ياخلق ... قصيدة بالعامية المصرية من قلم : سامى النويهى
يـــــــــاخلق زمن العوج تعبتوا أعصابى
عياركوا ليـــــه ازدوج وجه على حسابى
الظــــــــــــالم اللى افترى واحتل أعتابى
يبقـى الضحيه وأنا فى نظركـــوا ارهابى
يــــــاخلق زمن الفشل مش قادر افهمكوا
كلامكـــــوا زى العسل والعكس أفعالكوا
وايــــــــــــه يفيد الجدل فى خلق أمثالكوا
فقــــــدت فيكوا الأمل وحتى فى عيالكوا
يـاخلق زمن النفاق دى سياسه مرفوضه
دا كــأن بينكوا اتفاق يبقى النفاق موضه
أمـــريكا أس البلاء نوايـــــاها محفوضه
مـين جاى بعد العراق فى سنينكم السودا
يـــاخلق زمن العبر أنا أرضى مش للبيع
يـــــابتوع حقوق البشر أنا حقى سد منيع

والنصر جاى ف ولد أو طفل لسه رضيع
و مهما طال الأمد القدس مش ح تضيع

حقاً سنينهم سودا . . . والسواد جاي أكتر علي دماغهم ودماغ أولادهم إن شاء الله . . . والسواد الأكبر في نار جهنم إن شاء الله . . . ((يوم تبيض وجوه وتسود وجوه))
شكراً أخي الكريم علي القصيده . . .
تحياتي . . .

شكرا لك على مرورك يا اخي العزيز