انا عاوزه اسال سؤال لكل بنت ايه اكتر حاجه ممكن تضيقك في الولد الي انتي بتحبيه

فين البنات انا عاوزه اسمع رايهم في السوال و ايه الي بيضيقهم يلا ردو

اشمعنا البنات ع اساس انهم مفروض يقررو اه مش كويس في الولد ودي مش من حق الولد ....وان البنات مفهمش عيوب???

ممكن بردوا تقول رايك بس انا بقول البنات علي اساس ان الولد بيقدر يغير كتير في البنت و ممكن البنت تكون مش عارفه تغير حاجه مضيقها في الولد

بصراحه مش عارفه بس يمكن اكتر حاجه تضايق فى الولد حبه للسيطرة يعنى حبه ان انتى اللى تسألى قبله وانه يشوفك مهتمه بيه اكتر وانك كل شويه تسألى عليه وده طبعا مش وحش بالعكس الولد عموما بيحب اهتمام اللى بيحبها بس بيبقى برده لحدود يعنى يكون مقدار الاهتمام متساوى وده مش موجود ف كتيييييييييير من الولاد

شوفوا بقى الغيرة وبعدين الموضوع للبنات كل حاجه لازم تدخلوا فيه زى البقدونس يله هنعمل ايه
شوفى اكتر حاجه انه يكون مستهتر ومش متحمل المسئولية وابن ماما كلنا بنحب امهاتنا بس انه يكون معنوش شخصية دى حاجة بضايق وموجودة كتير قوى وانه يكون مش متفاهم واهم حاجه انه ميهتمش بيكى او بمشاعرك
ومش بيحترمك او بياخدك على قد عقلك دى كلها حاجات تضايق وممكن تحول الحب لكره
شكرا على الموضوع

لو علي السيطره البنت هي ممكن تدي فرصه للولد يتحكم فيها وهي ممكن تحطله حد في تحكمه .....وبالنسبه للتغير لو الولد بيحب البنت بجد اكيد هيتغير علشانها مش شرط ان بنت بس تتغير....واكتر حاجه كل رجاله بتكرهها هي الست الرغايه وللاسف دي حاجه موجوده في معظم الستات

واللهى طبعا لا
انتم اللى بتعملوا على راى اللى بيقولوا بيتمسكنوا لحد ما يتمكنوا وشايف كلامها ليك ال رغى وانت اصلا لما بتكون امتلكتها مش بتكون عاوز تسمعها
وبعدين هى ليها مين غيرك تكلمه
انت مش شريك حياتها اسمعها حتخسر ايه
والا تسمع لصاحبتك فى الشغل بالساعات وتيجى على مراتك والا تبقى رغايه
اانتم يا رجاله مممممممممممممممممممم يالا والا بلاش كفايه لحد كده

طب وانتي ليه بتسمعيلو عشان ضعيفه ولاستات شخصيتهم ضعيقه.....وعكس كلامك خالص انا لوقعدت سنين اسمع لخطيبتي عمري ماهزهق بس انا قلت بصفه عامه ان ستات رغايين عامه بيحبو يكلمو ع فاضي ومليان لسنهم مبيقفش ودي حاجه موجوده في كل ستات بس فيه ستات تكلم كتير بس كلمها مفيد ومسلي وبالعكس فيه ستات يالهوي فظاع بس في حالتين رغايين ورغي بيتوقف ع شخصيه ست وبعدين انا كنت بقول بصفه عامه بصفه عامه دي حاجه موجوده في كل ستات من قديم الازل

ميرسي جدا للبنات و الولاد علي الردودو الحلوه ديه
عاوزه اقول لياسمين و كوكي انتوا دمكم زي السكر بجد انبسط من الرد بتاعكم
كوكا بجد ردك دبلوماسي و تحفه
سيكو سيكو انا بجد مبسوطه انك عندك شجاعه و عارف ترد علي البنات


و انتظروا المزيد

اصلي مش بحب التفرقه العنصريه وكمان موضوع كويس

انا بقى مفيش ولا حاجة بتدايقنى فى خطيبى

وبحب كل حاجة فية حتى وهو عصبى

اللى بيبحب حد بتهيالى بيشوف كل حاجة فية حلوة

انا محبش الرغى
لا للولد ولا للبنت
والحوارات التافهه
زى انتا كلت ايه انهرده
ويفضلوا يحكوا ف الاكل

حاجه رخمه

ههههههههههههههههه
اسف دى وجهة نظرى المحدوده

شكرا على الموضوع الرائع

متشكر يانور بس هو بيدلع عليكي شويه مش انتي الحضن الحنين بتاعه زي خطيبتي حنيتها بتخليني اندم وأتاسف بسرعه

ميرسي لردكم و اراكم علي الموضوع و بجد بستفاد من الردواد ديه و اتمني انكم كمان تكون استفادته من موضوعي

انا بجد عندى مشكله ونفسى فى صديق او صديقه انه يساعدنى انا عصبى المزاج وبحب انسانه لاكن فى مشكله الانسانه دى انا غير واصق لافعالها لانهاعلى علاقه صداقه معا بنت صحبتها اخوتها اكتشفو انها غير محترمه وبدليل واضح جدا ومنعهوها من التعامل وعرفت منها انها على صله بها من ورا اهلاهاوانا خايف انها تعمل معايه نفس الوضع او انها تكون من طبعها الخيانه والف الف الف شكر لمن يساعدنى فى الشك المالينى معلومه دى كانت متزوجه واكبر منى بخمس سنين لاكنى انا اليخترها واناجطبتها لشدت حبى بها لانى كنت بحبها طولعمرى

انا بجد عندى مشكله ونفسى فى صديق او صديقه انه يساعدنى انا عصبى المزاج وبحب انسانه لاكن فى مشكله الانسانه دى انا غير واصق لافعالها لانهاعلى علاقه صداقه معا بنت صحبتها اخوتها اكتشفو انها غير محترمه وبدليل واضح جدا ومنعهوها من التعامل وعرفت منها انها على صله بها من ورا اهلاهاوانا خايف انها تعمل معايه نفس الوضع او انها تكون من طبعها الخيانه والف الف الف شكر لمن يساعدنى فى الشك المالينى معلومه دى كانت متزوجه واكبر منى بخمس سنين لاكنى انا اليخترها واناجطبتها لشدت حبى بها لانى كنت بحبها طولعمرى

السلام عليكم
يشرفني ان اكون صديقه ليك و اقول راي في موضوعك
لازم تتاكد كويس قوي من الانسانه ديه و ده مش عيب انك تتاكد
لان ده جواز و تعرف بردوا اسباب انفصالها من زوجها الاول و ليه لما هي عرفه ان صديقتها مش كويسه لسه بتكلمها

لازم تتاكد من كل الحاجات ديه و بعد كده تفكر في الارتباط بيها

و خد بالك من فرق السن
هو مش عيب

بس ايه الاسباب الي تخليها ترتبط بواحد اصغر منها اعرفها كويس
و تاكد انها بتحبك و يا ريت اعرف انت عملت ايه

انا اكتر حاجه بتضايقنى في الراجل حب السيطره


يعنى كل حاجه يقولي انا راجل لكن انتي بنت


الكلمه دي قد ايه بتنرفزني

اصل مفيش حاجه اسمها راجل وست في الغلط

الغلط غلط علي الراجل والست


كمان الغيره لما بتكون زياده بتخنق اوى


ميرسي علي التوبيك الهااااااااايل

اكتر حاجه بتضايق البنت الغيره الزايده عن اللزوم لانها ساعتها بتتحول لشك ولما الشك يدخل بين اتنين اكيد علاقتهم هتنهار.دى حاجه.الحاجه التانيه الكدب والخيانه.يتهيالى اكتر حاجتين ممكن يجرحوا قلب البنت.وكمان لماياخد البنت على اد عقلها مثلا لماتقوله متشربش سجاير ويقولك حاضر ياحبى وانتوا بتتكلموا ف الموبايل وفجاه تقابليه بالصدفه وانتوا ع الموبايل وتلاقيه بيشرب.وخدوا من ده كتير.وف الاخر صدقونى مبقاش فى اصلا حب زى زمان.كلنا اتغيرنا.زمان الواد يحب البنت يروح لاهلها.دلوقتى يفضل يقابلها بره بحجه انه بيكون نفسه وهيتقدم وف الاخر يهرب.

الغيرة العمياء طبعا المبالغ فيها اوى اوىميرسى على التوبيك

انا بقى اللى ممكن يضايقنى هى الغيرة زايدة عن اللزوم علشان بتخنق جامدة وكمان لو معدوش شخصية

الانانيه، و يسمع للناس

هو الموضوع مهم اوي هو من وجهة نظري الي يحب حد عمره مايضايق منه مهما حصل بس هيه كل حاجه زياده عن اللازم بتضايق بس لوحب اوي عمره ماهيضايق

اكثر شى بيضيقنى لو حسيت انو بيكذب عليا سعتها مش بسمحو غير لو قال الحقيقة ولية كذب عليا لو كان ممكن الحاجة دى ممكن تجرحنى بغفرلو

انا اكتر حاجة بدايقنى تكبير الدماغ
ياااااااااااااااة اما عليهم تكبير دماغ
وتاجيل للمواضيع
بجد فظااااااااااااااااااع
داة عيبهم او يمكن العيب فية
لانى متزمتة فى الحتة دى بحب كل حاجة تتعمل
فى معادها دايما بتبدء الوش بينى وبين خطيبى من هنا
بدايق اوى من كلمة غصب عنى الظروف

الموضوع جميل.. بس بجد اكتر حاجة ممكن اكرهها فية انه عينه تكون زايغة دا بجد... انا برفض ناس كتير للسبب ده

اكتر حاجة وحشة فيهم ان معظمهم مش بقدر حب البنت لهم وكمان انانيين اوى

انا اكتر حاجة يتدايق منها الخيانة بعديها عدم الاحترام يعني الزوجة تحترم زوجها وهو ما يحترمها ليش يعني ظلم