كل اللى أعرفه إتجوز بيبقى شخص تاني ذو أطوار غريبة .. والأغرب إن بيزعل الناس منه مش عارف ليه كدة؟؟؟
وكنت عارف لفترة قريبة بس إنه الجواز بيأثر فالبني آدم مننا بعد فترة ولتكن بعد شهر العسل حتى أو السنة الأولى .. لكن اللى مش مصدقة وشوفته بعينى .. إن كان في واحد شكله ظريف وكان عايش حياته سعيد وبيعرف دي ويسيب دي ومقضيها عالنصية .. وعلى طول بشوفه شكله مهندم كدة وشايف نفسه و فى إبتسامة فى وشه
... ومن أسبوعين بضبط حصل اللي حصل واتجوز وكان فى قمة السعادة فى الفرح وزي الفل .. لسة شايفه بقى امبارح وبباركله كدة وانا مبتسم قالي الله يبارك فيك وودي وشه النحية التانية وزي مايكون قولتله أو فكرته بحاجة وحشة ؟؟ أما بقى شكله فا هو إسود شويه مع إنه أمحاوي .. وذقنه محلقهاش من ليلة الدخلة وشكلها شبه الارض الزراعية المحروقة .. والغريب إنه طلعله كرش بسرعة رهيبة .. ياسبحان الله
هم بيعملوا فينا إيه ؟؟ وبقى عمرنا الإفتراضي قصير كدة ليه ؟؟
يارب إسترها معايا ولكل القارئين .. واجعلنا نقضي فترة الجواز سالمين .. وآخر دعوانا أن الحمد لله رب العالمين..
بس ياجماعا لآزم نتجوز بردوا دا سنة الحياة وتكملة للدين .. اللي يحس إنه خلاص كدة زهق يروح يتجوز وربنا معاه ويتممله بخير .. ثم رقودُ بسلام...
والسلام عليكم ورحمة الله وبركاته
