وبيفضل الموضوع ده شويه وبعدين بيتصالحوا ولكن مفيش فايده بتعود ريما لعادتها القديمه
طب أيه الحل يا ستات ؟؟ ، هتسيبوا الموضوع ده كده
لازم نعالج الموضوع بحكمه شويه ونعرف نتصرف مع ازواجنا الغاضبين ازاى ؟
أول حاجه : ابعدى من قدامه الساعه دى ، بمعنى انك تسبيه يزعق والتزمى الصمت وما ترديش عليه خاااااااااااااالص
ولو حكمت ورديتى ردى بس بطريقه مفيهاش عتاب لأنه هيترفز اكتر
ثانيا : أنا قلبى عليك بمعنى أنك تحسسيه أنك مقدره سبب غضبه علشان الضغوط النفسيه اللى بيمر بيها ، علشان شغله ، علشان أى حاجه المهم تظهرى أنك مقدره غضبه
ثالثا : ما تقطعيش كلامه هو ومنفعل بيبقا عايز يفرغ الطاقه السلبيه اللى جواه فأنت قدرى ده وأسمعيه لأخر كلامه وحسسيه أنك موفقاه على كلامه وهونى عليه بكلمتين حلوين منك
رابعا : ادعيله من قلبك لأن الإنسان هو وغاضب بيكون بين أصابع الله يقلب قلبه كيف يشاء فحاولى ادعيله أن ربنا يهدى قلبه وتصفا نفسه
خامسا :شيلى السبب من الأساس
أكيد الغضب ده لسبب ، حاولى أنك تبعدى الحاجات اللى بتخلى زوجك يغضب أو بتزود غضبه من قدامه
وأوع تفتكرى أبدا أن اللى أنت بتعمليه إهدار لكرامتك كونك أنك سمعتى كلمتين مش كويسين منه ، إطلاقا وده لسببين
1- أنه وقتها كان غضبان وده وقتها يبقا مريض لأن الغضب ده زيه زى المرض اللى بيصيب الإنسان
2- لأنك هتاخدى حقك منه بس لما يروق ويهدى من غضبه
وعليك بعدها بقا بفترة تعاتبيه على اللى عمله معاك وتناقشيه فى أسباب غضبه خاصة لو كان هو اللى غلطان
أما لو كنت غلطانه فصلحيه وجبيله ممكن هديه أو تفاجئيه
وفى أكتر من طريقه ممكن تصالحيه بيها منها :
1- هتيله هديه حلوة
2- اعتذريله وبوسى راسه وأوعديه أنك مش هتكررى الموقف ده تانى
3- حاولى أخرجى معاه فى أى مكان ممتع وهادى لتغير الجو
4- اكتبيله رساله رومانسيه جميله واعتذرى فيها
5- ابعتيله مسج على موبايله
6- حاولى ضحكيه بأى كلام أو طريقه
7- حضرى عشا حلو على ضوء الشموع وفى جو رومانسى.
