قابلتهاواتعرفنا على بعض
هى حبيتنى الاول
انا مش عارف ان كنت بحبها ولا لا
بس انا معاها بكون اسعد من اى وقت تانى
المهم حبينا بعض وكان بينا صراحه فى كل حاجه
خرجنا مع بعض كتير
احيانا كنا نلف بالعربيه 3 او 4 ساعات من غير ما اتعب
كنا بنتكلم فى كل حاجه
وبعد فتره كبيره
سمحتلى اعمل معاها حاجات كتير
لكن كلها فى اماكن عامهرغم ان انا ساكن لوحدى
كانت احيانا تجيلى البيت لكن كانت بتنتظرنى تحت
طبعا انتم عارفين ايه اللى مسموح بيه فى الاماكن العامه
لما حكيتلى عن حياتها حكيتلى عن حاجات كلها عاديه
ورغم ان انا مش برتاح مع حد غيرها
لكن الشك جوايا هيموتنى

بس فى نفس الوقت مش متخيل ان انا ممكن احب واحده غيرها
مش عارف اعمل ايه
يا ترى اصدق عقلى ولا قلبى ؟؟؟؟؟

ربنا سبحانه وتعالى بيقول {{ لاتسألوا عن أشياء ان تبدو لكم تسوؤكم }}
وانا شايفه انه مش ضروري ابدا تعرف اذا كنت انت اول واحد ولا لا ..
انت بتحبها وشايف انها هاتسعدكـ وشايف فيها ام تستأمنها على اولادك ؟؟ يبقى اتوكل على الله وبالتوفيق ..

أنا مع الرأي الأول...

لو انتا بتحبها عنجد انسا كل ماضيها ... وخليك باليوم وفكر كمان ببكرة...

الحب شعور حلو..وما بيجي دائمـاً الحب فرصة..ما بتتكرر عيشها بدون ظنونك وشكوكك

بتمنالك التوفيق..ربنا يحرسكم ويخليكم لبعض

انا بحب ابن عمى من 4 سنين وه كان بيحب واحده تانيه وبيحبنى انا كمان فى نفس الوقت وسبنى وخطبها وحصل ظروف وسابها ورجعلى تانى وانا وافقت وهو دلوقتى معايا ومخلص ليا بس حصل حاجات كتير بنا اعمل ايه هل هو بيحبنى

هل يوجد ولد يحب اتنين فى نفس الوقت ويحدث مع واحده منهم حجات وحشه بدافع الحب

هل يوجد ولد يحب اتنين فى نفس الوقت ويحدث مع واحده منهم حجات وحشه بدافع الحب

والله مش عارفة
بس ازاى؟
المفروض اللى بيحب دا بيكون بيخاف على اللى بيحبها بيخاف عليها اكتر من نفسة وبعدين هو بعد مابيعل اللى عايزة بيشك فيها
فعلى ايه من الاول؟

شكرا على كلامك اخت زفته
على فكره انا مريت بنفس التجربه بس ده مش بيبقى حب
ده ممكن يكون مجرد اعجاب
لكن اكيد طرف الحب هو اللى بيفضل اما طرف الاعجاب سرعان ما ينتهى
لو فعلا رجعلك ومخلص ليكى حافظى عليه بكل قلبك
اما سؤالك التانى دا انا اللى محتاج ردعليه
هل هو فعلا بدافع الحب؟؟؟؟؟؟؟؟؟
عل فكره ياريت تغيرى اسمك
لانك اكيد احلى من ده بكتير
دى مش معاكسه

اللى بيحب بجد عمروا ما ينظر الى الماضى ابدا وانت لو حبك لها صادق عمرك ما هتحاول تعرف انك اول انسان ولا لا
ابدا معها من جديد ومتحاولش تعرف علشان ممكن بعد كدا تتعب
الانسان اللى يدخل فى قلبه الشك عمروا ما يعيش فى سعادة ابدا

شكرا ليكى يا هبه
لكن الشك ده اعتقد عاده فى الانسان
لدرجه انى مش قادر اتغلب عليه

متزعلش من بس انت لية عندك شك فيها اوى كدة
انت شفت منها حاجة ولا داة طبع فيك
لو داة طبع فيك تبقى مشكلة ولازم تتخلص منها
لانك كدة هتفسد الحب الجميل بينكم وهيتحول لمشاكل
لكن لو انت شفت منها حاجة خليتك تشك داة موضوع تانى
وعشان متظلمهاش سيبك من الى فات وخليك من ساعة
ما عرفتها لان الى فات مات وادام هى كويسة معاك
ومخلصالك لية عاوز تعرف الى فات وتقلب حياتك جحيم
وانت فاكر لما تعرف حاجة من الماضى اذا كان فية يعنى
هتستريح بالعكس هتتعب وطول الوقت هتفكر فية
فكر كدة فى كلامة وصدقنى سيبك من الى فات

انا بشكرك جدا ياهبه على الكلام الجميل ده
بس انا مش متخيل انى ممكن اقابل حد يكون لمسها
مش لمسها مجرد انه بدا معاها حتى بالكلام من غير ما اكون انا عارف
ممكن اكون انا شكاك اكتر من الازم
لكن اعتقد من حقى اغير عليها

اة من حقك تغير ولو مبتغيرش تبقى مش بتحب
بس الى انت بتقول علية داة مش غيرة داة شك
لان الغيرة فى حاجة حصلت قدامك يعنى شفتها
بتكلم زميلها حد بيعاكسها
لكن مش حاجة من زمان من قبل ماتعرفك
لانة مش من حقك انت من حقك تحاسبها او
تغير عليها من ساعة ماعرفتها
انت باين عليك طبعك غيووووووووور اووووووووووى
وربنا يعينها عليك هههههههههههههههههههه

انا على حسب فهمي انك بديت تشك فيها لما صارت بينكم حاحات صح ولا اناغلطانة. هي بتحبك و يمكن لانها وصلت الى درجة كبيرة من الحب اللي خلّها تسمحلك بذلك. ليش ما سألتش نفسك هالسؤال قبل ما تصير بينكم حاجات كانت اكيد راح تجاوبك لو سألتها ان كنت انت اول شاب في حياتها ام لا . ولو هي سمحتلك بالقيام بذلك و لو كنت انت بتحبها بجد ماكنتش سمحت لنفسك اللي عملته دا. فأدعوك انك تتأكد انت من مشاعرك نحيتها و ماتخليها تعيش في وهم.
لو مشاعركم صادقة خططوا مع بعض لحياتكم بلا شكوك لان قلة الثقة بتهدم كل شي .

انت باين عليك طبعك غيووووووووور اووووووووووى
وربنا يعينها عليك هههههههههههههههههههه

اعتقد يا هبه ان الغيرم مش عيب فى الانسان
وبعدين انا مش هستنى لما تكلم واحد زميلها علشان اغير
دا يبقى نهارها مش فايت

هي بتحبك و يمكن لانها وصلت الى درجة كبيرة من الحب اللي خلّها تسمحلك بذلك

شكرا لوليتا
بس هل ده فعلا بدافع الحب
وعلى فكره انا فعلا بحبها جدا

wlma t3rf eza kont 2wel wa7ed fe 7aytha htrta7 2zon l2 2wy wb3den swa2 kan leha 2w l2 mosh far2a el mohm enha m3ak dlw2ty wenta bgad lw 3ayez t7afez 3ala el 7ob da ya reet mtfkrsh keda 2olel lma bnl2y el 7ob fe 7yatna lw kan bgad

بجد وده حاجه حصلت قدامى وعرفاها عمررررررررررررررك ما هترتاح لو عرفت حاجه حتى لو كان مجرد اعجاب وكل لحظه هتبقى حلوه ما بينكم مجرد انك تفتكر هتتخنق وهتخنقها اوى وشور هى مش هيبقى ليها ذنب ساعتها بجد وحياه حبكم حافظ عليه عشان الحب مش بيتعوض وربنا يخليكم لبعض ويهديك ويريحك من الشك لللانه بيهدم اى حاجه حلوه

[font="book antiqua"]خرجنا مع بعض كتير
احيانا كنا نلف بالعربيه 3 او 4 ساعات من غير ما اتعب
كنا بنتكلم فى كل حاجه
وبعد فتره كبيره
سمحتلى اعمل معاها حاجات كتير[/font]
بص يااسلام الكلام اللي انت قلته ده مش مريح
انا مش هقولك اللي تعمل كده تبقى بنت مش كويسه لأني
انا ماعرفهاش غير كده في ناس كتير بتبقى محترمه ومتربيه ولما بتحب
بتتخلى عن بعض من مبادئها
انا هقولك صلي صلاة استخاره وادعي ربنا يقدملك اللي فيه الخير
وان شاء الله لو هي خير ليك يكون ليكوا نصيب في بعض ولو شر
يبعدها عنك اقعد كده بالليل مع نفسك وصلي قيام ليل واقعد ادعي صدقني
هترتاح وقول لربنا كل اللي انت عايزه لو موضوع الشك ده طبع فيك في اي حد
حواليك خصوصا اللي بتحبه ادعي ربنا يخلصك منه
بس انا متوقعه الاتنين ان انت طبعك شويه شكاك وهي بتصحي فيك
الحكايه دي خصوصا لما قلت انها سمحتلك بحاجات كتير حتى ولو بعد فتره كبيره
لأنه يااسلام في حاجه اسمها حرام وحلال ولازم تركز في كده انت مش من حقك تلمسها
ولا حتى تقولها كلام زي حبيبتي ووحشتيني وكده احنا ممكن نعتبرها حاجات عادي ومش حرام
بس في الحقيقه انها اجنبيه عنك يعني مش مراتك عشان يبقى ليك حق فيها
ياريت تحاسب في كل تصرفاتك وكلامك معاها وتحط ربنا قدام عنيك
عشان يكرمك ويقدملك اللي فيه الخير
بيقول الرسول صلى الله عليه وسلم (تنكح المرأه لأربع لمالها , وحسبها , وجمالها , ولدينها فاظفر بذات
الدين تربت يداك ) رواه البخاري
وبيقول كمان ( الدنيا متاع وخير متاع الدنيا المرأه الصالحه) رواه مسلم

زفته الرجل يحب مرة في حياته والماة تحب مرة والحب المكرر دا لعب على قلوب الناس

انت قولت بعض الكلام الغريب ..؟
بس انت فكر فى الموضوع بايجابية اكتر ..~
فكر انت اتعرفت عليها فين واذاى ... والطريقة ...؟
وفكر فى الحاجات اللى ليها متفكرش ف اللى عليها
ويمكن طبيعتها ومع دافع الحب اللى بتحبه ليك تسمحلك انك تعمل حاجة ...~
اى نعم هو مش محلل ولا صح ... ؟
بس ده المفروض اللى نفكر فيه
ثانيا انت مش هتستفاد حاجة لو عرفت الماضى ...
انت من حقك تعرفه لكن مش من حقك تحاسبها عليه ..؟
لكن مش هتستفاد يمكن لو شكك فى محله وهى جت قالتلك حاجة ضايقتك ..؟
كل ما تبقى معاها هتفضل تفتكر اللى هى حكتهولك وتوصل علاقتهم لا محالة للفشل ...؟
وانا اؤيد راى مرهفة الاحساس صلى صلاة استخارة واللى فيه الخير يقدمه ربنا ..~

بس انا فى نفس موضوعك بس لسه مسلمتلوش نفسى هو بيطلب ده بس انا خيفه ليحصل حاجه مبنا ويفتكر انوه ده حصل قبل كده رغم انى مشتقاله اكتر ما مشتاق هو ليا فا امشى وره قلبك وانا بنت زى زايييه وبئولك مش عشان هى عمالت كده معاك يبقى هى كده مع غيرك وربنا يوفئق

يعنى حضرتك داخل مبسوط بالحاجات الى عملتها ولاايه مش فاهم
يااخى الكريم عليك بالزواج وسيبك مما تفعله
وبعدين عايز اعرف ماحدود المسموح به فى الاماكن العامة كما تحدثت
اللهم عافنا

يعنى حضرتك داخل مبسوط بالحاجات الى عملتها ولاايه مش فاهم

انا بالعكس مش مبسوط خالص بالحاجات دى بدليل ان انا بفكر فيها لحد دلوقتى

بس انا فى نفس موضوعك بس لسه مسلمتلوش نفسى

ياريت تخلى بالك كويس لان الموضوع ده بيزيد احترامك عنده كتير
وصدقينى مش هتستفادى حاجهوربنا يوفقكم

بص يا اسلام انت ماليكش حق تسالها عن ماضيها
عشان ممكن تكون بتكلم واحدة وانت اول حد فى حياتها بس بعد كده ممكن تتغير الانسانة دى وتتكلم وانت بتكلمها اكتر من واحد من غير ماتعرف والبنت اللى فاكرها عشان كان ليها علاقات قبلك وحشة اكيد هتكون احسن منها بمراحل عشان كده بص لمستقبل مش لماضى عشان ده اللى هتقدروا ترسمه مع بعض وهى لو عملك اى حاجة عشان بتحبك بجد
ربنا يوافقك ويخليكم لبعض

انا مع اول راى وشايفة انك طالما بتحبها خلاص مش هتفرق كتير انت اول واحد لا اية

تقبل مرورى

انت بتحبها وهي بتحبك المشكله انك شاكك فيها يبقي لازم تواجهها علشان تتخلص منه كلمه شك دي مش حلوة خالص يبقي لازم تتخلص منه خالص علشان ترتاح وانشاء الله ربنا هيوفقك ويوفقها


ميرسي ليك

لو اول حرف من اسمها ' م او س او ه ' يبقى البت دي انا اعرفها

ادا دخل الشك من الباب هرب الحب من الشباك