السلام عليكم ورحمه الله وبركاته
من الواضح من عنوان المقال اننى اضعك ايها الرجل فى اجمل خيار فى حياتك وهو نصفك الاخر وانا قصدت هذا الاسم ولم اختار شريكه حياتك لان هناك شركاء كثير ما نراهم فى حياتنا اما من الصعب ان يكون احد نصفك الاخر الذى لا تسطيع ان تعيش بدونه لا يستحق هذا اللقب الا زوجتك حبيبه العمر التى لا يمكن ان تغيب عن فكرك ولو لحظه ولا احد يستطيع الفراق بينكم الا الموت كل هذا كلام جميل يتمناه كل شاب او رجل مهما كان عمره او صفته ولكن يوجد هنا السوال الاهم وهو يطرح نفسه كيف يتحقق ذلك ! هذا هو موضعنا اليوم ما الوسيله التى من خلالها اختار نصفى الاخر ومن خلالها يحدث كل ما اتمناه يجب على كل شاب اولا ان يختار الاختيار الصح وهذا طبيعى فى اى شى يخوضه الانسان يجب اولا الاختيار السليم الذى يناسب ميوله ورغباته ويجعله سعيد فى حياته ولكن فى مجتمعنا الحالى اصبح اختيار النصف الاخر قضيه قوميه وكارثه واكبر دليل على ذلك كثره الخيانه وانتشار ظاهره الطلاق والان يجب ان نعرف الخيارات التى يتداولها الشباب الان مع الوعى اننا بعد اخد الاراء سنقوم بتحليلها وايجاد الحل
الراى الاول ان يقول الشاب انا طبعا اختار الفتاه الملتزمه التى تصون شرفى وتربى اولادى وحتى لما اقلها على اى حاجه مش هتمنعنى ويبقى حتى رضيت ربنا
الراى الثانى يقول الشاب انا طبعا هختار الى احبها وانا لا اعرف غير الحب وبدونه لا توجد حياه وبهذا الاختيار مش ممكن هنفترق ابدا
الراى الثالث يقول الشاب انا طبعا هختار البنت الاستايل الى فعلا تعيشنى حياتى والى حتى لما امشى معاها الكل يقول عرف يختار فعلا ويقولو عليه انى جامد وهتنفعنا فى مصالح انتوا فاهمين
الراى الرابع يقول الشاب انا طبعا هختار الى تناسب مستوايا الفكرى لانى اذا حدث تساوى فكرى مش هنختلف ابدا لانى فى نضج بيننا
الراى الخامس يقول الشاب انا طبعا هختار الى تناسب مستوايا المالى او مركزى الاجتماعى او يكون الشاب فقير فيختار الغنيه لكى يرى بمالها الدنيا الى يتمناها ويبقى مع الناس العائشه من وجهه نظره
الراى السادس يقول الشاب انا هختار المراه الخبره سواء متزوجه او ارمله وهذه القصه الى فى الطريق المسدود

الراى السابع زواج المصلحه بكل انواعها
الراى الثامن يقول الشاب افضل زواج الاقارب لاننا هنكون عارفين بعض جيدا وعلى ايه نخرج ندور بره
الراى التاسع يقول الشاب وانا ليه اختار انا مش ضامن اختيارى انا اشوف حد اعرفه عنده اخته او حد كويس عنده واتزوجها وخلاص
والان مع تحليل هذه الاراء من يقول اختيار الملتزمه طبعا انت صح ولكن انت فعلا ملتزم وتحب زوجتك والالتزام ولكن هى لام اولادك فقط وانت تفعل ما تشاء انت كنت بتظلما ولا تستحقها اما الاختيار الثانى من يختار الحب انت صح جدا ولكن يوجد قيم معينه لاختيار الزوجه مش تكون بتحبها وهى مليئه بالعيوب او لا تصلح زوجه اساسا وتظلم اولادك فى المستقبل وانت هتظلم بعد كده الاختيار الثالث يا من تريد البنت الاستايل والله ستندم لانى الجمال والاستايل لا يدوم انت هتحتجها يومين ثم هتدور على واحده تانيه بعد كده اما الخيار الرابع فطبعا كلامك صح ولكن الزواج ليس فكر بس لازم يكون فى تقبل اما الخيار الخامس فالمال مش كل شى ومش هتستمر فى علاقتك اما الخيار السادس فاقلك مش لازم الخبره تكون كبيره فى السن او ارمله او متزوجه ممكن تكون فتاه فى سنك وخبره اما الخيار السابع زواج المصلحه مستحيل يدوم لانى لما تخلص المصلحه بتخلص العلاقه اما الخيار الثامن مش لازم اقاربك هو الزواج السليم ممكن تلاقى بالخارج افضل اما الخيار الاخير فانا اراه الخيار السلبى وانصحك بعدم السلبيه وممكن تكون فتاه ملتزمه فعلا ولكن لا تحبها واخيرا اتمنى ان نكون وضحنا اول اسباب الطلاق وهى الاختيار ونحن فى سلسله للزواج بكل انواعه واسباب الطلاق وغيرها من القضايا وانتظروا المقال القادم عن اسباب الطلاق وحل تلك القضيه الخطيره واتمنى من احبائى ايه خيارتكم فى نصفك الاخر

ايه يا جماعه هى الثقه فى الزواج انعدمت للدرجه دى