السوال الاول \ الان لو عايز اعمل مدونه لنشر المواقع وطبعا هضع روابط لمواقع اخرى فى المدونه هل هذا مخالف لجوجل ادسنس؟

السوال الثانى \ ما هو تقييم ادسنس لنجاح اى مدونه هل عدد زوار كثير او عدد مواضيع او اعضاء ؟

السوال الثالث \ هل جوجل ادسنس لسه يوجد فيه مشاكل لاننى اتذكر جيدا من 4 اشهر كان اى حد يبعت مدونه او منتدى يرفضه ادسنس بدون معرفه السبب حتى عبده سالته وفتحنا الموضوع ده ساعتها ولا الحال الان رجع مستقر ؟

هذه الاسئله ليست شخصيه منى فقط ولكن هناك بعض الاشخاص سالونى وكانت تدور فكرتهم فى الاسئله دى فياريت نستفاد ونفيد الجميع .

بسم الله الرحمن الرحيم
بالنسبه للسؤال الأول : فعمل مدونه لتضع بها روابط لمواقع أخري لرفع الباك لينكس لهذه المواقع طبعا هذا غير مخالف لشروط أدسنس إطلاقا لإن هذا شئ عادي جدا عندك أكثر من موقع أو مدونه وبتشير لكل منهم من الأخر وأيضا يعني أنا من وجهه نظري طالما إن مدونتك دي لسه هتعملها فما تعتقدش إنك بوضعك لروابط المواقع بتاعك في المدونه ترتيب المواقع دي هيرتفع لإن العمليه مش مجرد 100 رابط خارجي أو 200 رابط خارجي يعني لو رابط من موقع ذو بيدج رانك عالي أفضل من 10 من مواقع بيدج رانك مختلف

بالنسبه للسؤال الثاني :لا ..أدسنس بتنظر للمدونه من نقطه غير محركات البحث أدسنس بتبحث عن الكلمات المفتاحيه الأعلي سعرا يعني لو موقع حضرتك مشتملا علي هذه الكلمات سعر الضغطه بيرتفع وكمان أدسنس بتشوف لغه موقعك لو عربي يبقي قول ربنا يعوض علينا في الحساب لو إنجليزي أكيد سعر الضغظه أضعاف

بالنسبه للسؤال الثالث : حضرتك هي العمليه مش كده تصدق وتآمن بالله أقسم بالله أنا عندي مدونه عربي تعرف لمده 10 شهور مش عارف أشترك في أدسنس برابط المدونه العربي بياناتي صحيحه مئه في المئه ويرفضوني .........
عملت مدونه إنجليزي قبلوا إشتراكي في 4أو 5 أيام مش فاكر بالضبط عشان ما أكونش كاذب والله 4أو 5

طبعا الإجابات دي من وجهه نظري الشخصيه وبناء علي خبرتي المتواضعه وتحتمل الصواب أو الخطأ

أخوك علاء من مصر

لن أجاوبك علىة الأسئلة و لكن سأشاركك بتجربتى مع أدسنس لعلك تستفيد
لقد سجلت فى أدسنس بمنتهى السهولة و تم الموافقة على مدونتى خلال يوم رغم أن عدد موضوعاتها لم تكن تتجاوز 10 موضوعات فلا تقلق بشأن هذا الأمر أما حينما انتظرت الأرباح فكلما دخلت لأرى أرباحى أجدها صفر رغم أن الاعلانات ظهرت 6000 مرة بنسبة نقر 2 فى المية فاضطررت الى حذف الاعلانات و قلت سأفكر فىة طريقة أخرى للربح و ليس الان و انما عندما يزيد عدد زوار مدونى .
لعلك تقر أ كلامى و تؤجل قرار استخدام أدسنس فى موقعك حتى لا يحدث معك ما حدث معى

خلاص يا علاء اجابتك واضحه يعنى المدونه العربى نصلى عليها فى مسجد عمر مكرم خلاص الحل الوحيد هو المدونه الاجنبيه ربنا يسهل .

بالظبط كده أخي (إجتماعي آخر حاجه ) المدونه العربي نصلي عليها وندفنها بصراحه الربح كل الربح في المواقع الأجنبيه سؤاء من أدسنس أو لو عايز تتجه للبيع بالعموله وتصل عمولتك في معظم الأحيان ل 75 % من سعر المنتج يعني إنت متصور يعني لو كتاب أوي أي منتج ثمنه 100 دولار إنت تحصل علي 75 دولار بالله عليك قولي إنت لو حطيت كتاب برنامج أي حاجه وعرضتها في موقع عربي كل كام شهر علي ما واحد يشتري منك أما في المواقع الأجنبيه أكيد الحال أفضل

تحياتي : علاء عمر