اطعم والذ كيك ممكن تاكلي من اديكى ومافيش حد فينا مش بيموووووت في صوص الشيكولاته
حتت كيك مع كوبايه شاي بلبن في الفطار يسلام علي الروقان والانسجام هههههههه
يلا بينا ندخل علي المقادير بسم الله
المقادير:
2 معلقه كبيره كاكاو وكوب زيت
كوب لبن وكوب ونص سكر
3بيضات وكوب ونص دقيق
كيس بيكنج بودر وكيس فانليا
وشيكولاته مبشوره لتزين ويسلام لو شويه بندق متحمصين كدا لزوم التزين بردو
الطريقة:
نضرب الكاكاو والزيت ولبن وسكر في الخلاط نضربهم لحد مايقولو توبنا الي الله هههههههه
وناخد من الخليط دا كوبايه نحطها في تلاجه ونحط علي باقي الخليط البيض والدقيق المنخول مع البيكنج بودر والفانليا في الخلاط مره كمان
ونحط الخليط في قالب الكيك في الفرن علي درجه حراره متوسط من 20 ل 25 دقيقه ونخرج الكيك من الفرن ونسيبه يبرد تماما ونضع عليه صوص الشيكولاته المتبقي في التلاجه
ونضع عليهم الشيكولاته المبشوره والبندق المحمص ويقدم باردا تماما
وبالف هنا وشفا دايما تابعونا
في رعايه الله