اتعرفنا على بعض من النت وكنا اصحاب اوى بقالنا شهور جه قاللى انه بيحبنى قلتله انى مبحبوش ومن يومها معملته اتغيرت وبقى خنيق خلافاته كتير مع ان سبب انه حبنى"زى ما قال"ان فى حاجت كتير مشتركة ما بيننا بعدت عنه وعدت شهور والموقف اتكرر واسرع م الاول بس لسه مقلتش انى مش بحبه لنى لسه مش عارفه بس زهقت مش كل ما اكلم حد نبقى يومين اصحاب وف التالت حبايب انا زهقت م الحكاية دى



بجد عايزة مساعدة

اعتقد انه ممكن يكون فيه صداقة من خلال النت....لكن حب بحق وحقيقى...مفتكرش...كله بيبقى وهم.......ومفيش احسن من الصراحة...والحب طبعا مش بالعافية...مترغميش نفسك على حب حد...الحب بييجى لوحده بدون اى مقدمات ولا ترتيبات.....تحياتى..

ميرسى كتير ع النصيحة

حببتي اعتبريني زي اختك وحاولي تفهميني

يمكن انتي من النوع اللي مرحه اللي بتهزري مع ناس كتير وبتحبي تتعرفي مع ناس كتير

وبتعملي الناس زي إخواتك ويمكن كمان مبتحبيش تحرجي حد او تقوليله انك مثلا تعبانه مش قدره اتكلم دلوقتي او يا ستي ويمكن كان بتكوني من النوع المجامل زياده عن اللزوم

فممكن الحجات دي كلها تحبب الشخص فيكي لدرجه او ممكن يقولك على اسراره لأنه ارتحلك
وانتي طبعا بتسمعيه زي اختو
فالحجات دي بتعلقو فيكي اكتر واما يقولك انو بيحبك وانتي تقوليلو لأ اكيد حيتصدم وحتتغير المعامله لأن هو متعودش على كده

لو انا كلامي غلط صححيلي ومتزعليش منى انا زي اختك

في رأي الحل الوحيد انك تفهميه بهدوء وبكلام معسول شويه وكمان ممكن تخلي اي حد من صديقاتك تقولو مثلا ان هي كده مع كل الناس

وأوعي تفكري تبعدي عنو عشان ممكن يفتكر ان في حد تاني ويعملك مشاكل

عامليه عادي
دي نصحتي
شكرا ليكي يا قمر على صرحتك معانا
تحياتي

لا اله الا الله!!!!!!!!!!!!!!!!!!!!!!!!!!!


هههههههههههههههه



اكني مقريتش التعليق ده


اما يا لولو كاتي علي موضوع الحب ع النت ده ممكن ييجي واحد في المليون

فانتي ممكن ترتبطي من ع النت

لكن لو مفيش قبول من ناحيتك للانسان ده كمحب

يبقي متضيعيش وقتك مع وهم وخليكي صريحه معاه

ولو زعل معلش يزعل دلوقتي احسن ما يرتبط بيكي اكتر وهيكون جرحه اكبر

تحياتي

انا من رايي

ان في حب من ع النت

وانا شخصيا جربت الحب ع النت قبل كده وصرحنا بحبنا كل واحد للتاني

بقولك يالولو طالما هو بيحبك حاولي تفهميه

ولوعايزاه مجرد صديق بس لازم تصارحيه

وبالتوفيق لكي يا لولو

انا بجد رائى انك تفهميه قوى ممكن رجع علشان ينتقم منك او ممكن عاوز ازاى بنت قالت ليه لئه اعملى حظرك علشان خاطرى والله الشباب بيلعبو بالبنات الايام ده قوى كله بيتسابقو انهم يخلو البنات تقع فى حبهم خالى بالك من نفسك اوعى ترمى قلبك بأديكى ولا كرمتك صدقينى انا زى اختك حافظى على نفسك من كل حاجه وبلاش تقولى اه او لئه قبل متاكدى ولو مش وصلتى لحاجه روحى صلى لربنا وخليه يمشيكى فى الطريق الصح قربى لربنا
شكرا انك اتكلمتى بصراحه

bossy ya 2amar ana ra2y enn mafesh hag esmaha hop men 3ala el net momken sadaka 2ah bas hop la2a
we mateghsbeesh nafsek 3ala haga enty mesh 3ayzaha ahsan ba3dayn tendamy we rabena yewafa2ek

الحب على النت وهم كبييييييييييير ملوش اخر وعن تجربه بلاش احذرى جامد من النت والبلاوى الى بتييجى منه
بلاش تكلمى واحد ويقنعك بحبه وفي الاخر يجرحك وفرى قلبك للى يستاهلو لان الجرح في الحب صعب
وملوش دواء وصعب يتقفل