رباعيات الشاعر المصرى –احمد الهمامى
زي الحمـــــــــــــــار ده ولا مخـــلوق لقـيـت
مع إني طفت وشفت وعلى كل أرض مشـيت
لكنه جـــــــــــــد يتقـــــال عليه مافيش أخـوه
وآخـــــره هينـــــــــهق وبس زي ما اتمنـيت
وآه
* * *
الصـبر طيب حتى لو كان طعـمه مر
ومــهما تصبر صبرك أبدا لن يضــر
أيـــــــوب صـبر وصبره كـان عــبره
وإنـــــت لو تصبر عــلى البلا هـيمر
وآه
* * *
بصيت يا جدع وأتأملت ساعتين في الوشـــوش
بشر و طيور وحيوانات وحتى أسماك الــقروش
لكن لائيتهم كلـــــــــــــــــهم مبـــوِّزين كــده هوه
حاولت أضحكهم لكـن طـــــــــلع نأبي فـــاشوش
وآه
* * *
عيـــون جميله بس من غــير وفــــاء
وأحضان طويله بحــس فيها بالجفــاء
يا أهـــل الــــهوى دلـــوني الحب فين
راح واختـــــــــفى ولا حـصله اكتفاء
وآه
* * *
أول كــــلامي كان من غير كــــلام
وبالنـظر بس بص شوف يا سـلام
عيني اليــــــمين بتقولك عشقــتك
وعيني الشــــمال بتنظر بابتســام
وآه
* * *
نســـــمه هوا فايتاني ومـــعديه
وكل يـــوم في ساعة المغــربيه
تخش صدري تنعنشه وتحسسه
إنه مـــــــلك ويـــاها الدنيـا ديه
وآه
* * *
g 12
فيـــه كـــــــل يــــــــوم مـــــــلايين بتـتولد
وزيـــهم بيـــــــــــــموت والـلي بينقـــرض
أجـــناس ومـــــــــــــخاليق من كل نــــوع
بيتولدوا ويموتوا ويتبعثوا وكله بيتعرض
وآه
* * *
أنـــــــــــــا جسدي سـاكن في الوطـــن
ووطــــــــــــــني روح مَـــــــــلك البدن
يعني أنا مش مــــــــــــــــــلـك نفـــسي
وعايش ومستني الشهاده وتوبي كفن
وآه
* * *
هات يا زمان واسقيني من الكاس كمان
وارويني دمـع وألم واملاني بالأحـــــزان
أنـــــا البـــــــــلياتشو الــــــــــــــــــمعتزل
بطلت أهرج خلاص واتمليت أشــــــجان
وآه
* * *
أسير ومحبوس في السجن وسط المجرمـــين
بالذمــــــــه مش ده برضه يبقى شـيء مهـين
حتى لو كان الأسير عدو برضه له احتـــرامـه
وله معــــــاملة بطل دافع عن السمـا والــطين
وآه
* * *
فـــــيه ناس تشوفها في أول الأمـر تقول وحـــوش
ونــــــــاس تشوفها كتير تقول غــلابه ومبـــيأذوش
وتمر ليله ورا ليله ورا ليله وتفتح عينيك عالآخر
وتــــلاقي الوحـوش غلابه وتلاقي الغلابه قـروش
وآه
* * *
بَعــــــيد وأزيــــــــد وأقول كمــان اجين
وهحـــكي حكـــايتي من تاني للسامعين
دخلــــــت في الدنــــــــيا وخرجــت منها
وأنــا ودن من طين والتانيه من عجين
وآه
* * *
ولو عشت وسط الطيور عالشـجر
أو تحـــــــــــت قــــبر أو فوق قمر
هيفــــــضل ضــميري وقلبي سليم
وهفـــــــــضل أرق من أرق البشر
وآه
* * *
ولو كـــــــل يــوم هبــدأ حكـــايه
وهيــــــكون ليهـا نفس النهــايه
وتبــــدأ بعشق وتخلـص فــراق
هتفضل هوايتي عشق الصــبايا
وآه
* * *
نشــــــــــيد وفي الربــــــيع تمـــلي يرددوه
الحـــــياه بقى لونها بمبي يا نــاس يا هوه
أنظـــر وأبص على الربيع أبو سحنه بمـبه
ألـــقاه خَضَار وحَمَار عكــــس اللي بيقولوه
وآه
* * *
سـؤالات ومكتـوبه في ورقة أســئله
واللــي يجـــــاوبها ويــحلها يبقى ولا
واللـي ما يعرف يبقى خيبه ونغنهاله
كتـــــــك البلا كتــك البلا كــتك البلا
وآه
* * *
خجــلان ومكسوف من نَفـسي
ولا حــــــتى قــادر آخـد نَفَسي
ماتبــــــــصـــوليش الله يخليكم
وسيـــبوني حـبه أمسك نَفسي
وآه
* * *
حصــان وكــل همه في الحياه يرضي خــيــــاله
ومهــــــما شاف وياه عايش وراضي بحــــــاله
20 ســـنه وعاش معاه كما الخدام ولما شــاخ
صاحبه رماه بالرصاص واهـو ده اللي نــــــاله
وآه