ايه رأيكو نعمل حملة لتغير المظهر زي جويل كده يعني اللي عندها حاجة مش عجباها في شكلها تبعت وتقول وانا اجيبلها صور ونصائح ومعلومات هتساعدها علي تغيير الشيء الي مش عاجبها وامشي معاها خطوة خطوة لحد ماتقولي علي النتيجة النهائية يعني مثلا اللبدينة اللي مش عارفة تلبس اجيبلها صور لبس ومعلومات عن ازاي تلبس بحيث انها تظهر نحيفة واللي مثلا عايزة تعالج بشرتها من حاجات معينة ارهاق - حبوب - بثور كده يعني برده نفس الحكاية واللي عايزة تخس تدخل الرابح الاكبر هنا علي المنتدي في منتدي الرشاقة والتخسيس كده يعني يلا مستنية ردودكو اعتولي قولوي ايه مش عاجبك وعايزة تبقي احلي بجد هتبقي حملة جامدة جداااااااااا

شكرا يا قمر على الفكره الهايله دي

انا اول وحده حشارك معاكي

بصي انا عندي مشكله بسيطه

انا وشي من النوع الحساس قوي لدرجه لو في شويه حر يبقى وشي زي الطماطم والحكايه دي بتسببلي إحراج جامد
تخيلي طمطمايه ماشيه في الشارع .....هههههههه
ياريت تقوليلي على الحل

شكرا يا قمر

تحياتي

وانا بعديكى فى الطابور يا ميسرة
انا الحبوب بتظهر فى وشى ورقبتى وضهرى بطريقه فظيعه فى وشى على خدى ودقنى وفوق عنيا مش عارفه اسمها ايه دى تانى مشكلة انى مش بتخن مهما اكلت جربت اكل نشويات كتير او شبسيات كتير او ضربت بيبسى برضه مش بتخن وماما بتقوللى لو تخنتى حيبقى شكلك وحش لأنى اصلا مليانه من الوسط مش عارفه اعمل ايه
حتعبك معايا

اهلا بيكي يامسيرة ومرسي علي مشاركتك بس انتي ابعتيلي قوليلي نوع بشرتك ايه وعندك كام سنة وان شاء الله اقدر افيدك

اهلا بيكي يالولو اول حاجة علشان خاطر الحبوب برده تقوليي نوع بشرتك ايه وعندك كام سنة اما تاني حاجة بالنسبة للي انتي عايزة تتخني المفروض تبعتيلي وزنك وطولك علشان اقولك وزنك مناسب ولا لاء ونسبة الدهون في جسمك كام في الميه من وزنك يمكن انتي وزنك مناسب وماما بتقول صح ويمكن انتي عندك حق وعايزة تتخني ابعتولي ياجماعه معلومات كاملة علشان ارد عليكو بسرعه وانا تحت امركو يااحلي بنات

احلى حمله دايما افكارك تجنن يا فرجينيا انا معاكى فى الحمله اولا البدانه وبعدين العرق بعرق كتير اوى وبشكل مقرف عارفه انا بعرق وانا فى بيتنا مش لما اخرج مثلا واتعرض للشمس طبعا بقى ما بالك لما اخرج الموضوع محرج جدا لما البس بلوزه ويبان العرق من ظهرى او تحت باطر شكل سخيف اوى
ارجو الحل يا احلى فرجينيا

اهلا يااحي جيسي ومنورة الحملة ياسمسمة طبعا البدانة احنا مع بعض علي االرابح الاكبر في منتدي الرشاقة والتخسيس وان شاء الله هتتحل في اقرب وقت

اما بالنسبة لسؤالك الثاني وهو موضوع العرق بصي ياقمر اولا العرق كشكل احنا منقدرش نمنعه دي غده بتفرز العرق ومينفعش نسد المسامات عشان نمنع خروج العرق ومزيلات العرق بتبقي خطر جدا س كل اللي احنا نقدر نعمله اننا نمنع رائحة العرق ممكن باستخدام مزيل الرائحه انا مش عارفة ينفع اقول علي اسم ماركات ولا لاء بس هقولك علي الايميل علي ماركة حلوة اوي اما انتي و مش عايزة مزيلات وعايزة وصفة طبيعيه فه الشبة دي بتتباع عند العطار حطي عليها ماء ورد هتبقي ريحتها حلوة اوي اوي ومتخافيش مجرباها استخدميها تحت الابط والاماكن اللي بتعرق اوي بعد الاستحمام مرة واحده في الاسبوع علي فكرة جامده جدا جدا

ولازم تشربي ماء كتير اوي علشان الاملاح في جسمك تقل وده طعا هيقلل موضوع التعرق الشديد اللي انتي بتشتكي منه وطبعا طبعا اما الوزن ينزل انتي بنفسك هتلاحظي الفرق وياريت اكون قدرت افيدك يااحلي سمسمة

بحبك ده ردى عليكى بس كده يا احلى ياسو واللهى بمووووووووووووووووووووووووووووووت فيكى يا رب ما يحرمنى منك ابدا يا اجمل وارق بنوته

اوكي يا ياسو انا نوع بشرتي مختلطه

واكتر حاجه حساسه

وعندي 19 سنه
معلش حتعبك

تحياتي

ميرسى ياسمين على مجهودك الرائع

فكرة جميلة يا فيرجينيا ولو عيزانى اساعدك معاكى انا معنديش مانع

لاء ياميسرة متقوليش كده تعبك راحه ياقمر بصي ياستي اولا البشرة المختلطة دي محتاجه عناية خاصة لانها خليط من من البشرة الجافة و الحساسة و الدهنية انا جايبلالك النهاردة ماسك للعناية بالبشرة المختلطة وهيساعدك ان بشرتك تبقي عادية



زلال بيضة واحدة

2/1 ملعقة ملعقة صغيرة عصير ليمون

ملعقة كبيرة من البطاطا المسلوقة و المهروسة ناعماً

ملعقة صغيرة عسل

ملعقة كبيرة نشاء مذوبة بمقدار ملعقة كبيرة من ماء الورد

اخفقي زلال البيضة في الخلاط الكهربائي ثم أضيفي بقية المكونات (إذا كان المزيج رخواً أضيفي القليل من بودرة الحليب )

ضعي الماسك لمدة 7 دقائق ثم اغسليه بالماء الفاتر (يساعد بشرتك لتصبح عادية)



وكمان جيبالك غسول طبيعي هينقي بشرتك

غسول عشبي للبشرة المختلطة

يفيدك الغسول في تنقية البشرة من الترسبات الدهنية و يخفف من جفافها

تغسلين به وجهك به صباحا و قبل النوم

تنقع أوراق ( الميرمية ) و النعنع الأخضر في وعاء يحتوي على ماء فاتر لمدة 24 ساعة ثم يوضع الماء في قنينة داخل البراد بعد إضافة ملعقة من ماء الورد و القليل من عصير الليمون الحامض

وان شاء الله لو التزمتي بالكلام ده الاحمرار هيقل ومش هتبقي طماطمية جري ياميسو وردي عليا لو في اي استفسار تاني وسوري علي التاخير

العفو ياسونا ياقمر

مرسي يانتهيت جدا وكلنا هنا علشان نساعد بعض محدش بيشتغل لوحده

ما شاء الله عليكي
مرسي يا قمر ......ان شاء الله حعمله واقولك على النتيجه .........شكرا تعبتك معاي

واي استفسار حقولك عليه ولا يهمك ..........بجد شكرا ليكي

تحياتي

العفو ياميسو انا تحت امرك في اي حاجة ياقمر

hi yasmeen.. ana 3odwa gdeda yareet ashtrk m3ako fel 7amla de, ana bashrty hatmawtnyyyyyyyyyyyyyy bashrty dohneya w malyana 7ebob w yareet keda w bas kman el7bob btltahb w sha3ry dohny awy w byo23 btare2a mostafeza ana medy2a gedan w nfsy ala2y 7al .. ana et3algt kteer ldrgt eny zh2t yareet ts3deny ..shokran leki w happy new year. bye

thx yasmeen bma enk mardteesh 3lia ana asfa eza kont az3gtokom .. bye

لاء ياقمر والله انا بعتذرلك جدا جدا جدا انا كنت في امتحانات واله ومكنتش بدخل بجد انا اسفه اوي وانا مقدرش مرودش علي حد

Hiiii ya yasmeen begad masaha2allah 3alayky enty kolek nashat we mawade3ek kollaha helwa wa momayaza
ana moshkelty sha3ry fe kasarat kteer hwa dohny we kaman fe eshr we mesh 3arfa a3mel 2ih
ana 3andy 19 sana we toly 162 yaryyyt hal

اولا ميرسى جدا فكرتك تحفه

انا مشكلتى عنيه مش كبيره وطالعه لفوق شويه ومش عارفه اعملها ميك اب مناسب ياريت تساعدينى

اولا اهلا بيكي ياتخيل تهمني بصي ياستي العين الصغيرة والضيقة دي من أصعب العيون في الماكياج لأنها مينفعش معاها رسومات كتير, لازم تكون رسمة بسيطة وبتحتاج مجهود كبير عشان تظهرها, أما ألوان الآي ىشادو فلازم نحطلها ألوان فاتحة زي "الروز" و"البيج" و"البيستاج" ونحط كمان خط آي لاينر أو قلم أسود من فوق العين عشان توسعها أما الماسكرا فلازم يبقوا اتنين واحدة تكثف وواحدة تطول عشان توسع وتبين شكل العين.

يارب اكون قدرت افيدك واي استفسار ياقمر انا في الخدمة

مرسي ياكرازي جيرل علي كلامك الحلو ده بصي ياستي الاول انا جيبالك وصفة لفرد الشعر علشان التمويج الي فيه

مقادير الخلطة:
سمسم + زيت ذرة + صبار طبيعي
الطريقة:
1 - يحمس السمسم ليما يصير بني ولما يبرد يطحن بالمطحنة الكهربائية.
2 - ينقع السمسم بزيت الذرة لمدة ساعتين.
3 - تفتح نبتة الصبار ونخرج المادة الهلامية اللي فيها (الجل او العصارة) وتخلط مع منقوع السمسم اللي هو الزيت اللي نقعنا فيه السمسم ناخذ منه كمية بسيطة ونحطهم بالخلاط.
4 - تدلك فروة الرأس بهالمزيج جيدا ويوزع الباقي على الشعر ويلبس كبوس نايلون وتترك 3 ساعات ثم يغسل الشعر.


اما بالنسبة للقشرة الشعر بقي ياقمر فاانا كان عندي نفس المشكلة بصي ياكرازي انتي تجيبي ملح وتحطيه في فروة الراس وتدعكية كويس وبعدين تجيبي مشط ضيق جدا وتبتدي تسرحي شعرك ومتخافيش الطريقة دي فعالة جدا وجابت نتيجه فوق الممتازة
ويارب اكون قدرا افيدك واي استفسار انا موجودة
__________________

ميرسى جداجدا ربنا يسعدك يارب

بصى يا قمر انا بقى عايزة منك طلب صغنون لى الحبوب واثارة على الوش والبشرة دهنية اوكى بالنسبى لى السن19 ومعلش هتعبكى معايى يا قمر بجد مــــــــــــــــــــــــــــــيرسي

العفو ياتخيل انك تهمني اي حاجة تاني انا تحت امرك ياقمر

اهلا بيكي ياتوتة نور عيني وياستي متقوليش هتعبك دي تاني انتو تعبكوراحه ليا بصي ياستي انا جبتلك نظام بسيط وسهل ومتوفر بس لازم تتبعي بنفس الخطوات علشان يدي نتيجية بصي ياقمر


في الاول لازم كوماج اي تقشير عشان البشرة تتنظف و تستقبل القناع

الي عندها مقشر جاهز تستعمله والي تحب الطبيعي اول شئ تاخد رز مطحون خلطيه مع دانون من غير سكر(قشطة من غير سكر) وحطيه على الوجه والعنق 10 دقائق وافركيه بحركات دائرية من تحت ال فوق وممكن مكان الرز تستعملي النخالة(الردة) جد رائع وبعدين اغسلي بماء دافئ وهدا التقشير لازم مرة واحدة بالاسبوع

والمرحلة الثانية وهي القناع

خدي كاس صغير حلبة
وكاس كبير فول
وكاس كبير حمص ويطحن الكل مرة واحدة ويوضع في قارورة
وعند الاستعمال اخد القياس الي يكفي ملعقة او اتنين وضيفي ملعقة بودر نيدو او اي نوع (لازالة رائحة الحلبة)
وخلطي الكل بماء الورد للحصول على كريمة وحطيه على البشرة 30 دقيقة
هدا القناع كل يوم لنتيجة اسرع والي كسلانة يوم ويوم
يلا بنات اطلعي لعريسك باحلى وجه
على فكرة هذا القناع ينفع لاي واحدة حتى من غير اثار بيبيض ويصفي البشرة مع الاستمرار الدائم

واي حاجة ياجماعه انا تحت امركو بجد انا بجد بحبكو وبحب المنتدي جدا

توبيك هايل جداااااااااااااااااا
وانا بقي عندى مشكله
انا بشرتى دهنيه وعندى 17 سنه
وبعانى من الرؤوس السودا والهالات حولين عنيا

مرسي يانو فور لف بصي بقي ياستي اولا للهالات السودءدي مجموعة من الوصفات الهايلة لعلاج مشكلة الهالات السوداء

أولا: الخيار

ممكن إنك تضعي شرائح الخيار بحيث تغطي العين والمنطقة الموجود فيها الهالات السوداء وتوضع الشرائح لمدة 15 دقيقة.. كرري هذه العملية كل مساء.
ثانياً: خيار برضه

المكونات:
نصف كوب خيار مبشور.
بياض بيضة.
2 ملعقه حليب.

الطريقة:
تخلط المكونات جيدا لعمل عجينة رقيقة وتترك على الوجه لمدة 20 دقيقة، ثم يشطف الوجه بالماء الفاتر. ودي بتساعد على التخلص من الهالات السوداء وكمان بتساعد على تفتيح البشرة.

ثالثاً: كمادات المياه الباردة أو الشاي
ممكن استخدام كمادات من المياه الباردة أو الشاي البارد في هذه المنطقة
رابعا: البطاطا

أحضري بطاطا، ثم قومي ببشرها ثم ضعيها في الخلاط ومعها القليل من الماء.. أحضري قطعة شاش لتصفية الخليط..
ضعي عصير البطاطا أسفل العين، ثم اتركيه لمدة تتراوح بين 15 إلى 20 دقيقة حتى يمتصه الجلد، ثم قومي بتنظيف الآثار النشوية المتبقية على الوجه.

شوية وصفات ممكن تجربيها قبل النوم

أو ممكن إنك تضعي ماسك الزبادي بالعسل على منطقة الهالات السوداء كل يوم حوالي ساعتين قبل النوم.
أو زيت الزيتون.. وضع زيت الزيتون على الجفن السفلي قبل الذهاب للنوم.
أو قطعة قماش قطنية مشبعة بالحليب، وأغمضي عينيك حوالي 10 دقائق