البعض وصفها بالجرأة و العودة الى مشاكل الاسرة والمجتمع و البعض الاخر وصفها بالابتزال و الاباحية الصريحة.
حوار بين نائر ونئير
نائر : بجد الرقيب اللى جايبينه جديد ده زى الفل .
نئير : فل ايه و عدس ايه .. ده ما بيشلش من الافلام حاجة خالص .
نائر : ما هو عشان كده زى الفل !!
نئير : يا راجل حرام عليك .
نائر : حرام ليه هو لما نشوف قدامنا الحقيقة و الطبيعة و الواقع احسن ولا لما نشوف سينما الخيال و المدينة الفاضلةوالنهايات السعيدة و خلاص.
نئير : هو اللى احنا بنشوفه ده واقع . دي قلة ادب واضحة و كمان الرقابة لا زم تبقي بتحافظ على اخلاق المشاهدين.
نائر : يا عم اخلاق ايه هي حضانة. و بعدين ما الراجل كتر خيره بيخلي الفيلم للكبار فقط .و بعدين انت واجع دماغي ليه هو في حد جابرك انك تشوفها.
نئير : بلاش السلبية دي و بعدين انا ما بشوفهاش عشان ما احسش ان المخرج عرف يضحك عليا .و برضو اكيد الناس هيا اللى هتحكم وتقول رايها فى النهاية ولا ايه ؟؟
يا تري شايفين السيينما المصرية رايحة لحد فين بعد ما بقت معظم الافلام للكبار فقط ؟