-استيقظت كما استيقظ الملايين من عشاق الاهلى فى الصباح الباكر...وطبعا هناك من لم ينم ليلته حتى يضمن ان يشاهد معشوقنا الاوحد..نادى الاهلى..فهو يستحق ان نتعب ونضحى بساعات النوم الهنيئة من اجل عيونه..فهو صانع الفرحة الوحيد للشعب المصرى...فترى البائس والفقير والمعتر والمكتئب عندما يريدون ان يخرجوا من حالتهم البائسة..يتوجهون الى مشاهدة احد مباريات الاهلى فتزول حالتهم البائسة بمفعول السحر والسحرة اللى هما لاعبى الاهلى...وايضا هناك بعض الاطباء النفسيين ...ينصحوا المرضى بمشاهدة مباريات نادى الاهلى...

-المهم ...صحيت زى اى حد بيحب الاهلى..فتحت المنتدى لقيت نسبة المتواجدين عالية جدا..وعمنا هارى بوتر مجهز نفسه ومنزل متابعة رائعة اول باول لاحداث المباراة...ما شاء الله..وبصيت من الشباك على الشارع لقيت المحلات مفتوحة والمقاهى ممتلئة..والناس فى الشوارع زى الرز...واعتقد انهم لو صاحيين لشغلهم مش هيصحوا كدة....وجهزت نفسى وعملت كوباية شاى وجلست انا واعضاء المنزل الموقر....تابعت الشوط الاول ..الاهلى ليس على ما يرام...شكله نايم على نفسه..اومتنيم مغناطيسيا...واحرزوا هدفين..بفعل الحظ وليس بفعل المهارة والاستحقاق..قلت مش مهم ..المهم انه فاز وخلاص ..ان شا الله يلعبوا زى القرود...

-الشوط التانى..الاهلى راح شرب (تادورة) ورجع بين الشوطين..ولمن لايعرف (التادورة ) فهى مشروب شعبى قديم يشبه البوظة كدة...ورجع بعيد عن السامعين انيل من الاول...غمضت عينى زى رامى صبرى وحطيت ايدى على قلبى وقلت استرها يارب..علشان بس خاطر الصحيان بدرى دا ..ميروحش فى الفاضى...وهات يا اجوان...امير القلوب ..لعبوه على الشناكل..ليه بس كدة يا امير..
احنا بنحبك وكنا منتظرين منك احسن من كدة....ليه تخلينا نقول فينك يا حضرى...المهم خلص الماتش..ودخلت غرفتى واغلقت الباب حتى استسلم للنوم..وانتابتنى حالة من الاكتئاب ولم استطع النوم...واكتشفت اننى ارتدى ..تريننج احمر..فخلعته بسرعة حتى لا تنتابنى حالة من الهياج مثل التيران...واستبدلته بواحد ازرق زى النهار الازرق بتاع الاهلى..ونزلت السوق علشان اجيب الغدا..وتوجهت الى بتاع الخضار ...كنت ناوى اشترى طماطم ..لقيتها حمرا..اشتريت بتنجان..

قدر الله وماشاء فعل يااخى عصفور
ودعنا ننظر الى الموضوع من الجانب المضئ حتى تطمئن قلوبنا , نعم الاهلى لقى هزيمة كبيرة ولكن نحمد الله ان راينا فريقا مصريا فى البطولة للمرة الثالثة على التوالى
وربما هو انذار لادارة الاهلى لتدعيم الصفوف فى يانير القادم

انا مش هعرف ارد

لكن كل ما استطيع قوله

انك استاذ


و عموما الاهلى دائما احمر و مش هتلاقى احمر منه ابداااااااااااا

قدر الله وماشاء فعل يااخى عصفور
ودعنا ننظر الى الموضوع من الجانب المضئ حتى تطمئن قلوبنا , نعم الاهلى لقى هزيمة كبيرة ولكن نحمد الله ان راينا فريقا مصريا فى البطولة للمرة الثالثة على التوالى
وربما هو انذار لادارة الاهلى لتدعيم الصفوف فى يانير القادم

اصدقائى الاعزاء اشكركم على الرد...وانا اوقن ان لكل جواد كبوة....لكن انا خايف ان الكبوة تطول حبتين...لان الاهلى نتايجه الاخيرة لا تطمئن..واخشى ان يدخل فى سبات عميق...على العموم ممكن يكون اتحسد وعايز حد يرقيه..ربنا يرجعك بالسلامة يا اهلى..

ها نعمل ايه الأمر لله وحده

ازيكم عاملين اية كيف حالكم انشاء الله يارب تكونو كويسين

الموضوع قديم..
لكن افتكرته مش عارف لييه..