|
العضو الكريم روميو
يرسل لي برساله مخالفه علي اساس اني اخالف شروط واحكام المنتدي وهذا هو الرابط الذي ادعي به اني اخالف شروط المنتدي http://100fm6.com/vb/showthread.php?p=49229 
يا أستاذ روميو حاول ان تجعل من نفسك مدير ناجح ياجماعه لو سمحتوا اي حد يشوف غلط في الرابط ده يقول |
|
يا اخ راغب انت كل مشاركاتك في المنتدى فيها استهزاء بالأعضاء اللي قدامك
وانا حاولت معاك مرارا وتكرارا عشان تغير اسلوبك ده ويكون الكلام باحترام اكتر من كده لان فيه أعضاء اشتكوا من معاملتك ومش كل الاعضاء هيقبلوا هزارك واستهزائك بيهم وانا من واجبي اني أعدل من الاخطاء الموجوده بالمنتدى |
|
وانا مش شايف كده
ولا حد من العضاء شاف كده ومتقولش اي كلام وخلاص وببراعتك انت جبت رابط لبعض من الاستهذاء الذي تتحدث عنه ههههههه لاو واضح اني بستهزء بالاعضاء وانا حاولت معاك مرارا وتكرارا عشان تغير اسلوبك ده ويكون الكلام باحترام اكتر من كده يعني ايه بقي الكلام ده اني مش محترم لا بجد شكرا لا بجد مدير قوي وناجح بس في مشكله صغيرة انك مش عارف الكلام اللي بتقوله ده لميين لان فيه أعضاء اشتكوا من معاملتك العضو الذي اشتكي من معاملاتي ياريت تخليه يكتب الكلام ده بنفسو ده يعني لو سعاتك صادق في كلامك؟ وربنا يهدي الجميع |
|
انا بتصرف بحكم واجبي يا أستاذ راغب
وأظن اني اتكلمت معاك برضه بكل احترام وبدون تجريح ابدا |
|
واجبك اللي هو ايه بالظبط لو سمحت
علشان ابقي فاهم |
|
واجبي هنا هو الاداره يا راغب وانا بعت رساله خاصه قبل كده بيني وبينك عشان الفت نظرك وانت اللي كبرتها
|
|
لا
اللي انت مخدتش بالك منو انك لما تفتح الملف الشخصي بتاعي هاتلاقي مخالفات موجوده بسبب عبارات غير لائقه لو هي متهمكش تهمني انا وانا مش هاسيب الموضوع ده يمر مرور الكرام لان الحق في صفي |
|
لما كل هذه الغوغاء اخ راغب هذا اجراء روتينى يتخذه اى مراقب وخصوصا اذا كان مدير عام مثل روميو لو انك لم تخطا او لم يشتكى له احد لما وجه لك انذار هذا اولا ثانيا الانذار كان بينه وبينك وبدون تدخل من احد فلما هذا الضجيج اذا ثالثا لو احمد اخطا في كلامه كان ممكن تكلمه بهدوء وتفهمه او على الاقل تقوله انك مش هتكلم بهزار مع احد مره اخرى وهتتعامل بحدود وهذا ما يطلبه هو اصلا رابعا والاهم ان الى اشتكو بنات انت بتغلط فيهم بدون ذكر اسماء سيد راغب كل ما تتمناه الاداره منك ان تتكلم في حدود مع الاعضاء ولن يحاسبك احد على فعل لم ترتكبه خالص تحياتى ليك سيد راغب |
|
يعني ايه الكلام ده
يعني انا غلطان ياجماعه لو انا غلطان حد يقولي الغلط جاي منين بالظبط والرابط اللي هو حاطو ده فيين الخطا فيه والمخالفه اللي موجوده في ملفي الشخصي ديه لازم تتشال |
|
يا راغب الرابط ده جزء من كتير
انا مقصدتش الرابط ده بعينه وحاول تنسي اللي فات وتظبط من مشاركاتكك في المستقبل ومتزعلش يا راغب بس المنتدى ليه شروط وانت وافقت عليها وانت بتسجل |
|
كل المطلوب انك تحسن كلامك مع البنات ليس الا
لان في منهم ناس بتضايق من الهزار فمنعا للمشاكل حدد هزار مع اصحابك بس |
|
يعني ايه الرابط ده جزء من كتير
انا عاوزك توريني الكلام ده وانا هافضل كده طلو عمري لاني مش بغلط في حد وهازعل طبعا لانك استخدمت سلطتك في انك ترسل لي مخالفه وانا غير موافق عليها |
|
اخ راغب روميو
بصراحه مش عاجبني كلامكم انتم الاتنين لان بصراحه دي مش طرقه نقاش اتنين بقعدوا يتكلموا مع بعض اكتر ما بيتكلموا مع اخواتهم في البيت راغب اسمحلي روميو اتكلم سيبك من حوار بقا مدير ومراقب ومشرف الشكليات دي لانها بصراحه ملهاش اي لازمه علي الاقل بينا بأختصار يا راغب روميو ملاحظ ان ردودك غير متوقعه حبتين ودي حقيقه علي فكره ويمكن في ناس زعلت من هزارك معاهم وبان ده في كلامهم سيبك من مين الي اشتكي ومين الي بعت بس المهم انه بان عليهم انهم ادايقوا او روميو لاحظ كده واكيد هو مش لاحظه من فراغ هو كل الي قصده انك تاخد بالك مع مين بتهزر يعني مينفعش انك تهزر مع حد مش قابل هزارك وافتكر انك مش من نوعيه الناس الي بتستجهل الموضوع ده فهو كان حابب يقولك علشان متتعرضش لاحراج لو جيه وقت وهزرت مع الشخص الي اضايقك من كلامك ده تاني لكن الموضوع مش موضوع سلطه ومشرف والحورات دي وبصراحه روميو من خلال الي عرفته عنه انه مش من الناس الي بتستغل مكانتها وبعدين يا جدع ده انا سبتكم من يومين سمن علي عسل حتي مش عارف انت قلتيلي في لعبه اختار العضو المناسب كلمه عجيبه كده وسألت روميو علي معناها حتي ههههههههههههه احنا اكبر من كده يا راغب وبيتهيقلي اننا عدينا مرحله اننا نزعل من بعض علي الاقل بدون سبب كافي ارجع واقلك ده روميو ( روميو المنتدي ) ده كل الناس بتحبه في المنتدي يا عم حتي انا وانت سيبك من الكلام الفاضي والزعل من بعض يارب متكونش مستتقل كلامي بس انا عارف انك شخص كويس واكيد مش غلطان ومتأكد ان روميو شخص كويس برضه ومش بيستغل انه في طاقم الاداره ولا حاجه هو كان حابب يقولك حاجه بس انت فهمت طريقته غلط بس ااكدلك ان نوياه حسنه |
|
يا جماعة انا شايف ان الموضوع مش مستاهل ابدا
دي مخالفة وملهاش اي تاثير الا اذا اتكررت ارجو منكم انكم تتصالحوا |
|
ياراغب ممكن الموضوع يكون بهدوء شويه
دلوقتى احنا كلنا اصحاب فى المنتدى بس كل واحد فى مكان يعنى منعرفش اذا كنت انت بتهزر فى كلامك ولا لاء يعنى انت قبل كده قلت عليه رخمه بس انا محولتش انى اكبر الموضوع او حتى ارد عليك وانا مش زعلانه ولا حاجه انا بس بدى مثال ان ممكن حد تانى ميقبلش الهزار ده معنى كلامى ده ان اكيد فى اعضاء يبديقوا من طريقه كلامك وفى اعضاء بياخدوها هزار وانا اعرف ان روميو قالك قبل كده فى رساله خاصه يعنى اتصرف باسلوب كويس وكل كلامه معاك بطريقه كويسه ومفيهاش اى تجريح ليك انت كمان مش حد وحش او انك بتغلط كتير كل الموضوع بس ان روميو طلب منك انك تحاول تغير من طريقه كلامك شويه او طريقه هزارك لانه مش عاوز اى عضو يحاول يزعل منك او ياخد منك اى موقف فعلا ممكن يكون فى عضو مش قابل الهزار ده لانه ميعرفش انت بتهزر ولا لاء ياريت ياراغب تتقبل كلامنا بصدر رحب لاننا كلنا اصحاب ومينفعش نستغنى عن اى حد فى المنتدى واظن بقى الموضوع ميكبرش عن كده لان انتو اتنين صحاب فى المنتدى ومينفعش الاصحاب يزعلو من بعض |
|
وانا مع سلمي في كل كلامها
ياريت ياراغب تتقبل كلامنا بصدر رحب لاننا كلنا اصحاب ومينفعش نستغنى عن اى حد فى المنتدى واظن بقى الموضوع ميكبرش عن كده لان انتو اتنين صحاب فى المنتدى ومينفعش الاصحاب يزعلو من بعض |
|
مفيش زعل يا جماعه ولا حاجه احنا زملاء في منتدى واحد
والموضوع ميستاهلش كل الضجه دي وان شاء الله راغب هيتقبل الكلام بصدر رحب وعلى فكره يا محمد انا عمري ما استخدمت السلطه ضد اي حد لان ده مش من طبعي وانا بحبكم جدا زي ما بتحبوني واكتر شويه واتمنى ان المشاكل تنتهي لان مفيش مشاكل اصلا |
| مواضيع مشابهة: | ||||
| › اجمل وارق ديكورات غرف نوم للبنات_ديكورات لغرف البنوتات راقية2013_اجمل واروع ديكورات لغرف البنات 2013/ 2014 | ||||
| › جولييت بينوش: كنت أعرف أن مصر عظيمة ولكني لم أكن أعرف أنها بكل هذه العظمة | ||||
