انا قصرت فى اية ،،انا غلطت فى اية ،،حاولت ادور ليها على عزر ..... للاسف ماوصلتش لاجابة
كان نفسى اوصل لاجابة عشان اخرج من حالة الانهيار والوحدة والصدمة اللى انا فيها
حد يقولى الحل فيين عشان اخرج حبها من قلبى

يا جماعة احنا وانتوا لاملايكة ولا شياطين وبنغلط كتير محدش زى ما ولدته امه والدنيا فيها وفيهازى ما فى بنات كده فى ولاد بتلعب بالبنت وتوهمها انها بتحبها وحتتقدملها وممكن تكون دماغه فى حاجات تانية كتير واما يتعرف انهم خلاص لبعض اول ما تلح عليه فى الجواز ويفقد الامل اللى كان فى دماغه ولقاه فى واحده تانية يفلق بأى حجة ويسيبها ومحدش حيقربلها بعد ما عرفو انهم كانوا ماشيين مع بعض عادى ومش اى حد اتصدم فى بنت يبقى احنا شياطين وانتوا دايما الملايكة المخدوعين ومش حتسلموا قلبكم لبنت ومش كل بنت تتخدع فى ولديكونوا هما الشياطين اللى بيخدعوا واحنا البنات الملايكة اللى دايمت بننخدع دى بتكون غلطتنا ان احنا ما اتخرناش صح م البداية وده مش عيب ان احنا غلطتنا ولا اتخدعنا احنا بنى ادمين ومفيش بنى ادم مبيغلطش
تقبلوا مرورى

البنات ما تقدرش تنكر
ان كلهم بقا تفكيرهم سطحى وانهم مش مقدرين كلمة حب ومايعرفوش معن كلمة راجل بيحب من قلبة ، وواخدين الموضوع تهريج وتضييع وقت ومنظرة

تسمحلى اقوللك مش كل البنات الموضوع بيتعكس فى ولاد عايزة بنات تتسلى بيهم عشان قدام اصحابهم ميبقاش هو الوحيد اللى مش مصاحب والبنت تبقى بتحبه بجد بس هو ولا على باله خالص

اولاً مش كل البنات كدة ده غير إن الرسول عليه الصلاة والسلام لما قال ان المرآه تأتى فى صورة شيطان هوماكانش بيعمم ياهارى ده كان بيتكلم عن حاجة محددة لكن سيدنا محمد عليه الصلاة والسلام قبل مايموت وصى الرجال على النساء ده غير أحاديثة الباقية الجميلة واللى بتخص النساء ووصفه ليهم بإنهم قوارير فياريت ماتعممش فى حاجة قالها سيدنا محمد عليه الصلاة والسلام
ده غير بقى الحاجة الأهم وهو كلام ربنا سبحانه وتعالى والآيات اللى تكلم فيها ربنا عن المؤمنات القانتات الساجدات العابدات والرجالة والستات فيهم كدة وكدة
علشان كدة يا mo 223 لازم تحمد ربنا وتعرف انه بيحبك لانه كشفهالك على حقيقتها وان كنت بتتعذب دلوقتى فصدقنى ده ارحم بكتير لوكنت اكتشفت ده بعد الجواز

اسمحوا لى اقول رأيى مش كل البنات زى بعض ومش كل الولاد زى بعض فى اللى خلت ملك يتنازل عن عرشه وفى اللى كانت خير معين وخير مثال السيده خديجه رضى الله عنها وامهات المؤمنين واسمحلى هارى بوتر لوكانت كل البنات شياطين مكنتش انت وانا موجودين ومش كل واحد عاش قصه مش ناجحه وقابل الشخص الغلط يقول ان البنات كلهم شياطين ويبص لنص الكوبايه الفاضى وينسى المليان وانا متاكده انك لما تلاقى الحب الحقيقى هتغير رأيك وختاما (وراء كل عظيم امرأه)

صدقني لو كل البنات كده مكنتش انا ضحيت باحسن عرسان اتقدمولي عشان خاطر الانسان الي بحبه والي للاسف لما شافني متمسكه اوي بيه اتخلي هوا عني بحجج وهميه مع اني والله كنت لما احس ان في حد هيتقدملي افضل اكرهه فيا واكره اهله فيا عشان خاطره استحمله عشانه كتير كنت هموت نفسي 3 مرات عشان بس مبيعدش عني قولتله مستعديه استناك لحد لما اكون 50 سنه تتفتكر بعد ده كله كل البنات بتبص للماديات مع اني الي كان اسمه حبيبي ده اقل واحد من الناس الي اتقدمولي قولي بقي لسه فاكر ان كل البنات كده ولا انا الي عبيطه

انا معاك في الي انت بتقوله و ان في بنات كتير بتعمل كده بس بردوا في بنات كتير بتنزل من مستوها عشان بتحب واحد اقل منها و بتقبل انها تعيش في مستوي اقل بكتير و هي مقتنعه ان حببها في يوم من الايام هيبقي حاجه كبيره و هيعوضها عن كل الي اتنزلت عنه و بتعيش معاه ايام سوده و ايام نص نص لحد ما تبقي الايام حلوه و هي جنبه و في الاخر بيتجوز عليها من غير ما بتعرف و لما بتعرف بيقولها انا ماجبرتكيش تصبري معايه انتي الي بتحبني و اتنزلتي مضربتكيش علي ايدك ههههههههههههههههههه الحكايه ديه حقيقيه فعلا و عاوزه اعرف ردك ايه

رد اي انسان بيفهم

ان الي يعمل كده يكون ندل ةخاين بطبعه

الدنيا فيها الحلو و الوحش

والناس برضه فيهم الحلو والوحش

يا جماعه بجد انتوا فاهمين الدنيا غلط مش كل البنات خاينين وشياطين ومش كل الشباب بردو خاينين وشياطين
في بنات كل اللي بتتمناه واحد يحبها ومش مهم الباقي وممكن تضحي بكل حاجه عشانه
والعكس في بنات مش بيهمها الحب وكل يوم مع واحد واهم حاجه اللي هيخطبها الاول والغني والروش والهاي كلاس
وفي ولاد بردو عايزين واحده بس تحبهم وتخلص وبردو هيضحي عشانها
وبالعكس في ولاد مش هقولك كل يوم مع واحده ده كل ساعه وفي ولاد كمان مش بتكتفي بالتسليه ممكن كمان يعملوا حاجات غلط وفي الاخر يقولها باي انا قضيت وقت لطيف معاكي
يبقي هنا ده بيعتمد علي التربيه والاخلاق والبيئه اللي بيتربي فيها الولد ده او البنت دي وكمان الدين عشان لو حد محترم مش هيعمل كدا كمان بيعتمد علي الطباع وصوابعك مش زي بعضها
ومش معني ان انت مريت بتجربه وحشه ان كل البنات خاينه ومش معني ان انتي مريتي بتجربه قاسيه ان كل الشباب وحشه لا متفقدش الثقه في الناس بالسهوله دي وده ف الاول والاخر سوء اختيار والمفروض تتعلم من تجربتك ومتستلمش لليأس والمفروض تكون قوي
وفعلا يا هاري انت ممكن ثبت لنا خيانه بنت بس كمان احنا ممكن بسهوله جدا نثبت لك خيانه ولد علشان الخيانه صفه ممكن تكون بنت او ولد
وتقبل مروري وياريت تعيد النظر في الموضوع دا بجد؟؟؟

لالالالالالالا يا هارى كلامك غلط

مش كل البنات زى بعضها وسورى يعنى يا كابتن مش معنى ان واحده خانت يبقى كل البنات بتخون والا كان الولاد كمان كلهم زى بعض وزى ما واحد طلع خاين يبقى كله زيه وبعدين ليه ميكونش انت اللى اختيارك كان خطا من الاول

وانت لازم تفكر تحب تانى الدنيا مش هتقف عندها ولو رافض فكرة انك تسلم قلبك لحد

يبقى حافظ عليه واهديه لزوجتك فى المستقبل

ارجو ان كلامى مش يضايق حد

تحيــــــــــاتى

اظن ان كلامك صح يا فارسة............لو كل البنات خاينين يبقى الشباب بردو خاينين

احنا بشر مش ملايكة...............بس المهم ان كل واحد ان كان ولد اوبنت يختار صح

ويكون ايمانه بالله قوى وربنا هيوفقه فى الاختيار........................................

الحب اروع احساس فى الدنيا بس نادر اللى فهم معناه.......................

يا رب الشباب يتقبلوا ردى المتواضع........................

انتوا واخدين فكره واحشه اوى عن البنات البنت لو جرحتك يبقا انتا الى جرحتها الاول لكن البنت الى انتا كنت بتحبها هيه مكنتش بتحبك اساسا كانت بتلعب بيك مكنتش عاوزه غير المظاهر الكدابه بسحاول تنساها واعتبر نفسك محبتهاش حاول تنساها وصدقنى مش هتندم لو سمعت كلامى بجد

بصراحه انا رأيى من راى (( فارسة الاحلام ))
واحده خانتك ؟ عادى
صاحبك خانك ؟ عادى
بس المهم انت انتا تتعلم من اللى فات وأكيد انت كان رايك ده بعد ما خانتك اما دلوقتى اكيد رايك اتغير خده من اخوك نصيحه ( اللى فات مات ) وعلى الله نتعلم من اللى فات والكلام ده مش ليك لوحدك ده لكل الللى هيشوفو الرساله
ارجو ان مفيش حد يزعل منى شكرا على قرأة الرساله .

هل تدركين معنى الحب ؟

مفيش بنت متعرفش معنى الحب الا القليل ولو خانت في يوم يبقي من كتر مشافت ودى مش انحيازيه على فكره بس فعلا انتو بتغلطو كتير وتفتكرو نفسكم الصح وبرضو عشان مبالغش في بنات متعرفش معنى الحب اصلا
هلت تفهمين معنى الاخلاص ؟
الى بيحب بجد يعرف كويس اوى معنى الاخلاص بس المهم تكون انت مخلص مع الى بتحبه ومتكنش انانى
هل عرفت معنى التضحية من اجل الحبيب ؟
دايما البنت هيا الى بتضحى (عشان تكلم الى بتحبه بس دى تضحيه في حد ذاتها) من ورا اهلها طبعا

وتعليقي على اجابتك لو تسمحلى
الى انت كتبه ده ممكن يكون حصل معاك لكن قليل الى بيحصل معاهم كده
انا معاك في كلامك بس اتوقف عند كلمه

اة اة اة .... واااااااااااااااااااااااااة ، لواحد يسلم قلبة لبنت قصدى لشيطانة

البنات مش شياطين ولو البنت اتحولت لشيطان يبقي من كتر الى شفته على ايدك يا بن ادم

مش متفق معاكي في حاجات كتيرة

شكرا على التوبيك مع التوضيح ان صوابعك مش زي بعضها

ممكن اشارك براى فى الموضوع ده

مش معنى ان الواحد مره بتجربه فاشله فى بدايه حياته او فى حياته يحكم على الناس كلها بالفشل سواء ولد او بنت

فى بنات كتير كتير مخلصه ووفيه ومحترمه واخلاقها عاليه ..... زى برضه ما فيه ولاد كتير جدا متدينين وبيحافظوا على اى بنت عرفوها او ارتباط بينهم وبين اى فتاه .....

ولو حاسبنا نفسنا حنلاقى ان الولاد هما الى بيغلطوا كتير وده عن تجربه حقيقيه مش البنات ... الولد بيمشى كلمته على البنت لكن هيا متقدرش تمشى كلمتها عليه يبقه مين الى مكن يغلط....

اعطوا الله حقه وكونوا لله تائبين .... واجعلوا الحب فى الله هو اسما الطرق التى تهتدون بها ..

دى وجهت نظرى

اولا السلام عليكو

ثانيا انا مش متفق فى بعض الرد لان الحب هو اثاث الحياة لكن السؤال اين هو الحب ولو موجود يبقى انا عيشت حياة تانيه فوق حياتى وهضحى بكل عمرى عشان احافظ على هذا الحب ومش مهم اضحى واخد واحد +واحد عندى مش يساوى 2 المهم انى اضحى والقاء الانسان الى بحبه يخاف على هذا الحب ويحافظ عليه فقط

صوابع ايدك مش زي بعضها


البنات مش ملايكه

ولا الولاد كمان


فيه بنات شاطين زي ما فيه ولاد شياطين

مفيش شئ ثابت

تقبل مروري

يمكن يكون فى بنات بتفكر كده وعايزة انه يكون غنى ووسيم
لكن الحب اسمى من كل ده واجمل احساس ممكن انه يتعاش
واكيد اللى بيحب لو بيحب بجد هايضحى بروحه لحبيبه
واكيد اللى هايحب بجد هايفهم معنى الحب ومعنى الاخلاص والوفاء فيه
وغير كده يبقى مش حب نهائى وكلام وخلاص
شكراااااااااااا ليك على الموضوع الجميل
وربنا يوفقك مع بنت تبقى كويسة وتحبك بجد
شكرااااااااااااااااااااااااا

بص انا عاوزه اقولك بامانه رايى بص العيب فيك وبدون زعل ليه علشان انتا معرفتش تحب قصدى تختار بس عاوزه افهمك شئ فعلا في بنات كده وفى بنات غير كده زى ماربنا خلق شياطين خلق ملايكه ولازم تعرف انها متستهلكش بس عاوزه افهمك شئ هى مش هتلاقى المواصفات اللى عاوزاها ودى هايكون على الاقل ذنبك واكيد ربنا هايخلصه بس برضه هارجع واقولك اختيارك كان غلط لانك معرفتهاش الى في الخر بعد موقعت وياريت تحمد ربنا انك كنت في البر بس والله مش كل البنات كده زى مافى وشباب خاينه بس معنى زالك ان برضه في شباب كويسه زى برضه ناخلق ربنا الشر خلق الخير وانا معاك وعزره كلامك لان فعلا الحسنه تخص والسيئه تعم وعاوزه افهمك حاجه علشان بجد متظلمش نفسك ولا غيرك حب بجد ومنتدمش لانها والله هيا هنتدم لانها فقدت حب بجد وصدقنى هتلاقى واحده بجد هاتموت فيك وتحبك وتخلصلك بس انسى جرحك وابتدى حياه جميله واوعى تندم على حبك بس اتعلم انك تختار بجد بنت تحافظ عليك وتصونك وتستحمل معاك المره قبل الحلوةياريت تفتكر دىمتزعلش نفسك انت الاحسن والافضل