جسمي بيقشعر وانا بكتب الموضوع دا بس قولت اكتبه علشان خاطر الناس فاكرة اني مبعرفش اكتب جد !!
مع ان البشر كلهم فيهم كل المؤشرات النفسية والتكوينية نفسها بس في مؤشر بيغلب على مؤشر
يعني مثلا فلان شجاع علشان مؤشر الشجاعة غالب مؤشر الجبن وفلان بيحب الهزار علشان مؤشر الهزار غالب على مؤشر الجدية وهكذا لكن في الاخر المؤشرات كلها في كل البشر والسمات الشخصية هي الي بتحكم وقد تتغير مع الوقت
المهم نيجي لموضعنا وهو اخبار الحوادث
قبل اي حاجة شرعا اشاعة اخبار الحوادث بين الناس حرام
اخبار الحوادث من اسرع الطرق لتدمير المجتمع حيث انها توحي بتفشي الفساد والسوء على الرغم من ان اخبار الحوادث تعرض حادثة قد تكون عارضة و تكون هذه الحادثة في اسرة من وسط ملاييين الاسر
ولكن كما يقال
" العين ترى مناظر كثيرة ولكن الذاكرة تبقى على المناظر المثيرة " مناظر ياد متفهمش غلط اقصد يعني كل حاجة عينك بتقع عليها
واخبار الحوادث نفس القضية
انت عايش في وسط اسرتك واهلك وشارعك ومعارفك ومنطقتك هاتلي من دول واحدة قتلت جوزها وقطعته او واحد اغتصب مش عارف مين او شاب قتل امه والهلفطة الي بنسمعها في اخبار الحوادث
وطبعا لما بتقرأ الكلام دا بتحس انك بقيت في غابة ومع الوقت تصرفاتك بتبقى حذرة اكتر ومتربصة اكتر مما يعكس عليك سلبيات انت في غنى عنها
ثانيا
اخبار الحوادث بتجرأ المجرمين على القيام بجرائمهم اكتر لانهم بيشوفوا انهم مبقوش لوحدهم الي بيعملوا الجرايم دي
مش محتاجة شرح
ثالثا
اخبار الحوادث بتعلم الناس ازاي يبقوا مجرمين مش كدا بس احيانا بتعرض القضية وبتعرض الغلطة الي عملها المجرم الي خلاه يتكشف يعني باختصار بتعلم الناس الجريمة الكاملة
وسلبيات كتير جدا لاخبار الحوادث ولكن اختصرت قدر المستطاع
كيموتوب
ولا تزعل يا عم اسكوربيون