كل واحد هيقول موقف اتعرضله سواء كان محرج او فيه مشكلة او حتى طريف ( بشرط انه يكون موقف حقيقى) ويشوف المشاركة اللى بعده صاحبها هيتصرف مع المشكلة او الموقف ده ازاى وطبعا يكتب موقف جديد للى بعده او لو الموقف شايف انه لذيذ يخليه للى بعده بردو عايز يا جماعة مواقف واجابات حقيقية محدش يمثل هنا اتفقنا ؟؟
نقول بسم الله الرحمن الرحيم ونبدأ
ليل داخلى .. اسانسير فى عمارة كبيرة فى الزمالك انت دخلته لانك طالع لواحد صاحبك ساكن فى العاشر فوجئت بالجميلة الهام شاهين بتدخل الاسانسير وبدون اى حرس ( كما هو متوقع ) واتقفل عليكوا الاسانسير هتتصرف ازاى هتبتسملها هتخليها تمضيلك على اتوجراف هتصورها بالموبايل مثلا ... هتناقشها فى عمل من اعمالها هتحاول تاخد رقم موبايلها لاى سبب .... اى حاجة اخرى قولى انت هتعمل ايه ؟