السلام عليكم ورحمة الله وبركاته
الواحد فى الفلانطين اللى فات
(ايوة الفلانطين .. على رأى حد عزيز عليه جدا الله يمسيه بالخير )
المهم .. اليوم بتاع الفلانطين كان الواحد ماشى فى شوارع مصر
يا سلاااااام والله الشوارع كانت ريحتها حلوه من كتير الناس النضيفة اللى حاطه برفيوم ( ريحه )
والشوارع احمر × احمر وبامبى × بامبى والحياه بئى لونها بامبى وانا جنبك وانت جنبى ...
وكووووووول البنات ضاربين الطقم الاحمر االشفتشى وضاربين ازازة البرفيوم ام 4ونص كلها وناقعين الهدوم فيها من اول امبارح
واية بئى فى اليوم دا تشوف العجججججب يا معلم
بتشوفوا انتم العالم العضلات الضخمة دى (شديد عضل على رأى كورمبو) لا ومع كمية العضلات دى اللى لو الواحد منهم سلك ودنه هينزل صالة حديد لا وايه شايلى بوكيه ورد احمر
يا حونين المنظر دا لازم يتشاف ميتحكيش اى والله لازم يتشاف
ولا اللى ماشية مكلبشة فى الواد بتاعها بأديها الاتنين ومايله عليه بطريقة مستفزة كانها قابضة عليه فى قضية رشوة
طب والله السنه اللى فاتت ادام المعهد فى الجونينه لقيت واحدة نايمة على دراع واحد فى الشارع عيني عينك كدا (ال رومانسية يعنى)
(من لمس امرأة لا تحل له عاقبه الله بمخيط من نار يوم القيامة ) , ولأن لمسها وسيلة إلى الفاحشة بل إن اللمس في حد ذاته نوع من الزنا
قال صلى الله عليه وسلم (( ...... وإن اليد لتزني وزناها البطش.......)) .
عن معقل بن يسار أن رسول الله صلى الله عليه وسلم قال: "لأن يطعن في رأس أحدكم بمخيط من حديد خير له من أن يمس امرأة لا تحل له" رواه الطبراني والبيهقي .
واللى ماشيلى بدبوب ضخم فى سبت عجيب كدا (طب حطة فى شنطة واستر على نفسك)
لا كل واحد لازم يعيش فى دور الشاب الرومانسى ويعملى فيها البشمهندس تامر حسنى هههههههه
والواد بئى يروح يضرب من ابوة ورقة من ام عشين ويضرب من امه حته بعشه
ويشرب ازازة البرفيوم كلها ويتغرغر بيها ويجيب الهديه اللى مخبيها من اهله وينزل ع البت يتمشى معاها ويقولها كلمتين حللوين من بتوع المسدجات ولا سمعهم فى فيلم عربى قبل كدا ويعزمها على حاجة
بفلوس الراجل ابوة الغلبان اللى بيشقى عشان يجيب القرش عشان يطفحة هو وامه واخواته
والبية رايح يتصرمح
لا ودلوقتى البنات هم اللى بيجيبوا الهدايا
يعنى لما تشوف محلات الهدايه كدا وتضرب نظرك جوا هتلاقى ان كل اللى جوا حريم
مفيش دكررر جوا ابدا يا جايبة البنات يا شايلة الوكسة للممات
فلوسك بتضيع .. يا سلام فى الحته ام عشين دى لو تطلع منها جنيه مثلا لله واللى ما هتقلل فلوسك فية ناس مش لاقيه تلبس وانت رايح تلعب بلاى ستيشن وتصرف فى حاجات ملهاش لازمة مش بقولك متصرفش بس طلع حتى جنيه مش هيفرق دا الواحد دلوقتى لو جنية وقع منه هيتكسف يوطى يجيبه
وقتك بيضيع الوقت دا كله هتندم عليه وهتتمنى والله لو الوقت بيتباع بالفلوس عشان تشترية انت دلوقتى فى احلى مراحل عمرك ياض انت وهى لما تضيعها فى التفاهات دى هتبكى بدل الدموع دم ..خدلك كورسات روح جيم اقرا كتاب اقرا قران اتعلم شئ جديد ومفيد
نفسك بتضيع بتضيع نفسك بالغلط اللى بتعمله وبتضيعك لنعم ربنا عليك نعمة المال والصحه والوقت
دينك بيضيع تشبهك للكفار فى العيد دا من تشبة بقوم فهو منهم لان عيد الحب المسمى بالفلانطين دا اصلا عيد النصارى ومن قبلة كان عيد عند الروم اللى كانوا عاملين للحب اله (الواد ابو جناحين ونبله دا)
....
رسولنا الكريم بيقول
قال: قدم النبي صلى الله عليه وسلم المدينة ولهم يومان يلعبون فيهما، فقال: (قد أبدلكم الله تعالى بهما خيرا منهما: يوم الفطر والأضحى).
قال الحافظ ابن حجر ـ رحمه الله ـ : واستنبط منه كراهة الفرح في أعياد المشركين والتشبه بهم".
...
وعن ابن عمر - رضي الله عنهما - قال: قال رسول الله -صلى الله عليه وعلى آله وسلم-: ( من تشبه بقوم فهو منهم ) أخرجه أبو داود وصححه ابن حبان.
مش عارف والله
اولا عيد الحب ده مش بتاعنا ليه نقلد ونحتفل بيه دا على اساس ان خلاص مش لاقين حاجه نعملها هههه
واللى يغيظ اكتر انهم عملوا عيد حب مصرى ههههههههه
امال هما احسن مننا ولا ايه هههههههههههههههههههه اشمعنا احنا
انا عايز رايكم بقى ؟
