|
السلام عليكم ورحمه الله وبركاته
انا شاب مثل كل الشباب وبمر بمشكله اعتقد في شباب كتير في نفس مشكلتي . انا بحب انسانه ومش عارف هي حاسه بمشاعري نحيته ولا لا بس المعامله بنا كلها هزار وضحك كتير جدا وهي دايما بتحكيلي عنها وانا بحكلها عني بس انا مش عارف هل ده يبقي تبادل نفس المشاعر ولا لا انا نفسي اتأكد من مشاعرها نحيتي بس مش قادر اصارحها وش عارف حقيقي بجد نفسي حد يقولي اعمل ايه بس من غير ما يكون مصارحه مباشره 
ولكم جزيل الشكر واتمني ما يلاقي اي حد اي مشكله في حياته العاطفيه سواء للشباب او البنات |
|
مش شرط انها بتحكى لك على كل حاجة تبقى بتحبك بس انت الوحيد اللى يقدر يحدد هل هى بتحبك ولا لا من طريقة كلامها اسلوبها معك فى الكلام وانت حاول تلمح لها بالكلام وعلى فكرة البنت بتقدار تعرف كويس ان الولد الذى امامها بيحبها والبنت لما بتحب بتبقى عايز تتكلم مع الانسان اللى بتحبه دايما وبيكون هو الوحيد فى حياتها وتحب تحكى له على كل شى اما لو كانت بتحكى لحد تانى تبقى انت بالنسبة لها انسان عادى
بس الافضل ان تصارحها مباشرتنا وقبل ما تصارحها اسئلهاهل فى حد فى حياتها ولا لا واسئلها كمان انت بالنسبة لها زاى اى شخص بتتكلم معا وشوف رد فعلها ومن رد فعلها ممكن تعرف |
|
انا رائيى انك تصارحها بمشاعرك عشان هو دا اللى هيخرجك من الحيرة الل انت فيها سواء كانت بتبادلك نفس الشعور او لا كدة او كدة هترتاح وهى اكيد حاسة البنت بتحس باللى قدامها وربنا معاك
|
|
انا من رايئ انها لو بتحبك كانت هى كمان هتوصلك انها بتحبك لان الحب استحاله اى حد يقدر يخبيه وهى اكيد مادام انت بتحبها كده يبقى هى حاسة ولو بتحبك يبقى اكيد هتحاول توصلك الحب دا
ومن الواضح انك انسان خجول ومش قادر توصلها حبك دا انت ممكن تخلى اى واحدة صاحبتها مثلا تقولها لو هى كانت بتحبك او لا؟ وربنا يوفقك يااااااااااااااااااااارب |
|
مساء الخير لكم جميعا
انا بشكر كل من اهتم برسالتي وتفضل من ذوقه بالرد علي رسالتي الحقيقه انا عملت بافكاركم بس مش كلها يعني مثلا انا مش حقدر اصارحها مباشرا بس انا لمحت بمشاعري نحيتها وده كان عن طريق موقف هزار انا عملته الحقيقه انا لاقيت منها رد بنفس الموقف ومتكرر علي اساس انا هزرت معاها اوي وهي استغربت ومحدش يفهمني خلط الموقف كان عباره عن كان يوم صبح وانا وهي قاعدين في الشغل كالعاده وعادي انا اشتريت 2 عصير فهي اخدت العصير بتاعها فأنا قولتلها انتي بتعملي ايه انتي استأذنتي قالتلي انت بتتكلم جد قولتلها ايوه اول مالاقيتها حتتغير في ساعتها قولتلها انا بهزر مش اكتر وطبعا ماسيبتهاش الا ماشربت العصير وهي علي فكره قبلت الموضوع جدا علي انه هزار وضحكت والموقف عدي جميل هي اشتكت لبنت عمي علي سبيل الهزار بنت عمي طبعا مش مسدأه وسألتني قولتلها ايوه حصل قالتلي طيب ازاي قولتلها انا لما احب حد جدا اهزر معاه اوي وطبعا هي قاعده وسامعه كلامي وزاي ما انا وضحت في اول الكلام انها عملت معايا نفس الموقف وبتكرار انا عملت حاجه كمان قولت لبنت عمي تكلمها اذا هي كانت مرتبطه عاطفيا علي اساس يبقي كلام بنهم وبين بعض فالرد كان ايوه وفي بنهم كلام طبعا انا حيرتي ذادت اكتر وحقيقي نفسي ارتاح اولا انا عاوز اعرفكم حاجه صغيره انا حبيت الانسانه دي من قلبي ومش بتمني حاجه ليها غير سعادتها حتي لو كانت السعاده دي ماكانتش معايا لاني حبتها 
|
| مواضيع مشابهة: | ||||
| › ورق جدران 2012 - ورق جدران روعة | ||||
| › علمتني الحياة ان اعيـــــش بقلب طفل وعقل امرأه | ||||
| › تعلمى كيف تعيشى بقلب طفلة وعقل امرأة | ||||
