بعض الحزن يحييك و بعضه يميتك



بعض الحزن .. يصهرك يذيبك كالشموع يسكبك كالماءيشتتك كالأمواج...





وبعض الحزن .. ينهيك يجففك كالأشجار يسقطك كالأوراق يذبلك كالورد...






وبعض الحزن .. يهدك يفجرك كالجبال يبعثرك كالرمال يشتتك كالأمطار....






وبعض الحزن .. يحرقك يشعلك كالأخشاب يتركك كالجمر يخلفك كالرماد....






وبعض الحزن .. يعميك يطفئ مصابيحك يسرق نورك يعتمك كالليل...






وبعض الحزن .. يرعبك يخيفك كالأشباح يلاحقك كالوحوش يهددك كالموت....






وبعض الحزن .. يخنقك يقيم في صدرك يسرق هواءك يكتم أنفاسك...






وبعض الحزن .. يحنيك كالأغصان يهشمك كالزجاج يهدك كالجدار...






بعض الحزن .. يشتتك يدمر عقلك يضيع عناوينك يطمس ذاكرتك...






وبعض الحزن.. يخدعك يزيف لك حقائق يمنحك السراب ويعلمك الوهم بلاحدود....






وبعض الحزن .. يصادقك يتودد إليك يلتصق بك لا يفارقك للأبد...






وبعض الحزن .. ينفعك يضيء لك العتمة ينقذك من أوهامك يريك حقيقةالأشياء...






وبعض الحزن.. يغسلك يطهرك من أوهامك يطليك بالواقع يعيدبناءك..






وبعض الحزن .. يلدك يخرجك من الحياة يمنحك فرصة أخرى وطريقًاجديدًا...






وبعض الحزن . .يغيرك ينسفك يقلب موازينك يعيد حساباتك معنفسك..






وبعض الحزن .. يسجنك يبعدك عن العالم يخفيك عن الحياة يبقيكـ وحيدًا...






وبعض الحزن.. يقتلك يجمد إحساسك يوقف عجلة الزمان يفقدك شهيةالحياة...






وبعض الحزن .. يعتقك من قيودك يمنحك حريتك ينهي استعمارهم لك...






وبعض الحزن.. يرممك يقيمك يملأ صدوعك يعيد رسم خرائطك..






وبعض الحزن .. مرآتك يواجهك في نفسك يكشف لك عيوبك يضع حقيقتك أمامك....

شكرا

موضوع جميل بجد ميسره


بس تفتكري هو الحزن ده حاجه كويسه ولا حلوه

علي فكره انا مستمتع جدا بالحزن

وبعتبره احلا ما عندي واكبر ما امتلك

الحزن فعلا حاجه حلوه مش مجنون انا بس

بقلكم علي الي انا شايفه

علي الاقل خالص هبقا عارف اخر كل حاجه واسؤ ما فيها

وهبقا عارف وحاسس ايه اسوء خاجه ممكن تقابلني في نهايه اي طريق في حياتي

انا شايف كده او في الحقيقه انا كده


تحياتي

شكرا لمرورك

بس انت لو فضلت عالطول حزين حتفضل مكانك ومش حيكون ليك اي نشاط في المجتمع

طب من الموضوع دا انت ممكن تعرف الحزن بيعمل فينا ايه وتتحداه

شكرا ليك

الحمد لله

اما مش حد بيسنسلم بسهوله

بس برده مش معتقد ان الحزن في صراع معايا علشان ينتصر هو او انا

انا بعتقد انه الدنيا الي اتكتبلتي يوم م جيت للدنيا

وطبعا متاكد انه نتائج حجات كتير كانت غلط

وبعدين مش ربنا هو الي خلقنا وهو الي بيدينا قوتنا وهو برضه الي بيكتبلنا قدرنا

وطبعا احنا متفقين ان ربنا رؤف رحيم بعباده

وطلما انا من عباد ربنا اكيد ربنا مش هيديني فوق طاقتي

حتي لو كانت طاقتي تستحمل حزن الدنيا كلها

ربنا هو الي ادهاني وادهاني لسبب او لاخر

انا برضه عند راي

الحزن حاجه حلوه

علي الاقل معايا


تحياتي

شكرا للنقاش دا

لا طبعا ربنا ممكن يديك اكتر من طاقتك عشان يختبر إيمانك وقدرتك

لازم نتحدى الحزن والناس ونعيش غصب عن الكل واولهم الحزن

ولا إيه

اكيد انت عندك ظروف انا معرفهاش وهي دي اللي خلتك عالطول في حزن دائم بس اسأل نفسك
وأخرتها طيب .......حتفضل كده

عيش وأنسى
تحياتي

اخرتها

مش عارف

بس برضه انا مش مختلف عن الباقين كلهم مش عارفين

في يوم هنموت

كنا عايشين حزت بقا فرح مش هتكون فرق ساعتها

عيش وانسي

ميسره بجد انا اكتر ما عجبني في مواضيعك

انه وافعيه ولو فكرت فيه بلقيها جائزه الحدوث من الواقع الملموس يعني

عيش وانسي

انسي دي بقا مش من الواقع ومش جائزه الحدوث

مفيش حاجه بتتنسي ابدا

زي مفيش حاجه بتنكسر بتتصلح زي مكانت

انا مقتنعاه مليون في الميه ان اللي بينكسر بيتصلح مش لازم يرجع زي الأول بس بيتصلح

مفيش حاجه بتتنسي اه بس إحنا ممكن نتنساها .....عشان لو منسيناش وفضل عقلنا في غرفه مظلمه وواقف عند الجرح او الموقف اللي اتعرضتله حترج لوراه قوي

وانا مصممه عيش حياتك وأرمي وراك ....وحاول تنسى عشان توصل وتبقى حاجه .....

وطبعا كلنا حنموت ......بس إحنا حنفضل مستنين الموت في غرفه ودموعنا على خدنا وذكريتنا الصعبه عالطول في دماغنا ..........دي مش عيشه أبدا

اعمل اللي عليك في الدنيا خد منها قد ما تقدر
انا هي دي دماغي وهو دا رأي
مش مطلوب منك انك تعمل اللي بقول عليه

بس فكر فيه ؟؟؟؟؟؟؟؟؟؟

شكرا ليك

طيب نقول الاول ايه الي مطلوب اعمله وايه الي ناقص مش اتعمل

اول حاجه اعرف ربنا وامن بيه واعبده وارضي بالي كتبهولك

الحمد لله انا بعمل كل ده

تاني حاجه حب الناس واعتبر نفسك زيهم حط نفسك ديما مكان الي بيكلمك علشان تقدر ترد
تالت حاجه لما تحب حب بجد متجرحش ومتخنش ومتظلمش
رابع حاجه ابني مستقبلك بطريقه شرعيه ترضي ربنا

الحمد لله يمكن اغلب الحجات دي ده لو مكنتش كلها قدرت اعملها

بس انا هقلك علي موقف حصل معايا في يوم من الايام

الموقف كان ايه بقا

كنت بشتغل في شرم الشيخ شغل محترم باجر محترم

في يوم بعد لما خلصت الشغل قعت مع زميل اتعرفت عليه في الشغل

هو المفروض انه كان قاعد بيسلم علينا علشان نازل اجازه

دار بنا الحديث ده

اشوف وشك بخير

مش تغيب علينا ولو احتجت اي حاجه اتصل بيا علي طول

ربنا يخليك كلك واجب

انت نازل قد ايه

لا كتير يعني شهر لو امكن

شهر ليه يا بني انت نازل تعمل ايه بالظبط هههههه

بص انا هقلك شايف دي

وكانت صوره بنت في محفظته

اها مالها

دي البنت الي بحبها الحمد لله جهزت الشبكه وحوشت فلوس الفرح وبقا عندي شغل واديني نازل علشان اخطبها وعلي الله ابوها يعترض

ههههههههههههه لا ان شاء الله خير وربنا يتمم علي خير الف مبروك
بس في الوقت الي بباركله فيه

حسيت اني انا الي عايز اعمل كده انا جهزت زيه تمام يمكن اكتر منه بس جهزت

مشيت شويه كده افكر لقيت اني مفيش سبب اني اشتغل واجيب فلوس واعمل مستقبل والحورات دي كلها

مش عندي حاجه اعملها او نقطه معينه اوصل ليها

بد نفسي اكون مع الي بحبها

بس ده دخل ضمن نطاق المستحيل


الي عايز افهمهولك اننا لازم يكون عندنا سبب نكون بنحب السبب ده علشان نعمل الحجات الي انتي قلتي عليها

ليه معندكش حاجه تعملها او حاجه توصل ليها ..........ليه دايما تفكرنا في الحب والجواز .......واحنا بنشتغل عشان نجيب فلوس ونفتح بيت ونجيب صبيان وبنات والفلم العربي دا كله

ليه دايما هو دا الهدف الأساسي .........متقوليش سنه الحياه

اوكي .......بس ليه منشتغلش عشان إحنا عيزين نكون حاجه ..........ايه الفرق بينك وبين اي واحد اشتغل وعمل إسم وطلع بره ونجح

الفرق ان هو فكر في حياتو واللي حينفعو اكتر ..........وانت بتقولي مفيش حاجه اوصل ليها

طب يا سيدي ......احمد زويل ومجدي يعقوب وناس كتير من الناجحين كانو زيك ويمكن اسوا بس هما موقفوش عند الشغل عشان البيت والجواز والكلام دا

والحب لازم طبعا
بس موقفتش على واحده ............
وياسيدي ممكن تقولي ان انا شغلي مينفعش ان اطمح اكون احسن فيه لان شغل والسلام
فيه رجال اعمال كانو مش لقيين العيش يكلوه يا كابتن
انت مين ....انا انسان عادي
انت مين ......انا رجل اعمال ناجح ......انا فنان موهوب ..........انا كنت بشتغل في شرم الشيخ ودلوقتي بمتلك منتجع سياحي وحجات كتير هناك ..........تفرق الاولى عن التانيه يا كابتن

تحياتي

علي فكره انا مكنتش بقصد ابد نظره الناس هتكون ايه ولا اعمل ايه علشان تكون نظره تقدير

اكيد كلنا بنسعي لكده

بطريقه بقا او بتانيه بنحاول نناله ونكسب احلا نظره ممكن حد يوجها لينا



بس ايه الي شاغل بالنا اكتر

نظره الناس ولا الحبيب والتواجد معاه


انا عندي اتنازل علي كل الي وصلتله وكل الي هيوصله ان شاء الله حتي لو كان لقبي افضل انسان في الكون وحوارات الغني والفلوس والعلم والشهادات والامتلاكات والنفوذ والمكانه الاجتماعيه

في الحقيقه انا مستعد اتنازل علي الحجات دي كلها

لكون اكون مع الانسان الي بحبه لدقيقه واحده بس

الفرق بيني وبين الي بيشغل ويكافح ان هو بيحب ده

بيحب الشغل والتفوق

اما انا بحبها هي وبعمل الحجات دي علشانها هي

طبعا انا مش بقول ان لو الحب ضاع كل حاجه تضيع بقا ونسيب الشغل ونقعد جنب امهاتنا

لا طبعا بس حياه الشغل دي لما الحب بيضيع مش بتبقا بنفس المعني الي كانت عليه قبل ميضيع الحب

وده طبعا لو بتحب الشغل علشان حد

انا كلامي متلغبط بس يريت تقدري تفهميه

اوكي كده احنا دخلنا في شخصيتك عمله إزاي انت شخصيتك كده ممكن تتنازل عن كل حاجه عشان حببتك

طب هي لو طلبت منك حاجه انت مبتحبهاش تحصل هي طلبتها منك .........حتوافق ؟؟

احي شخصيتك

شكرا

هي حبتيتي

ليها لوحدها انها تطلب مني اي حاجه

بس برضه هي حببتي

عمرها مهتطلب مني حاجه مش ببحبها لانها اكيد عارفه ايه الي بحبه وايه لا

وبعدين احنا بنتكلم في حجات مستحيله الحدوث

زي مقلتلك قبل كده وقت الكلام ده خلص

يمكن بنتمني يرجع بس معدش ينفع يرجع

لو بتتكلمي عن شخصيتي

ممكن تدخلي موضوع سخر مني القدر فاعترف له

انا شخصيتي موجوده

بس في حجات عملتها في الماضي مكرهاني فيها

شكرا على الحوار الممتع دا

الشكر ليكي

بجد شرفني النقاش معاكي

تحياتي

مين الكابتن

موضوعك بجد رائع أنا الحزن رفيق دربي أنا بجد بحس بيه من طفولتي في ليلي و نهاري وفي كل لحظه تحياتي حتي الأوقات اللي بيغيب عني بيوحشني بس لما بيطول بزهق ونفسي ارجع افرح لاقل سبب مش عارف أنا ليه بحزن قوي بتعب اوي وبموت وأنا لسه عايش

كلمات رائعة


تسلمي

وبعض الحزن .. يهدك يفجرك كالجبال يبعثرك كالرمال يشتتك كالأمطار....

تسلم الايادي ياقمر