السلام عليكم ورحمة الله وبركاته

الموضوع واضح من عنوانه ولكن المقدمة قد تحدد نقاط الحوار ولذلك سأوضح الفكرة ,,,,,, لكل انسان في الحياة مزايا ومقابلها عيوب ...... ويجتهد الشخص في إبراز الجانب الايجابي ...... ويسعى قدر المستطاع للتخلص من العيوب أو تعديلها أو إخفائها عن أعين الناس..... ولكن ذلك لا يمنع الناس أن يروا الجوانب السلبية في الشخصية( العيوب ) وعندما نجد من يصارحنا بعيوبنا هنا تأتي الكارثة

منهم من يتقبل المصارحة بصدر رحب

ومنهم من يحاول ان يغير مجرى الحديث

ومنهم من يتبع وسيلة الهجوم للدفاع عن نفسه

ومنهم من يبرر عيوبه

ومنهم من يجعل من الظروف شماعة لتعليق أخطائه

فمن أي الانواع أنت ؟ ولماذا؟

توضيح السبب قد يكون له أثر في تقبل اي ردة فعل....
كل واحد يدخل يجاوب ويكون صريح

انا عن نفسي بطلب من اصدقائي انهم يصارحوني بعيوبي واحاول اصلحها

انا بحب كتير ان الناس يقولولي عيوبي عشان أتقدم للأحسن ودليل على كلامي اما كتبت اي خاطره قولت لأي حد يقرأء يقول رأيه بصراحه ووضوح عشان أحرف نقاط ضعفي لأ ن الكلام المعسول المجامل بيودي لوراه قوي

موضوعك حلو جدا وجميل

تحياتي

الصراحة شيء حلو وعن نفس برحب بكده بس المهم انه يقول الصراحة متكنش غيرة اصل فيه ناس تحب تنتقد على الفاضى ويكون قلبها مليان وتفضل تطلع عيوب فى كل اللى حواليها
وكمان لازم الاسلوب يكون كويس ومهذب

امممم
انا عن نفسي
بحب الصراحه جدا لابعد حدود
بس مجربتش قبل كده حد يقولي عيوبي
بس لما حد بيقولي عيوبي بتبقي في حاجات هايفه

بصراحة بطلب من صحابى انهم يقولوا لى عيوبى عشان احاول اصلحها

واشوف اية العيوب دى الى الناس شيفاها فيا

ميرسى على الموضوع

اولا ميرسي ع الموضوع الحلو ده
وانا طبعا برجب اني اسمع من الناس عيوبي واحاول اصلح منها

انا نفسي اعرف عيوبي علشان اصلحها

انا بحب فعلا ان الناس تقولي علي عيوبي

وبرحب الموضوع ده اوي

وانت عارف ده كويس يا تيتو

ولو مكنتش بقبل ان حد يصارحني بعيوبي كان زماني قتلتك من زمان

ههههههههههه

موضوع جرئ

تحياتي

هههههههههههههههههههه
يا ريتك مكنتش بتوافق

وفعلا انا مبسوط جدا لان كل الي في المنتدى شخصيات جميلة
فعلا بقدم احترامي ليكم
شكرا على المروووووووووووووور

الموضوع حلو لكن انا هتكلم عن نفسى بصراحة
ومش هكذب

بصراحة انا مابحبش حد يقولى عيوبى فى شخصيتى
وده مش لانى شايفة نفسى من غير عيوب لاسمح الله
ولكن لان نفسى نفس لوامه وقاسية جدا على نفسى
لما بغلط فمش بكون مستحمله انى حد يقولى على غلطى
او عيبى لانى بكون عذبت نفسى بما فيه الكفايه
ده غير انى انسانة متفحصة لشخصيتى وبحب اعرف مميزاتى
وانميها وبحب اعرف عيوبى وامحيها
ولو حد قالى على عيوبى من نفسه بسمعه وبسكت

لكن صراحة عمرى ماطلبت من حد يقولى عيوب شخصيتى
لكن بطلب طبعا ده لما بكون عامله حاجة وعايزة اعرف راى اللى حوليا
وبتقبل الاراء كلها مهما ان كانت وعمرى مابزعل

شكراااااااااااااااااااا

بحترم رايك يا نادية بس ده في حد ذاته غلط لازم اي واحد يخلي الي حواليه يقولو ه عيوبه
لانك شايفة نفسك بعنيكي وعمرك ما هتعرفي تشوفي نفسك بعنين الناس الا اذا سالتهم
تحياتي نادية

لا انا شايفة نفسى من جوة

وشايفة عيوبى

ممكن ببايا ماما اخواتى هما اللى يقولولى

وميرررررررررررسى ياتيتو

كل واحد ووجهة نظره وكل واحد وعلاقته بالي حواليه

تحياتي وانا بحترم رايك