حتى متى سأظل اذكرك؟

حتى متى سأظل اذكر ضحكتك البريئة؟

بسمتك الرقيقة؟

صوتك العذب الذى يتدفق داخل شرايينى

فتتردد اصداؤه النغومة فى دهاليز اوردتى

وتتجمع مع حبك فى قلبى

وتذوب مع عشقك فى كل كيانى

وتمتزج مع كلماتك التى تسكن فى اذنى


هل ساستطيع ان انساك؟

هل سأقوى ان اهدم البيت الذى بنيته امنام عينيك؟

هل سأطيق ان افعل ما عجز سحر عينيك عن فعله؟

هل سينسى قلبى السنين التى قضاها فى نوافذه؟

هل سيواصل الدق اذا اغلقتيها؟

هل ستزول من ذاكرتى تلك اللوحة التى عشقتها

حينما كنت انظر من على سطحه الى السماء وقد توارى معظمها خلف رموشك؟


اتريدين ان انساكى؟

اترغبين فى ان اكف عن حبك؟

اتودين الا اشتاق لرؤيتك؟


اذن فلا تشفقى على اوراقى

من دموع قلمى التى ستنهمر عليها بعد فراقك

ولتقبلى ان امنحك بقيه عمرى

لتعيشى به من بعدى .............

ـــــــــــــــ . الزيان

الله جميلة يازيان ايه الروعة دى احساسها عالى جدا بجد روعة
مش قولتلك هسميك الشاعر الرومانسى ذو الاحساس الدافىء ده لقبك انت رائع
والمرة ديه انا فهت قصيدتك صح الحمد لله عجبنى فيها اوى بسمتك الرقيقة وصوتك العذب وصفك حلو اوى
وعجنى التساؤل لنفسك وليها داخل نفسك
مافيش اجمل من كدة
ولتقبلى ان امنحك بقية عمرى لتعيشى به من بعدى ده ايه الكرم ده انا فهمتها بمعنين انك تمنحها بقية عمرك عشان تعيش بيه والمعنى التانى انك تمنحها عمرك وبعد عمراً طويل تعيش عمرها على ذكرى عمرك لقدر الله
جميلة وفيها كذا معنى والف بعد الشر عليك وربنا يديك طولة العمر والصحة ويختملك بالعمل الصالح ان شاء الله
هايل يازيان
وتوقيعك مالوش حل انت اللى كاتبه
اختصرت الحياه والموت فى جملة لتؤكد ان الانسان مجرد كلمة
ميررررررررررررررررررسى

من كتر فرحتى بردك

مش عارف اقول لك ايه

ده كلامى بيبقى احلى

لما انتى بتوصفيه

بتضيفى عليه معانى

أصلا ما كانتش فيه



بشكرك بجد يا نادية وكان نفسى احط مشاركات اكتر من كده

بس للاسف عندى امتحانات اليومين دول

دعواتك معانا بقى

وعلى فكرة التوقيع مش انا اللى كاتبه

انا لقيته فى صورة كاركاتورية معبرة فى فى جريده

بس انا اللى حطيت له العنوان (ملخص الحياة)

عشان هو فعلا بيلخص الحياة فى سطرين

بس اكتر حاجة عجبتنى فيه دلالة التناقض اللى فيه

لما الطفل بيعيط الناس بيزأططوا

ولما يبتسم ويروح الناس بيعيطوا

عارفة التناقض ده بيدل على ايه؟

انا مش عارفة لكن هخمن
لأن الدنيا فيها الخير وفيها الشر وفيها الحياة كدة شد وجذب حب وبعد . قرب وكره
هو ده حال الدنيا شقى وسعيد . جنة ونار علشان كدة موت وحياة . وفرح وحزن
هو ده تخمينى ده غير ان التناقض بيدل على الاختلاف والاختلاف هو اللى بيدى للدنيا طعم
انا هو ده تخمينى وحاسة انك هتدينى صفر او هتقوللى زى لعبة جورج قرداحى غلط غلط غلط غلط
قول يافيلسوف ايه الاجابة
بس انا مؤمنة ان لكل انسان فلسفته فى الحياه وبابا دايماً يقولى افكارك غلط وفلسفتك فى الحياه غلط
يعنى مثلاً بيقولوا ان الحب مالوش مضاد ولكن بيقابل الكره ومش فاكرة مين اللى قال كده عارفاه بس مش مجمعة اسمه دلوقتى
بس انا بقول ان الحب هو كلمة مالهاش مضاد ولا مقابل وانها الكلمة اللى جمعت كل معنى فى معنى
يعنى انا بحب لانى بحب ان احب
انا بكره لانى بحب الكره
اناكداب عشان بحب الكدب
فرأيى ان الحب جمعت المعانى الحلوة والوحشة
وبتسبق كل كلمة لكن مش بتتقال لكن معناها موجود
انا بكره . بنقولها على طول لكن هى انا بحب اكره
انا بحب 0 بنقولها على طول لكن هى انا بحب انى احب
كلمة جمعت كل معنى فى معنى وموجوده فى كل كلمة
قوللى رأيك وحاسة انك هتقوللى زى بابا
ميرررررررررررررسى

لأ خالص مش صفر ولا حاجة

التناقض دلالته ان الانسان من اول ما يتولد لحد ما يموت

غريب : لما يضحك الناس يعيطوا ولما يعيط الناس يضحكوا

أو انا شايفها كده

وطبعا انتى عارفة ان ده موضوع فلسفى يعنى يسع جميع الاراء

وما فيش احتمال ان رأى يكون غلط ورأى تانى يكون صح

جميع الاراء صحيحة من وجهة نظر مؤيديها

مش عايز اطول عليكى المهم ان انتى رايك عجبنى

وفلسفتك فى كنه الحب مقنعة جدا

وانا زعلان من باباكى عشان بيقولك ان فلسفتك غلط وافكارك فى الحياة غلط

لأ إلا بابا ده حبيب قلبى وهو اللى علمنى كل حاجة فى الدنيا وهو اللى علمنى فن الحوار وحرية الرأى وانا بكتب شعر لأنى تلميذته بابا هو استاذى وهو اللى علمنى المصطلحات وكل حاجة حلوة
ولو بيقولى كدة انا عارفة بيقول كدة ليه علشان بيحبنى وبيخاف عليا بابا ده لو دبحنى هموت وانا بقوله بحبك
ههههههههه اوعى تتفزع من كلامى وتفكر انى زعلت انا بس بقولك ان بابا ده اهم راجل فى حياتى وبحبه جداً
ولو قلت كدة تانى والنعمه لا اروح اقول بابا
ههههههههههههه
ميرسى زيان انك ما ادتنيش صفر والحمد لله ان فلسفتى عجبتك وماقولتليش زى بابا هههههه
ثااااااااااااااااااااااااااااانكس
وميرسى على البنت لانى بجد بعشق البنت دى من السنة اللى فاتت ويارب يحررهم ويحررنامن صمتنا
شكرااااااااااااااااااا

والله انا حاسس ان باباكى بيدخل على المنتدى ده

على العموم انا بعتذر لك لو كنتى زعلتى

والف شكر على ردك

الزيان

لا ماتخافش مالوش فى النت
وانا طبعاً عمرى ماازعل منك
ميرررررررررررررررررررسى

واو
بجد يا استاذ زيان مش هقول كلامك معبر ولكن احساس صادق جدا وجميل

تسلم يا

HoBa

ويشرفنى مرورك دائما

كلامك جميل ـحساسك مرهف

اتريدين ان انساكى؟

اترغبين فى ان اكف عن حبك؟

اتودين الا اشتاق لرؤيتك؟


اذن فلا تشفقى على اوراقى

من دموع قلمى التى ستنهمر عليها بعد فراقك


تعبير أكثر من رائع

انا

فرحان ....... ان الموضوع عجيك

سعيد ........... بمرورك

متشرف .......بتعليقك