نجوم مصرية
منتديات نجوم مصرية المنتدى العام منتدى الحوار العام

تابع نجوم مصرية على أخبار جوجل

تابع نجوم مصرية على تطبيق نبض الإخباري



ما رايك فى غلق ركن البرامج الاعلاميه

 

السلام عليكم ورحمه الله وبركاته

[SIZE="5"][COLOR="Blue"]نظرا للاهمال الشديد لتلك الركن وهو ركن البرامج الاعلاميه وبصراحه انا اصبحت اتندم انى انا مشرف عليه بل ندمان انى فكرت اصلا اننا نعمل اى برنامج فانا بقترح على الجميع لو فعلا الركن بلا قيمه يتم غلقه افضل وارجع انا عضو فى حالى او ممكن اقتراح اخر لو انا الى فاشل فى اداره البرامج او الركن انا برشح حد يمسك بدل منى لو سبب التجاهل انى انا الى ماسكه لكن لو مفيش اى اعتراض يبقى حرام الى بيحصل اى برنامج نقعد نبعت اكثر من 200 رساله كل مره وفى برامج امثال الشعر والرياضه تم التجاهل عنهم نهائى وحتى حلقه يوم عاشوراء اعضاء لا يتعدوا 8 هم الذين حضروا واحنا كنا عاملين اعلان قبلها حتى يوم عاشوراء لا احد الا القليل وسامحونى انا اسف انى بكتب الكلام ده بس بجد من الخطا ان نطرح برامج لا تفيد الناس ويراها البعض سلبيه ونعمل زى ما عبده عمل قبل كده شال ركن الالعاب عشان السيرفر على الاقل الالعاب كان بيضيف للاعضاء متعه لكن الملاحظ حتى الان ركن البرامج سلبى للجميع واسف على الازعاج .




تابع نجوم مصرية على أخبار جوجل

تابع نجوم مصرية على تطبيق نبض الإخباري




المقال "ما رايك فى غلق ركن البرامج الاعلاميه" نشر بواسطة: بتاريخ:
أميرة الورد
ليه يابني انت لازم تدافع عن فكرة وتحاول توصلها مش تضعف في اول وقفة

حاول تدور على اعضاء دائمو التواجد على الاقل مش تحدد شخص واحد للحلقة حت لو اتعذر الاول التاني يغطي باقي الحلقة ولو حضرو هما الاتنين هيكون احل واجمل


انا من رايي مش يتقفل دافع عن فكرتك وجدد في كل حاجة واكيد هتلاقي الاعضاء كلها جمبك
اجتماعى اخر حاجه
هههههههههههههههههههه بجد مش عارف اقلك ايه غير انى حاولت بكل الطرق حتى انجح فى نجاح البرامج وعدم التجاهل لكن يظهر انى العيب فيه انا فى كل مكان نتعب فيه عمرنا ما شفنا فيه بدانا فى الفيس بوك عملنا 22 جروب وفى جميع المجالات ولا نجاح والان هنا برامج بلا نجاح طب اعمل ايه مش عارف تعبت ودائما سلاحى الامل بس يظهر الامل هو الى رافضنى والياس ينادينى بقوه
RAGHEB
البرامج مهما اوى وانت مميز فيها وياريت ما تتقفلش وبجد كلنا معاك وبجد بنستفاد منها كتير
أميرة الورد
لا طبعا انت بس اعمل الحلقة بشكل مختلف حاول تجدد

وبعدين القسم مش كمل شهر حتى علشان تعرف اذا كان فشل ولالا


متخليش الياس يتسلل ليك

حاول مرة واتنين وتلاتة

متربطش البرامج بناس معينة وخلاص وسع البرامج للكل

وبعدين الناس عندها ظروف واحتمال يحصل مع ناس كتير ان واحد مش يجي الحلقة وكدة

فحاول تعذر الناس يعني سوري مش هيسيبو الظروف الي هما فيها علشان يقعدو على النت ويكملو البرامج يعني معلش
اجتماعى اخر حاجه
يا راغب والله على الكلام كويس جدا بس الفعل غير موجود انت لو نظرت الى الركن ده هتلاقى الاهمال غير عادى والله العظيم كانت الفكره من الاول هى اضافه متعه جديده للاعضاء
reallove87
لأ طبعا مش موافق على إننا نقفل أي منتدى...

ومش عشان نشاطه قليل شويه يبقى نقفله...

أنا معاك للنهايه يا إجتماعي وخليك جامد شويه...
hamadause
لا طبعا يا برنس مين اللى قل كدا وعلى شان اية ان شاء الله
لا خليك وراى فكرتك لحد الاخر وانا معاك يا باشا وعام سعيد عليك
lionhmada
السلام عليكم

عارف اصلا المشكلة في توقيت افتتاحك للبرامج دي
لو في الصيف كنت حتشوف تفاعل اكتر لان نسبة الاعضاء والزوار في الاجازة اكتر
النسبة الاكبر هنا من الاعضاء طلبة في مدارس وجامعات لذلك اصلا ملاحظ على مستوى المنتدى الردود والمتابعات اقل من الاجازة بكتير

اعتقد اني مقدرش اديك رأيي انك تكمل او لا لاني بصراحة غير متابع للركن نهائيا لان وقتي ضيق فعلا على النت تقدر تقول عشرين حاجة في نفس اللحظة

تمنياتي لك بالتوفيق
SIMPLICITY
اختار برامج بتجذب الناس

اي موضوع عام الناس شبعانة منه وعارفاه جيب حاجات جديدة افكار او انقل فكرة من احد البرامج في التلفزيون وبجد حتشوف تفاعل الأعضاء

بس تجذب الناس
Dr! Ahmed
طيب اقولك راى ممكن يكون الاعضاء هنا مش بيتفاعلوا مع برنامجك مع انى كنت متابعة بس مش برد فيه لانى ماكنتش عاوز اترشح فيه الصراحة نرجع تانى نقولك مش بيتفاعلوا لان فى سباق فى مجالات تانية انك تجيب الاخبار العاجلة والمواضيع الجديدة وتخطه فى المنتدى لان المنتدى اساسا وزى ماعبدو باشا قال قبل كدا انشا للربح فتلاقى اكثرية الاعضاء مابينهم سباق مين اللى يجيب ويلخص الخبر الاول عشان يتحط فى العاجل وكدا معنى كدا انى مش بقولك سيب البرنامج بس ممكن انك تطورة وتعمل لية يوم محدد فى الاسبوع مش كل يوم لان مش كل يوم الناس بتعد على الكمبيوتر لان كل واحد وظروفة والصراحة الركن مميز جدا مش حد يقدر انوا يظهر مواهبة بالطريقة الاعلامية وبالكتابة كمان بس اعملوا يوم محدد فى الاسبوع علشان يتحفظ واعمل مواضيع تمس الاعضاء يعنى تصويت ادارة تصويت مدير تروح للاحداث الجارية تكلم عن اى حاجة علشان الاعضاء يهتموا اعمل اللى الاعضاء بتحبة مش اللى انتة بتحبة ... وشكرا لك
eljocr
السلام عليكم
بص يا حبيب قلبي انت متميز جدا في البرامج و الاعلان والله بجد انت بتجتهد حاول ماتفكرش في الموضوع ده تاني
و واحدة واحدة هاتلاقيها اهم من اي حاجة تانية بس انت اتعب شوية مافيهاش حاجة وبلاش يأس
monaliza
لأ طبعا مش موافقه على قفل القسم خالص
ومعاك للنهايه يا أحمد
scorpion
انا معاك في انها مش بتلاقي قبول من الاعضاء او عليها اقبال يعني بس
التوقيت اساسا في وقت معظم الاعضاء متغيبين بسبب امتحاناتهم وكدة يعني
بس علي فكرة فكرتك واشرافك علي الحاجات دي بجد بشكل متميز وتمام يعني
بس ممكن اقولك حاجة يعني
كل حلقة تكون بشكل وبطريقة مختلفة متنوعة يعني
ممكن بالشكل دا تلفت النظر بطريقة اسرع لباقي الاعضاء المتواجدة يعني
بس بجد القسم دا جميل جدا وله شكل تاني خالص
princess.moon
ايه يا احمد اللي انت كاتبه ده .............. يعنى ايه عشان خاطر حلقة اتأجلت لظروف خارجة عن الارادة ........ عايز تلغى القسم كله ............ وبعدين انا مش هقول حاجة اكتر من الكلام اللى قالوه الاعضاء المحترمين اللي قبلي ...........

دافع عن هدفك ........... مش تبقى سلبي بالشكل ده ,,,,,,,,,,,, وانا معاك يا احمد للنهاية ,,,,,,,,,,,,

واجازة نصف العام على الابواب ........... تعدي بس فترة الامتحانات دي وانت هتشوف التفاعل والشغل اللي بجد .........

استمـــــــــــرررررررررررررررررررررررررررر ,,,,,,,,,,,,,,,, ربنا يوفقكـ
mahmoud elsharkawy
هى مشكلة امتحنات مش اكتر مفيش حد فاضى

والبرامج بتحتاج وقت كتير لان الاسئلة مباشرة والواحد بيفكر فى الاجابة

استمر وان شاء الله هيكون افضل منتدى موجود فى الساحة
اجتماعى اخر حاجه
بجد يا جماعه انا بشكركم جدا على الاهتمام والنصائح الغاليه وبجد يا جماعه ده مش فشل ولكن انا فكرت شايف البرامج تاثيرها سلبى مقارنه بالمواضيع ففكرت فى الغائها ولكن انتوا عندكم حق التوقيت غير مناسب لذلك هناجل كل البرامج الى بعد الامتحانات الا برنامج هات من الاخر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
الاعلاميه رولا خرسا وهي طفله
امبراطورية الدعارة الاعلاميه ... بالصور
ما رايك فى قسم البرامج الاعلاميه

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية