اذا حبيبتك او حبيبك الاولانى ضحى بحبه ليك وارتبط بشخص اخر ارتباط شرعى بمعنى خطوبة ومحصلش نصيب . ورجعلك تانى ندمان وبيطلب منك تسامحه وترجعوا لبعض تانى . تعمل او تعملى ايه. ارجوا المشاركه بالرد

بص لو هو نادمان بجد ونفسه يرجع لي تاني انا اكيد هرجع له تاني واكسب فيه صواب وكمان اناهاكون لسه بحبه اوي

مش عارفه ياعمرو بس لو حقيقي كانوا بيحبوا بعض وبجد كان ندمان علي اليي عملوا (سامحوا واعفوا ياجماعه الدنيا مش مستهاله نخسر حد بنحبه وبيحبنا)اوعي تضيعوا حد بيحبك من ايديك هتندموابعد كده وصدقني لو عفي عنه حبيبه هيقدر ده وهيفضل فاكرها ليه طول عمره واخر كلامي الحب عفو الحب تسامح ولا ايه؟

شكرا يا مجروجه على اهتمامك وردك على سؤالى

انا رأيي اللي يخون مره ممكن يخون الف مره
لو انا اللي ف الموقف دا لايمكن ارجع تاني

بص يا عمور انا لو اتحطيت فى الموقف ده الحب اللى بينا هيخلينى اسامح وارجع تانى لان اللى بيحب بيسامح وصعب عليه النسيان

بس قبل ما ارجع احسسه بغلطته وافهمه انها غلطه كبيرة علشان ميفكرش فيها تانى وبكده هبقى انا طلعت كبيرة فى نظرة وغير كده هيحترمنى اكتر

تحيـــــــــــــاتى ليك يا عمور

ممكن ارجع لها تاني , بشرط ان أتأكد انها بتحبني, بس مش عارف ازاي اتأكد من كدة و ممكن الشك يفضل جواية هي دي المشكلة.

شكرا لاهتمامكم

حبيبي خدعني فكرتو اطيب انسان وطلع احقر انسان طلع متجوز وعندو ولد وكمان بيسكر انا نفسي ابعد عنو وعايزه ابعد عنو ساعدوني كبف انساه واخليه يندم

شوف احنا بشر مش ملائكة والواحد بيغلط
واللى بيحب بيسامح خصوصا ازا عرف السبب الحقيقى
انها تنخطب لغيره ولازم يتاكد من السبب لانه احيانا
الظروف بتحكم الانسان انه يتصرف غصبن عنه
ودورك كحبيب انك توقف معها وما تتخلى عنها ازا فعلا
فى سبب حقيقى خلاها ترتبط بغيرك
لانه القلب اللى بيحب بجد وصدق مستحيل يحقد او يكره .

مش عارفه بس انا مش هسمحه

وهحسسه بغلطه

بس ف الاخر اكيد هرجعله لانى هكون لسه بحبه

لا طبعا عمرى ما هرجعلو ده انسان سابنى وراح لغيرى ازاى ارجعلو تانى ده حتى لو هيموت عليا مش
ندمان بس عمرى ما ارجعلو

ايوا هسامحة مدام بحبة يبقى هسامحة

بصراحه الموضوع ده اتخاذ القرار فيه صعب اوى بس عموما الانسان ممكن يقول كلام ووقت الفعل مشاعره تخده انه يعمل حاجه تانيه انا عن نفسى شايفه انى مش هقدر ان حبيبى يبقى قدامى وعايز يرجعلى وانا ارفضه بس عمرى ما هنسى جرحه ليا هو بقه لو بيحبنى بجد هيقدر بحنيته ينسينى الجرح الى حفره جوايا

مدام سابنى وخطب غيرى

يبقا مش باقى عليا مهما كانت الظروف

لا مش هوافق ارجع تانى كرامتى اهم من حبى

بص يا عمرو السؤال ده ليه ردود مختلفه
فيه ناس تقول لا ازاى ارجعله تانى وكرامتى راحت فين
مع انها بتكون بتحبه قووووى
وفيه ناس بيكون نفسها حبيبها يرجعلها تانى
انا عن نفسى لو حبيبى رجعلى تانى انا
مستعده اسامحه اللى بيحب بيبقى مستعد
يسامح حبيبه فى اى غلطه بس المهم انه
يكون راجع ندمان مش راجعلى علشان مش لاقى غيرى

لو حبيبى رجعلى ندمان انا هوافق ارجعلة لانة حبيبى هو فى حب اصلا دلوقتى قليل لما بنلاقية يبقى لازم نحافظ علية

يرجع بعد ما كسرك وهنك وبعدين بيرجعوا عشان يدارو فشلهم

في حاجه سمعتهه وعجبتني جدا الحاجه دي بتقول انك لو حبيت 2وقررت تختار واحد منهم بس يبقا لازم تختار التاني لان الاول لو كان بجد حبيبك مكنتش حتحب غيرو اظن ان الموضوع واضح والي هو فيه ده تانيب ضمير بس مش اكتر