السلام عليكم ورحمه الله وبركاته

الى كل احبائى المصريين المغتربين بصراحه هل تفتخر انك مصرى فى البلد المغترب فيها فالبعض يقول لى حسب البلد المغترب فيها لو مصر شانها اعلى من هذه البلد طبعا افتخر ونصف ولكن لو بلد اوربيه صعب جدا ولماذا لا اهل مصر بلد شانها قليل لو انك تحب بلدك حقا لفعلت ذلك ولكن انا منتظر الصراحه منكم مهما كانت الاجابه

سؤال مهم

بس لو حد قال كده عمرة ماكان بيحب البلد دى

مصر دى بحبها اوى ومعتقدش ان اقدر اتغرب عنها

وشوفت كتير واخواتى وبابا لما اتغربه رجعو يقوله اخيرا رجعنا مصر

حسيت وقتها قد ايه البلد دى حلوى كل الى يغيب عنها يشتاق ليها

زى الواحد لما يحب بيشوف حبيبه حلو جدا ما فى عيوب وحتى احسن من كل الناس

فلو حد قال ان شانها مش كبير هيكون عمرة ما حبها


يارب اجعلها ديما بلد الخير والسلام

اولا بشكرك جدا يا منى على اهتمامك بركن المغتربين وسعيد جدا بوطنيتك وخاصه انتى واحده مجربه فى اخوكى وابوكى بس يا منى اقدر اقلك الناس دلوقتى مش بتشوف غير مشاكلها فقط

اولا احب احيك على هذا الموضوع
ثانيا / بكل تاكيد انا بحب مصر وافتخر اني مصريه
رغم اني معشتش فيها الا قليل
بس والله لو كان لينا فرصه اننا نعيش فيها مكنش حد من المتغربين فكر يسبها ومش معنى كدة انا مصر فيها
حاجة تمنعنا اننا نقول اننا مصرين
ولاء والله بحبك يا مصر بحبك بكل ما فيا حتى لو مكنش ليا فيك اي حاجة تفكرك بيا

ريم
تقبلو تحياتي

اهلا بيكى ريم معنا وطبعا مهما كنتى مش ممكن تنسى مصر

اولا شكرا على السؤال "
وبعدين انا مصريه عايشه في السعوديه و افتخر جدا اني مصريه انا بحب مصر
جدا و الله حتى مع السعوديين اتكلم مصري مفيش مشكله اللي عيشين في مصر
برأيي هم عيشين في نعمه مش حسيين بيها ،،،،،،،
تقبلي مروري :

اولا يا جميله اهلا بيكى معنا وثانيا كلامك يشجع كل مصرى انه يبقى فى بلده ويعلم مدى قيمه بلده بجد انا بحيكى جدا على كلامك

اهلا بيكى ريم معنا وطبعا مهما كنتى مش ممكن تنسى مصر

أهلا بحضرتك
ومعك كل الحق مهما كنا لا يمكن اننا ننسى مين احنا ومن فين
تقبل تحياتي

اهلا بكم معنا ومين يقدر ينسى بلده واهله ...........؟

مصرية و افتخر ومش انا بس اللى بفتخر اللى حوليه كمان بقوا بيتمنوا يكونوا مصريين

اللى شرب من نيل مصر بجد بجد لا يمكن ان ينسها

فى مصر شيئين لا تجدهم فى اى بلد

الجو و النيل

ياااااااااااااااااه على ساعه عصارى مع كوووووب من الشاااااااااااى


العيب مش فى البلد العيب فى اهلها و الله لانهم بيستسهلوا كل حاجه

و عايزين يعيشوا


لو قارنت نفسك و تعليمك و ذكاءاولادك و تفوقهم ب اى بلد خليج بالطبع هتلاقى المصرى هو الاعلى


و اذا اردت ان تحكم على اى بلد احكم على مستوى التعليم و عقولهم مش بشويه بترول لو خلصوا البلد تمووووووووووووت



تخيل كده لو الكهرببباء قطعت فى اى بلد خليج البلد كلها تقف بل ممكن يؤدى لوفاتهم لانهم بلاد حاره جدا

يعنى
بلاد الخليج دى عايشه على اشياء لو ذهبت ماتوا و الله اعلم


مشكورين على الموضوع

بجد بشكركم يا جماعه وفعلا كلامكم صح مصر من يشرب من نيلها لا ينساها ورائع جدا انى فى ناس تريد تبقى مصريه ده شرف

علي فكرة يا اجتماعي انا مسافر في خلال الاسبوعين اللي جايين دول
ومتأكد ان في مواقف كتير هاتقبلني بسبب بلدي
بس بجد انا لازم افتخر بيها
الكلام ده مش كلام وخلااااص
وشكرا ليك لانك فتحت الموضوع ده

طبعا بفتخر ببلدي واانا متغربه..
وكمان دي مصر ام الدنيا كلها

حتى انا اما انزل مصر بكون زعلانه اني سبت البلد اللي عايشه فيها:d
ولما يكون خلاص وصلت البيت بفرررررررررررح اووي عشان بشوف اهلي وكل حاجه ليا هناك:d

بس برده الواحد بيكون متآثر بالبلد اللي عايش فيها يعني انا بالنسبالي بعتبر ليا بلدين وافتخر اني اكون من البلدين دول..

ثاانكيووو ع الموضوع النايس

ربنا يقويك يا راغب على السفر وانتى يا امو انتى رائعه من الممتاز ات تكونى سعيده ببلدك الاصل وبلد الاغتراب فى نفس الوقت

هاى انا داليا انا مصريه مقيمه فى السعوديه
انا بفتخران انا مصريه
بس فى حاجه وحده بس بتخنقنى وانا فى السعوديه
ان السعوديين اول ما بيعرفوا ان الشخص اللى امامه
مصرى بيعملوه اسوءمعامله

ازيك يا باشا انا مصرى ومقيم فى السعودية على فكرة انا هاتكلم كلام واقعى مش كلام عواطف انا قرفان وطهقان من مصر عارف انا كنت فى اجازة وكنت بخلص فيزا جديدة مش عايز اقولك مقدار القرف الى انا شزفته فى مصر وكمية الروتين الى ملوش لازمة بس وانا جاى اركب الطايرة لاقيت دمعة بتنزل من عنيه علشان هاسيبها بالرغم من كل ده بحبها بنت ال ........ دى ومش عارف ليه

lol mahmoud..ana masrya wa 3ysha fa usa..wa fe3lan a7ynan keter bab2a fa masr wa bab2a 2arfana meen elroutine ana get atla3 ro5sa mardosh 3ashan mosh 3arfa eih keda bas bardo kol summer bstanah 3ashan anzel..ana bft5ar eny masrya wa b2ol la kol 7ad hena eny masrya..

اكيد طبعا انا بفتخر جدا انى مصرى كفايه الامان اللى انا بحس بيه مع اهلى
انا هنا فى امريكا بكون فى البيت من الساعه 11
فى مصر كنت مع اصحابىبنسهر ونلاقى ناس فى الشارع حتى لو نزلت الساعه 5 الفجر

بهديكي يا مصر 100 الف سلام دي العيشه من غيرك والله حرام وقلبي بيبكي سنسن وايام راجعلك يامصر راجعلك قوام ____________ فاكر يا مصر كل الحنين مش ناسي حنانك رغم السنين ده معاكي ياغاليه بنسى الآنين وبنسى كمان اني عايش حزين راجعلك يا مصر ماتقولوا آمين

مواضيعك جامده مووت

انا مش بفتحر بس ... انا بتعمد ان اي حد يعرف اني مصري ..

عمري محاولت اتكلم بلغتهم ... مع احترامي ليها ... بس بتعمد اتكلم لغتي المصريه..

بحس ان المصري ده انسان كبير ... انسان غالي ... انسان عظيم.... قوي .

ديما بحب البس لبسي المصري واتصرف بطريقتي المصري.... ديما بتكلم مصري..
ويوم محد يقول كلمه على المصري بقف وارد وافهمه يعني ايه مصري

يعني ايه ... القلب المصري ... يعني ايه العقل المصري.

يعني ايه الراجل المصري .... الراجل اللي قدر يحرر بلده ... اللي قدر يبني بلده .

انـــــا ... مــ،صــررري ..... وأفــتــ،خررر ...


" لسه بحبك اسراء.... سامحيني.... Marry Me"

السلام عليكم ورحمه الله وبركاته
صراحه انا سجلت بس عشان ارد على الاخت اللي تقول ان السعودييين لما يعرفوا ان الشخص اللي قدامهم مصري يعاملوه اسوأ معامله

ابدا الكلام هذا مو صحيح , بالعكس المصريين هم اخوان لنا في الاسلام والعروبه واشقاء ونحترمهم ونقدرهم . فأتمنى انها تغير نظرتها.

لكن أنا اتفق معاك ان المصري زمان قبل 30_20 سنه له نظره أفضل , وصدقني السبب ان زمان غالب المصريين في السعوديه اطباء معلمين مهندسين محاسبين , باختصار ناس متعلمه تفرض احترامها بتعاملها واخلاقياتها

لكن الحين وللأسف الغالب هم عمال يعني تعليم متدني وعي متدني وزيدي عليها دخل منخفض .والأدهى من ذلك انه معتقد انه اعجوبه زمانه وانه فهلوي على قولك ,يعني في الغالب يسوي فيهايتذاكى شوي وبالذات في الفلوس , وصراحه هم السبب في في انه المصري ما يحظى بالاحترام اللي في السابق , ولكن مازال المواطن المصري له احترامه ومكانته.

اما بالنسبه للأخ ا للي يتهم اهل الخليج بالغباء
ابسألهم ليه هذي النظره الفوقيه , وابغاك تكون صادق مع نفسك هل جميع اهل مصر اذكياء وهل جميع اهل _الخليج _ وان كنت اكره هالكلمه واتمنى استبدالها بالجزيره العربيه _ اغبياء

الشي الاهم ياعزيزي البترول حدث طارىء وجديد , لكننا كشعب موجودين في صحرائنا منذ قبل الاسلام فهل تتوقع لنا الموت والنهايه بنضوب البترول .

وكيف تفترض ذلك ونحن موعودون من سيدالخلق محمد صلى الله عليه وسلم بأن تعود جزيره العرب مروج وانهار .

وصدقني كثير من ابناء مصر اصولهم هي جزيره العرب وبالاخص الحجاز .

صراحه انا اتضايق من هذه النوعيه من الأفكار والآراء واعتبرها سطحيه.

ولكم كل الشكر ومعليش اذا فكيت موضوع قديم شوي

ولي اهداء لكل مغترب
بيتين شعر قالها شاعر مكي اثناء اقامته بمصر

نقل فؤادك حيث شئت من الهوى ما الحب الا للحبيب الاول

كم من منزل يألفه الفتى وحنينه ابدا لأول منزل

ابوعزه_ المدينة المنورة

بصراحة العنوان شدني بس بالنسبة للسؤال هو مكنش المفروض انه يتسال اصلا لانها مش محتاجة جواب

طبعا اي حد يفتخر انه يكون مصري وفي اي مكان وفي اي زمان وانا عن نفسي بفتخر اني مصرية في كل مكان وبحس بسعاده كبيرة لما اقول لحد اني مصرية

وبالنسبة للخليج والمصريين انا اعتقد ان كلنا مسلمين وممكن تلاقي في اي شعب الكويس والوحش


وفي النهاية .. لو لم اكن مصريا لوددت ان اكون مصريا

انا لا اوافق على وصف الخليجيين بالغباء اهذا رد الجميل لمن سمحوا لنا بالدخول لاراضيهم والعمل بها!!!
ثانيا:
لا افتخر ابدا بكونى مصرى

بالطبع نفتخر
و يكفى رؤية الحقد على مصر
هذا يدل أننا الأفضل فنفتخر بذلك

في الوقت الذي أمعنوا فيه في سبّ الجزائر
............................................

بجد تسلم ايدك على الاهتمام بالمغتربين
الحمد لله ان انا مصرى وافتخر ان انا مصرى ودى حاجة تشرفنى
وتشرف اى مصرى

وانا اسف على التكرار والى الانسان المسلم اللى بيقول لا افتخر ان انا مصرى
انا بقولة اللى زيك مصر عمرها ماتفتخر بواحد زيك اللى زيك ميكونش مصرى
وبجد انا اسف على اللى بشوفة من المصريين دا لو كان مصرى بجد
وغصب عنك وعن اى واحد فى العالم مصر بلد الامن والامان والشرف والعزة والكرامة
ورافعة راس اى واحد عربى قبل المصرى
مصرى وافتخر مقيم فى الخارج مصراووووووووووووووووووووووووووووووووى

انا رقبتي متشعلقه في السما لاني مصريه
انا اهـ ماعشتش فيها سنه على بعض .. بس بحبها من كل قلبي وفعلا بفتخر ان دي بلدي
وتحيا مصر .. تحياتي ليـك ..

مش هقول غير انى مصريه وافتخر فعلا للانى بجد والله بحب بلدى اوى وبغير عليها من اى كلمه
مهما كان فيها عيوب وروتين ممل او خنقه بس مصر ام الدنيا وهتفضل وهنفضل رافعين راسنا ببلد الامن والراحه الى فى بلدنا عن اى حته تانيه انا كنت فى السعوديه برده عمرى ما حسيت بامان غير فى ارض مصر تحياتى ليك وللتوبيك