يا خسارة العيد خلص ورجعنا تانى للشغل والدراسة والايام العدية
يلا مش اشكال كل سنة وانتم طيبين
عايزين نتكلم شوية مع بعض عن العيد !!!!
والمطلوب إيه؟
ده سؤال وجيه
وإجابته بسيطة جدا
كل ما هو مطلوب منك..
إنك تحكي لنا عن كل ذكرياتك عن عيد الأضحى
أكتر موقف دمه خفيف تعرضت له يوم العيد..
أكتر موقف صعب وحرج ودمه مش خفيف!
أكتر موقف أثر فيك وخلاك تحس بمعنى العيد فعلا
توصف لنا إحساسك الصبح وإنت رايح تصلى العيد
في أي المساجد بتصلي.. وليه؟
قضيت العيد قبل كده بره مصر.. طب وكان طعمه إيه؟
بتسافر في العيد؟ طب بتروح فين وليه؟
مين اللي بتحب يكون معاك في العيد ومين -بعيد بعيد- ما بتحبش؟
جربت تقضي العيد قبل كده لوحدك... طب إزاي؟
فاكر مراجيح العيد؟ لسه بتركبها صحيح؟
طب والخروف.. بتدبح وكده ولا بتشارك ولا ولا؟
كل حاجة.. كل حاجة..
عايزين نفتكر الايام الجميلة دى بئينا نحس بيها زى زمان واحنا صغيرين
ولا خلاص الواحد كبر بقى ويلا حسن الختام
عايزين نشارك مع بعضينا فى الموضوع ده
يعني سيب نفسك خالص كده
وغمض عينيك
واحك واكتب كل حاجة
جربتها أو حسيتها أو شفتها أو عملتها في العيد