ليه بتروح سيتي ستارز

الناس الي بتروح سيتي ستارز بتروح علشان سبب من دول

* تدخل السينما

* تاكل في الفوود كورت

* علشان تفضل تلف وتدور ومتشتريش حاجه وفي الاخر تروح

*علشان لو حد سألك كنت فين .. تقول " اصلي كنت في سيتي ستارز " ..

*عشان تبحلق في البنات الحلوه الي رايحه وجايه

* تدخل فيرجين ميجا ستورز وتمسك ولا 30 سي دي وتفضل تقلبهم ال يعني بتقرا الكلام الي عليهم وانت متعرفش يا عيني ولا مغني منهم اصلا

* تدخل سبينيز وتفضل ساعه تحط حاجات في العربيه وبعدين تلاقي الكاشيير زحمه اوي فتسيب العربيه مليانه قدام الكاشيير وتمشي وترجع تشتري من السوبر ماركت الي تحت بيتكو

* علشان تفضل طالع نازل علي السلالم المتحركه وفي الاسانسير الازاز

* علشان انت مزنوق وحمامات سيتي ستارز نضيفه

* علشان تقعد علي الموكيت الي قدام باب السينما

* علشان تضايق السيكيوريتي وبتوع الامن وتسند علي السور تتفرج علي الدور الارضي

* علشان ده أكبر موول في مصر

* علشان تطلب أكل وتفضل ساعتين تلف علي ترابيزه فاضيه لغايه ما الاكل يسقع ويبقي مالوش طعم

* علشان مش طايق تقعد في البيت

* علشان تجري من الأمن الساعه 2 الصبح لما ييجوا يقفلو الموول وانت مش عايز تروح

* عشان الدنيا بره حر موووت وجوه فيه تكييف

وانت بقى بتروح ليه؟؟

مواضيع مشابهة:
› معركة بالأسلحة النارية عند سيتى ستارز مدينة نصر
› وظائف في سيتى ستارز
› سامى اكسيد الكربون فى سيتى ستارز
› فندق هوليدي ان سيتي ستارز 5 نجوم عروض و تخفيضات
› فندق انتركونتيننتال سيتي ستارز القاهرة مصر عروض و تخفيضات

رسالة إدارية

إلغاء التغييرات