بسم الله الرحمن الرحيم

مطلوب مدرسين جميع التخصصات للكويت

للاستفسار ت 25319293

محمول0160797986

تاريخ الإعلان19-2-2010

كل التخصصات ولا تخصص معين وهل شرط اساسى الخبرة
جزاكى الله كل خير على المجهود العظيم
وارجو الافادة

جميع التخصصات

شكراااااااااا لك

جزانا وأياك كل خير

انا اخوكم من السودان هلي يمكنني التقديم للوظائف ام هي خاصة بالكويتين فقط
انا املك مؤهل ماجستير كومبيوتر

بص مش عارفه بالظبط الأعلان فى صحيفه مصريه شوف كده الشروط عن طريق الأتصال برقم الهاتف فى اول الموضوع

على فكرة يا اختى العزيزة
رقم الموبيل طوال الوقت مشغول او مغلق
والرقم الارضى لا احد يرد

لو فى اى وسيله اتصال اخرى يبقى كرم منك
خالص تحياتى

لا والله أخى الكريم للأسف مفيش وسيله تانيه بس تلاقى فى الأتصال كبير لأن الأعلان منشور فى أماكن كتير

شكرا لاهتمامك

بالتوفيق بأذن الله تعالى

شكرااااااااااااااااااااااا لك

تحذير لكل شباب مصر من الفخ
بالنسبة للرد عن موضوع الدكتور عبد السلام او ابو خالد اتكلم عن تجربتي الشخصية انا مدرس لغة انجليزية ولسوء حظي وقعت في مصيدتهم باختصار انهم مافيا يأتون بالمدرسين الي الكويت ليمصوا دمائهم واموالهم وتجد بانتظارك خادمهم احمد انس في المطار وبعد اخذ ال 20الف جنية منك ياتي بك علي سكن بسعر 20 دينار في شقة بها 30 مدرس ويابخته اللي يلاقي سرير لكن للاسف ينام علي الارض وان كان ابوخالد اوالدكتور عبد السلام اللي لا هو دكتور ولا حاجة دول نصابين بعد كدة يتم رميك فى السكن ولا تجد احد منهم يزورك او يطمئن عليك وذلك بعد اخذ فلوسك و بعد ان تمضى على الوصولات اللى ب 1800 دينار يعنى حوالى 36000 الف جنية دة غير المبلغ اللى انت جايبة معاك من مصر وبعد ان كان ليل نهار يدلع فيك وهوة بيكلمك قبل ما تيجى ويكلمك كل يوم على تليفونك وعلى النت دة كلة وانت فى مصر ويقولك عندنا مجموعة مدارس او معاهد ليلية وهاتكسب الف دينار شهريا على اقل تقدير و يوعدك بالشغل اول ما تنزل ارض الكويت وكمان لزيادة النصب يعطيك تليفونات بعض الاشخاص لتكلمهم ويحكوا لك تجربتهم الناجحة معة وهما فى الا صل ناس تبعة واول ما يخدوا فلوسك يرموك فى السكن ولا تراهم غير عندد اول شهر لاخذ المائة دينار يعنى 2000 جنية ولا تقدر تتكلم علاوة علي ان الاقامة تتعملك بعد نزولك مصر حوالي مرتين او ثلاثة علي حسابك وكمان حكاية انة يساعدك في انك تلاقي شغل ابدا دة مجرد جر رجلك لحد ما تقع في المصيدة ولما تتصل بيهم ممكن يتطاول عليك بالشتيمة رد وكمان مافيش شغل بسهولة بسبب كثرة المصرين بعد موضوع الالتحاق بعائل كتر المدرسين المصرين في الكويت علاوة علي ان لايمكنك الاعتماد على الدروس لانها ايام الامتحانات فقط وهذا غير مجزي ولو جبيت انك ترجع وتأخد فلوسك يقولك انزل مصر وانا ابعتهالك وبعد كدة ولا يعبرك ولا يرد علي تليفونك وكمان عنده خطوط تليفونات لا حصر لها

يارب انتقم من كل نصاب واللى بيلعب بالناس فى الغربة ونشكر الأخ الفاضل على التحذير

ِشكرا لك وان شاء الله يجد الجميع فرصة العمل المناسبة

وا الله والله والله الاخ الفاضل صاحب التحزير صادق فى كل كلمة وفية اسوأ من كدة بس عيب الواحد يقولة
وعبد السلام الكلب لا شيخ ولا دكتور ولا حاجة ولا يقع تحت ايدى ومسيرة هيقع لا محالة
ويبقى يشوف مين اللى يسمى علية هو ولا الخدام احمد انس بتاع المنوفية وسلام
احذروا
احذروا
احذروا
اللهم قد بلغت اللهم فاشهد

يا جماعه الله يخليكم حد يفدنى انا مدرسه ومقدمه فى مكتب اسمه اجنحه العرب مقدمه من شهر4-2001 واحنا دلوقت فى 10-2011 وما مضينا عقود ولا حاجه وانا خايفه الله يجزيه كل خير اللى يفيدنى لو عنده اى معلومه وشكرا

يا جماعه حد يفدنى عن مكتب اجنحه العرب من حيث المصداقيه

على فكرة انا مش عارف الناس لية كده لية اى حاجه وحشة تصدقوها واى فرصة او اى راى تفتكروا ان هوه نصب الاستاذ اللى قال الكلام دة وانتم فرحانين اوى وعمالين تشكرو فية
انا عاوز اعرف حاجه واحدة بس هوه اى حد يتكلم ولا يفتى فى اى حاجه يبقى صادق وانتم تصدقوة
انا بجد نفسى اعرف مين ده اللى بيتكلم وبينصح الناس
لو هوه صادق فعلا يقول اسمة وانا هرد علية بكل صراحة وبأدب لانى انا مؤدب ومتربى مش زية يتكلم ويرمى على الناس الاتهامات
واما يقول اسمة انا هقولكم على حكايتة بالضبط
وانتم تحكموا
وعلى فكرة كل واحد فكر فى وقت من الاوقات على الكلام دة واذاى نسافر واذاى يتنصب علينا وكل الكلام ده
والله عمرة فى حياتة ما هيعمل اى حاجة وهيفضل فى مكانة محلك سر
وانا على استعداد انى اتناقش مع اى حد وارد علية فى الكلام اللى صاحبنا دة قالة
اللى مش عنده الجراة اللى يقول اسمة
علشان ما يبينشى فشلة وكلامة اللى ملوش لزمة
وبقولة اتقى الله

حسبي الله ونعم الوكيل في هذه الشلة النصابة وعن تجربة شخصية. اللهم أرنا فيهم عجائب قدرتك، وخذهم أخذ عزيز مقتدر، ولا تمهلم لأن كل دقيقة في حياتهم تؤذي غيرهم. اللهم انتقم منهم شر انتقام، ولا تذر منهم أحدًا.
حدثت لي هذه الحكاية مع هذه الشلة فاحذروا منهم إخواني واحذروا في أي تعامل وخصوصا في السفر، وهذا ايميلي ويعلم ربي كم أنا موجوع مما حدث لي وكم أنا صادق shaer53@yahoo.com
من يريد أن يعرف أي معلومة عن الكويت وأوضاعها فأنا إن شاء الله سأكون له ناصحًا أمينًا.

محدش يصدق النصابين دول - دول نصابين بجد

شكراااااااااااااااااااااااااااااااااااااااااااجداا اااااااااااااااااااااا

انا مش عارف الناس كلها فاكرة انها لما تسافر هتجيب الديب من ديلة ولا اية