سوال مهم جدا للجميع وارجو المشاركة ليه بنحب مصر وليه دايما بنرجعلها؟

عشان مصر ام الدنيا


وعشان اهلها في رباط الي يوم الدين

بس اللي ماسكينها هما اللي مبوظين سمعتها

على اسم مصر التاريخ يقدر يقول ما شاء - أنا مصر عندي أحب وأجمل الأشياء

عشان اهلها
مفيش شعب زي شعب مصر
وروح شعب مصر

علشان مصر ام الدنيا

ومهد الحضارة

وبجد الواحد فخور انه اتولد مصري

والله يا اخى كفى انها ذكرت فى القران

مش عرفه بس اول ما اسمع اسم مصر بحس بحنين ليها رغم انى عمرى ما اتغربت عنها

بحب كل حاجه في مصر لانها بلدي

مفيش حته في مصر مش حلوة مصر

جميله بأهلها و بشورعها و بيوتها

انا عمري ما شفت اطيب من الشعب المصري

مشكور على السؤال ....

انا بحب مصر عشان اهلى واصحابى وحابيبى موجودين فيها
وعمرى ماهلاقى امان غير فى مصر برغم كل اللى بيحصل
فيها واللى بنسمعوا عنها

معلش يا جدعان انا هخلينى واقعى شويه
انا لو دافعت عن مصر يبقا عشان ربنا بس
انا اتغربت وانا جوا مصر والله
ياما اشتغلت ببهدله
ياما درست بمدارس يدوب بترمى الكلمه فالامتحان وتمشى
معلش انا بسأل ليه؟
انتو لقيتو الى يهمكو فيها صحاب ارايب اهل
غيركو مش لاقى ليه اى صاحي
غركو اهلو ممكن يدوبك بيشوفو صدفه
معلش انا محستش بالحب ده
نزار

حلو اوى السؤال دة
يا سيدى انا بحبها علشان بلدى ودة اتعلمتة من الرسول علية الصلاة والسلام اد اية هو كان بيحب وطنة بارغم من العذاااب اللى شافة فيها

واى عيب فى البلد احنا السؤلين وليس الوطن

انا بحب مصر جدااااااااااااااااااااااااااااااااااااااااا
لانها روحى وبلدى اللى بعشقها
فيها اهلى وناسى اللى بحبهم
فيها كل مكان لعبت فيه وانا صغيرة شوفته زرته
راااااااااااائعة
اطيب شعب هو شعب مصر
وروحه حلوة وبيحب الخير لكل الناس وكل الدول الاخرى
ومصر ليها تاريخ كبيييييييييير فى حبها للبلاد التانية
فى ازاى هى دافعت عنهم ايام جمال عبد الناصر والسادات ومازالت حتى الان
فيها اصحابى اللى بحبهم وبيحبونى
ونفسى بلدنا تكون احسن بينا وتكون اجمل من كده
ونراعى ربنا فى الناس لانهم شقيانين وتعبانين بجد
وكفاية انها ذكرت فى القرآن وقال عنها الرسول (ادخلوا مصر ان شاء الله آمنين)
يعنى بلد الامان زى ما الرسول قال
وشعبها لا مثيل له من حيث ذكاء او جمال او طيب او حب
مهما اتكلمت مش هايكفيها كلام
ميرسى على الموضوع الجمييييييييييل ده

انا برده حبيت مصر عشان كله بيقلي دي بلدك لازم تحبيها
بس حب وطن والكلام ده ملقتهوش بصراحة
طبعا انا لازم احبها عشان الرسول وصانا عليها ووصانا بأهلها
بس انا عايشة فيها ومش لاقية اي حاجة تخليني احبها
والاسباب كتيييييييييير من مشاكل ومحدش واخد حقه وانك حاسس بالظلم
لان في ناس بتتعامل احسن منك لمجرد انهم من عليه القوم ده
وحكايه الشعب الطيب دى كمان ما بقتش موجوده او نادره وكل واحد بيقول يلا نفسي وبيتي وعيالي اولي من اي حد
مبقاش في امان وحب بجد زي اللي كان بيتحكلنا عن ايام زمان
والدليل علي كدة ان كل الشباب دلوقتي عايزه تسافر وتحقق حلمها بره لانهم بيحترموا الانسان بجد

والشباب اللي بيقولك نفسي ارجع مصر
ده بس عشان اهله اللي بقاله كتير ماشافهومش او انه وحيد ونفسه يستقر ويتجوز

بحب مصر..........لأنها بلد عربي أولا وبلد مسلمين
مهد للحضارات القديمة
فيها كتييييييير مناطق سياحية
ناسها طيبين......

انا صراحتا بحكم اني فلسطيني بحبها لمصر كتير كتير كتير



لانه شعبها طيب خفة دم المصري ماشفتها علي حد


بلد الحضارات القديمه


بلد بتنحب لانه كل يلي عليها متل نسيم الصباح يلي بسعد الانسان



اتمني ربي يغير حكامها


لانه مصر ام الدول العربيه لابد تكون متل ما جمال عبد الناصر كان يريدها بلد تحضن مشاكل وافراح الدول العربيه



مو نلاقي اخوانا الفلسطينيين بحاجتنا بحاجه للعلاج بحاجه للطعام اقفل عليهم المعابر


واعمل حجج احنا بدنا صدر حنون


انا بعشق كل انسان مصري ولكن بتمني يوم من الايام يمحي حكومة مصر


لاني بحب مصر لانه لو تغيرت الحكومه حتكون مصر افضل من هيك



وهادي وجهة نظري



بحبك يا مصر يا ام الدنيا ربي مايحرمنا منها