طبعا انا عارف ان في ناس دخلت الموضوع وهي ناوية تقطعني والي شمر كمه والي نكشت شعرها وداخلة بقى تتطلع الكبت الي فيها في واحد بيطعن في مشروعية الحجاب
لكن الاول اعرفو انا اقصد انهي حجاب
هل هو حجاب الطهارة الي ورد في القرأن الكريم والي امرنا بيه ربنا والرسول ؟
ولا حجاب الموضة الي امرنا بيه الغرب و هوانا ومحلات الازياء ؟
في فرق كبير جدا فحجاب الطهارة بشروطة الي هي :
لا يصف
لا يشف
غير مزين
وقور وغير ملفت للنظر ولون واحد
ليس للشهرة ( يعني مش ملفوف بشكل معين او باستايل مختلف يبقى معروف )
الخلاصة يعني بتاع البنات الملتزمات المحترمة والي بتحترم نفسها ودينها وحرة مترضاش ان اي حد يشوف جسمها بالعكس دي بتكره دا
اما بقى حجاب الموضة فحدث ولا حرج :
لما كنت ايام الفساد الكبير بقعد مع الاصدقاء وكل همنا التعرف على البنات فكنا بنقسم البنات نوعين
بنت محترمة ودي ملناش دعوة بيها
بنت عايزة تعيش ودي بقى الفريسة الاكيدة
وطبعا اللبس وطريقة الكلام هو المحك الاول
وسيبك من هرتلة الكلام بتاع ( يا عم ياما بنات لابسة حشم او نقاب وهي مش كويسة وياما بنات بتلبس عريان وهي محترمة جدا !!! )
انا معاك ان في بنات مش كويسين بيلبسو نقاب علشان يستترو وراه ولكن حتى لو هي فيها العبر بس ماشية في الشارع مش بتفتن كل الي يشوفها وفسادها مقتصر على حياتها ودي احسن من واحدة محترمة لابسة لبس يخلي الي ما يشتري يتفرج عليها ويتفتن بيها )
الموضة كدا :
الموضة هي المقابل لمعنى البدعة
وتلاقي حجات تحرق الدم بجد زي مثلا
موضة 2010 للمحجبات ؟!!!
ودا بقى تلاقي فيه البناطيل و التي شيرتات البدي و الجاكيت الهاف ولفة الطرحة الملفتة وهلم جر
مش هستفيض كتير بس الخلاصة :
الحجاب فرض و الفروض بناخدها من القرأن والسنة مش من كتب الموضة والمنتديات والمجلات
فلو انتي عايزة ترحمي نفسك وترحمينا معاكي مش هقولك غير " اتقي الله "
وشكرا
كيموتوب
