•••【♥】ضايقتني هالدّروس【♥】•••
ضايقتني هالدّروس وأشغلتني هالدّفاتر ..
بيدي كتابي وقلبي ماعطى للدرس باله ..
طيف خلّي بالدفاتر كلّها ضيف(ن) وزاير ..
ماتركـ درس(ن) جديد إلاّ عن إحساسي حكى له ..
كل صفحة تحتويه وكنّه بدرجي مسافر ..
يا يسولف لي ويضحكـ يا يمتّعني جداله ..
حبّه بقلبي كبير وكلّ ما شفته أكابر ..
لين شفت الحال دونه حالتي ماهي بحاله ..
كلّ يومـ أقول لازمـ أبتدي في الدّرس باكر ..
وراح شهر وما وراي إلا القصايد في وصاله ..
كلّ هالحُبّ بحياتي كيف أنا ممكن أذاكر ..
يا أطنّش هالدّروس أو إني أعرف كيف حاله ..!!
•••【♥】لا تستحيّ【♥】•••
لا تستحي من ضمّة الرّوح للرّوح ..
دايمـ يضموّن الحبايب حبايب ..
هي لهفة(ن) فيها الغلا دومـ مسموح ..
حتّى ولو كانت من أشواق ذايب ..
ضمّة غلا ماهي تعابير ومزوح ..
لا تحسب إن ضمّة غلانا مصايب ..
لو تكسر ضلوعكـ بتحيي بكـ الرّوح ..
صدّقني أدري في ألمها عجايب ..
•••【♥】شوف غيري【♥】•••
شوف غيري حتّى لو قلبي يبيكـ ..
شوف غيري أنا ما أنفع معاكـ ..
أنت تلقى من يحبّ ويشتريكـ ..
وأنا بلقى من ينسّيني هواكـ ..
ياحرامـ الوقت ضيّعته عليكـ ..
ياخسارة القلب بإحساسه شراكـ ..
•••【♥】قرّب هنا【♥】•••
قبل أعرفكـ كان طعمـ العمر فاني ..
ومن لقيتكـ لذ ّ لي مافيه كلّه ..
•••【♥】غالي【♥】•••
فيكـ لا يمكن أغيّر موقفي ..
أنت محبوبي مع كلّ الظّروف ..
ثابت(ن) رأيي ومهما تختفي ..
لكـ مكانة فايقة كلّ الوصوف ..
ترجمي يا دمعتي له و اوصفي ..
حالتي في الحُبّ مكسور الكفوف ..
•••【♥】يحسدونا【♥】•••
أناما أبي من الدنيا سوى لحضة لقا وحدهـ ..
أبي أطيح من طولي على صدركـ وتحضنّي ..!!
تعبت أشدّ بكـ حبل الشّوق وأمدّهـ ..
أبي أشكي على صدركـ عطش هالحُبّ أرويني ..
دخيلكـ لاتخلّيني ترى صبري وصل حدّهـ ..
أهيمـ بعالمكـ طفل(ن) أمانة لاتخلّيني ..