انتقاد لينا كلنا وانا اولكو بس انتو اكتر الصراحة علشان تجيبو الشلل والملل والكلل والفلل لاي حد يتطلع على تفكيركو !!!
طبعا مش كلكو علشان اكون منصف بس الاكثرية منكو محتاجة تلاحظ بعض الامور والي بتبان في كتابتها
اولا الاخطاء اللغوية والاملائية :
سيبك من اللغوية والنحو والصرف علشان كلنا ضايعيين فيها
نيجي للاملائية والمصايب الي الواحد بيشوفها :
نلاقي الي كاتب لفظ الجلالة كدا بدل
الله : اللة !
والي كاتب
بدل جدا : جدن
ومثلا
بدل اذا : اذن
وبدل ذكي : زكي
وبدل عسل : عثل
وبدل سور الصين : صور الصين
وهلم جر
انت لو كتبت كدا في الامتحان الدكتور ممكن ينقصلك التقدير علشان الاخطاء دي
والمفروض ان المشرف يعدل على الناس دي ويظبط على قد ما يقدر لكن المشرف نفسه تلاقية كاتب بدل منتدى : منتدا ؟!!
نيجي للفكر السائد :
تقريبا 90 بالمية من الموجودين مولعين بالبحث عن الحب والصداقات !! بغض النظر عن هي حلال ولا لأ ولا صح ولا لأ المهم دا السائد ولازم كلنا نعمله وطبعا دا فكر غربي اصيل
مش هقول اني ملاك منزل واني معملتش كدا بس بكلمكو وانا خارج الملعب دلوقت بعد تقييمي لحياتي قبل وبعد و بالعكس لحد دلوقت بعاني من عدم نظافة الماضي بس اهو بنحاول
نيجي للتشويش الفكري :
كلنا بنعاني منه خصوصا مع تعدد اراء العلماء في موضوع الحلال والحرام واه لما تروح تسأل في حاجة هي حلال ولا حرام ويقولك اختلف العلماء والي قال حرام والي قال حلال
طبعا انت بتطلع زي ما دخلت !
ومقولة اختلاف العلماء رحمة دي غلط واترد عليها بهل اذا كان اختلافهم رحمة فهل اتفاقهم نقمة ؟
التناقد الفكري :
تلاقي مثلا بنت كاتبة موضوع عن الحجاب و فوايده وكل حاجة وبعدين في الاخر تلاقي توقيعها لاحد الممثلات العريانة !! او حاطة صورة بنت بشعرها طيب فين المصداقيه هنا ؟
تلاقي مثلا ولد عايش في دور قمة الهرم الادبي والاخلاقي وهوب مع اول انفعال تلاقي اسلوب منحدر والصياعة والبلطجة تطفح على صفحات المنتدى ؟
وتلاقي الي بيكرم ممثل او مغني او مغنية او ممثلة ومتابع حياتها و صورها ويمكن يقلدها في حركاتها وسكناتها ؟ او يحط صورتها توقيع ونفس المثل على لعيبة الكورة
يا ابني دول ناس شغلتهم يضيعوك او يضيعو وقتك دول سفهاء الناس حياتهم كلها خمرة و متع دنيا اسألني انا ياما قعدت معاهم في الهناجر - مسرح الاوبرا - و اتكلمت مع مخرجين وممثلين ناشئين وبجد حياتهم مقززة جدا مش حياة مسلم او حتى انسان محترم ابدا
ليهم حق يقولو ان هنا مسلمين بلا اسلام
اذا قرأت صفات المسلم في امهات كتب المسلمين هتلاقي الحجات دي
1 - يؤمن بالله ويعمل من اجله
2 - يبر اهله
3 - يعمل من سن 16 عام
4 - منظم ويستغل وقته
5 - عادل
6 - يخالق الناس بخلق حسن
7 - لا يستمع لغناء او كلام سفلة الناس
8 - رياضي
9 - متطلع وشغوف بطلب العلم
10 - الزواج هو غايته من الحب وليس مجرد ان يعيش قصة حب
فلما تلاقي بقى ناس مسلمين مفيهمش اي حاجة من دي يبقى تضحك عليهم وتنتقدهم ولا لأ ؟ عرفتو ليه انا كنت بنتقدكو مش علشان اسخر منكو بس علشان كفاية اجيال ضاعت جه الوقت الي نربي اولادنا او اخواتنا الصغيريين على الصح ونهذب نفسنا على قد ما نقدر
والموضوع مطروح للنقاش وكل واحد يقول رأيه او خواطره في الموضوع دا مش مجرد انك تقول نايس توبيك او باد توبيك
وشكرا