هاي
بون سوار
هايو
بعد التحيات
اولا اعرفكم بنفسي في اول موضوع بكتبه في المنتدى دا
انا وبلا فخر كيموتوب وكفاية عليكو كدا وخد بالك من الاسم علشان هتسمعه كتير
نرجع مرجعونا وهو عنوان الموضوع
مشكلة المشاكل الي بتخلي بعض الشباب يزودها شوية في معامله للبنات انه خايف ان البنت تركب عليه او بمعنى اصح يبقى تابع لبنت
وبالعامية بنقول البت ركبت على الواد ودلدلت رجليها واحيانا بتدلدل حاجات تانية والحدق يفهم
ونشوف الواد بيعامل البنت بمنتهى الخشونة والقسوة والامبالاه
ال يعني كدا هي مش هتركب !
لا يا عم ريح نفسك واعرف ان بمعاملتك الحلوة هتبقى شريك في المركب والبنت بطبعها هتسمحلك تقود المركب عن حب اذا حست انك بتعاملها كشريك وليس كعبد !
وخد بالك من نقطة مهمة جدا ان البنات بيتدلعو في الدنيا كلها واذا مكنش منك هيبقى من غيرك فلازم تشوف احلى دلع واحلى معامله منك انت خصوصا الازواج
يعني مثلا
في الشارع خلي بنت تشاور كدا لتاكسي او ميكروباص او حتى اتوبيس نقل عام هتلاقي السواق فرملها و فتح الباب بنفسه و كمان مش بيبقى عايز ياخد فلوس لكن انت يا غلبان ممكن تجري ورا المواصلة لغاية لما توصل المكان الي كنت عايز تروحه اصلا
وهنروح بعيد ليه
بص على المواضيع المكتوبة في المنتدى دا من البنات هتلاقي المشرف دخل وحتى قبل ما يقرأ الموضوع تلاقيه كاتب ( ايه الحلاوة والطعامة والجمال والسحر والثقافة والرشاقة والعيون ... الخ ) كتعليق على الموضوع ؟
واحد فلحوس هيسأل ويقول هو عرف منين الرشاقة والعيون من مجرد تكست كتابة ؟
هقوله بس ياد
لكن بقى يدخل المشرف على موضوع ولد كاتبه ؟ ياااااه دا بقى لما يكون فاضي ورايق وخلص مواضيع البنات كلها ممكن يدخل على موضوع ويديلك فيري باد و اذا الموضوع عجبه اوي يعني زي دا مثلا يقولك ايوه يا اسطى موضوع كويس ، ويقلبك طبعا ويدور على باقي مواضيع البناتيت
من السابق يبقى لازم تعرف حاجة انك لازم تكون واد كول راجل مشارك متفاهم قائد بس بذكاء ومتنساش ان البنات انسان زيه زيك بالظبط لازم تبقى كويس وانت بتتعامل معاه
وشكرا
كيموتوب
دي هاصت وظاطت تبقلظت وتحنست وتفشتت