انهاردة معايا اختبار للشخصية جميل
وعن تجربة الاختبار ده حقيقي جدا
كل واحد يجاوب يستخدم خياله ويجاوب علي كل الاسئلة اللي هقولها
وانا بعد كدة هكتب تفسير كل سؤال من الاسئلة
ونبدأ
1-تخيل نفسك ماشي في غابة
اوصف الغابة باختصار
اوصف كمان حالتك النفسية وانت واقف في الغابة دي(فرحان-زعلان-مستكشف-قلقان ومتوتر-منصدم)
خلاص جاوبت
ندخل علي السؤال التاني
2-وانت ماشي في الغابة لقيت ابريق علي الارض
تخيل شكل الابريق ده(قديم ولا جديد وشكله حلو ولا وحش)
هتاخد الابريق ده معاك وانت ماشي ولا لا
3-وانت ماشي قابلت اسد وهو دلوقتي واقف قدامك
هل(هتمسك اي حاجة وتضربه بيها ولا هتجري بسرعة او هتطلع فوق شجرة)
4-بعد كدة لقيت بحيرة(تخيل كدة شكل البحيرة)
والسؤال هنا هل هتقف عندها وتدخل تعوم فيها ولا هتتجاهلها تماما ولا هتقف بس تبصلها او تقعد عندها من غير ما تنزلها؟
خلالالالالالالالالالالاص جاوبت
معلش استحملني شوية كمان
سيبك بقي من الغابة وتخيل انك ماشي في صحراء
ايوووووون صحراء
تخيل كدة شكل الصحراء(كلها رمل ولا فيها حيوانات ولا فيها نباتات برية)
كمان قولي حالتك النفسية هتبقي ايه وانت ماشي فيها
1-وانت ماشي في الصحراء قابلك صندوق
شكل الصندوق ده ايه؟(كبير ولا صغير ومصنوع من ايه؟)
كمان قولي لو فتحته تتخيل هتلاقي جواه ايييييييييه؟
2-بعد كدة لقيت قدامك سلم
ايوة سلم(طبعا هتقولي هو في سلم في الصحراء؟)
معلش خدني علي قد عقلي وكمل الاسئلة
تخيل السلم ده طويل ولا قصير؟
طيب لو طلعت عليه هل هيتحملك ولا ممكن يتكسر وانت عليه؟
كمان هل هتاخد السلم ده معاك وانت ماشي ولا لأ؟
3-بعد كدة قابلت حصان
شكل الحصان ده ايه (حلو ولا وحش ولونه ايه؟)
وهل لو قربت من الحصان ده هيحبك ويألفك ولا ممكن يعاديك؟)
4-واخيرا تخيل معايا انك قابلت سور طويييييييييييييل جدا مالوش نهاية ولا ليه نهاية في الارتفاااااع
هل هتتجاهله وتسيبه وتتدور علي حاجة تانية
ولا هتحاول تمشي معاه لحد ماتشوف نهايته ايه؟
ولا هتحاول تخرم في السور ده عشان تشوف ايه اللي وراه؟
معلش طولت عليكم
بس فعلا الاختبار ده بيقيس حاجات كتير في شخصياتكم
اكتبوا اجابتكم وان شاء الله تعرفوا النتيجة