فى حوار مثير للكابتن حازم امام حاولنا من خلاله ان نضع الحقائق امام الجماهير المصرية و الزملكاوية و كان الحوار كالاتى :كابتن حازم ايه موضوع محمد ناجى جدو و وصل لايه دلوقتى ؟
الموضوع ابتدى لما كابتن حسام ابدى اعجابه بجدو و فاوضنا اللاعب و قولنالو احنا محتاجينك فى الزمالك قالنا و انا تحت امركم بس ياريت متدخلوش ادرة الاتحادا فى الموضوع و انه هايكون معانا فى الموسم القبل و احترمنا وجهة نظره و بعد بطولة افريقيا فوجئنا بيه بينفى الكلام دا و يقول انا اتمنى العب للاهلى و بعد كدا يقول انا اتمنى استمر مع الاتحاد و كلام غريب و غير احترافى .
كابتن حازم انتو كدا خسرتو جماهير اسكندرية و مجلس ادارة الاتحاد السكندري تفتكر ايه وصلكو لكدا ؟
انا مش عارف بصراحة الموضوع انى فى لاعيب فاوضنا و هو وقع معانا طب فين المشكلة دلوقتى و انا بحترم جماهير الاتحاد مجلس ادارته بس لو اى حد فى مكانه كان هايعمل كدا و انا شايف انى دا حقنا .
جدو خد من الزمالك فلوس ؟؟
اه طبعا خد نص مليون جينيه لما وقع العقد منهم ربع مليون كاش و الباقى بشيك بس بعد ما ربنا كرمه فى البطولة بعتلنا الفلوس و الشيك .
طيب لو الزمالك اشتكى جدو للفيفا و تسبب فى ايقاف الاعب هاتكونو راضيين عن التصرف دا ؟؟
احنا فى الفترة الاخيرة بنحاول نهدي الموضوع شوية بس للاسف الاعلام مش عاوز يخلص الموضوع و دايما فى اتصالات مع محمد مصيلحي و ابراهيم حسن و بيكون فى تخبط ما بينهم و احنا اكيد مش هايرضينا اننا نوقف لاعب ابتدى يكون نجم فعليا و جاب السعادة لمصر كلها فى امم افريقا و هانجتمع مع ابراهيم حسن علشان نوصله وجهة نظرنا
كمجلس ادارة فى الموضوع دا و نبعده عن الاستفزاز الاعلامى علشان منوترش الاجواء ما بينا و ما بين نادى الاتحاد اكتر من كدا .
كابتن حازم بصراحة فى ناس بتقول انى ابراهيم حسن بيقوم بدورك انت و كابتن ابراهيم يوسف كأعضاء مجلس ادارة و انه دايما بيتكلم بأسم الادارة و ليس مجرد مدير كورة .. ايه صحة الكلام دا ؟؟
طبعا غير صحيح ابراهيم مش عضو مجلس ادارو و كل منصب و له دوره و مهامه و ابراهيم مجتهد جدا فى عمله كمدير كورة و ليس له اى علاقة بالادارة .
بس شوفنا كابتن ابراهيم عمل مشادات كلامية مع مجدى عبد الغني و اتهمه بالتزوير و اتهم كابتن سمير زاهر بالتواطؤ مع الحرس ضد الزمالك و اشياء اخري فهل هذ درو مدير كورة ؟
ابراهيم حسن عنده مشكلة كبيرة جدا و هى العصبية و المشكلة انى الاعلام متسلط عليه دائما و السبب فى ذلك عصبيته الزائدة بالتالى بيكون مادة دسمة للاعلام و احنا كمجلس ادارة هانحاول نحسم الامور قريب
كابتن حازم يقال انك انت اللى احضرت حسام حسن لتدريب نادى الزمالك و انت اللى مشيت هنري ميشيل ما صحة هذا الكلام ؟؟
انا لو قولتلك مين اللى جاب حسم حسن مش هاتصدق .. قال ضاحكا ( جماهير نادى الزمالك هى اللى جابت حسام و مشيت هنرى ميشيل ) و يكفى انى جماهير الزمالك فى اخر ماتش لهنري ميشيل قالتله من المدرجات go to hell
انت شايف دور حسام حسن مع الفريق ازاى ؟
دور قيادى و اخ كبير و مدرب مجتهد و عمل حاجة جديدة كل يوم يجتمع مع لاعب من الزمالك و يوصلو انه وضع كل ثقته فيه و دا عمل روح جديدة و مفيش فرق بين لاعب اساسى و بديل 0
اخير كابتن حازم مين اكتر لاعيب عجبك فى امم افريقيا و ما رأيك فى هذا الانجاز ؟
طبعا انجاز كبير جدا يحسب لكابتن حسن شحاتة و جهازه الفنى و اللاعيبة المجتهدة اللى كانت معاه و انا بصراحة عجبني لاعيبة كتير جدا زى احمد حسن و احمد فتحي و وائل جمعة و هانى سعيد و فتح الله و زيدان بس اكتر لاعب عجبني جدا كان وائل جمعة .
المصدر : http://ahlywzamalek.com/content/view/3075/26/