|
انا حاسة ان الدنيا سودة في وشي اوى وحاسة انى لوحدى وبخاف اقرب من الناس ومخنوقة جدا بتمنى انى اموت وخايفة مارتحش في الاخرة واتعاقب انا مش عارفة اعمل ايه ولا عارفة انا عايزة ايه مش بعرف اخد قرار ومشتتة جدا حتى مش عارفة دخلت الكلية اللى انا فيها لية وحاسة بالفشل في كل حاجة ومابحبش احكى لاى حد حاجة عنى عشان بحس ان ماحدش بيخاف علي حد ولا حد بيحس بحد حاسة ان كل الناس بتكدب علي بعض ومابعرفش اثق في حد انا بيجى عليا اوقات بيبقى عندى ملل فظيع مابقاش عارفة اعمل ايه وبحاول انام ومابعرفش في نفسي ايقي لوحدى فترة وابعد عن الناس عايزة اسافر برة البلد كلها انا مخنوقة اوى ياريت تقولولى اعمل ايه
|
|
السلام عليكم يا صوت البحر
يا اختي والله كلنا مرت علينا ايام كدا نحس وهم و غم لكن والله مافيش احسن من انك تفضفضي مع حد لان دا ممكن يسببلك مرض انا كنت زيك ما بحكيش لحد على حاجه لحد ما وقعت في مشاكل كتير بس الحمد لله اكتشفت ان امي اقرب صديقه ليا وعمرها ما هتكون مش حاسه بيكي صدقيني حاولي تدوري على حد من جوه بيتك وتفضفضيله بدل ما تفكري في الموت الكلام دا كلو وحاولي تصلي وتقري صران ودا هيريحك كتير وعموما يا سيتي مين فينا الي دخل كليه وحبها دا الواحد مابيصدق يخلص الكليه عشان ينطلق في عالم البطاله صدقيني الامور بسيطه ماتحوليش تعقديها عشان ربنا يفرجها من عندو وعتبريني صديقه ليكي دا لو كان معندكيش مانع ياقمر |
|
لا طبعا ماعنديش مانع نكون اصدقاء المشكلة اصلا من جوة البيت مش لاقية حد فاهمنى
|
|
صوت البحر
ان ماتشعرين به انما هى اعراض اكتئاب فهو يظهر بعدة طرق مختلفة وله اسباب مختلفة. فسواء كان المسبب مشاكل عائلية ، عدم تقدير للذات ، رد فعل لخسارة شىء ما فإنه يؤثر على كل جزء من حياتنا فهو قد يقود إلى التفكير في الاختفاء عن الأنظار أو الرغبة في التلاشي أو ربما الانتحار وتمنى الموووت وعلاجك مشكلتك فى النقاط الاتيه الايمان بالقضاء و القدر و تقوى الله تعالى والعمل الصالح هما وقاية وعلاج للإنسان من الاكتئاب والحزن والضيق والهم الدعاء من أقوى أسلحة المؤمن للتغلب على جميع الأمراض سواء النفسية أو العضوية واخيرا لابد ان تقتربى من احد وافتحى قلبك دون خوف او قلق لكى تزيحى عن نفسك كرهها للحياه وربنا يصلح احوالنا جميعا |
|
لا طبعا ماعنديش مانع نكون اصدقاء المشكلة اصلا من جوة البيت مش لاقية حد فاهمنى
بس نصحتى انك لازم تختارى صديقه بجد تحكيلها وتتكلمى معاها ولو كنتى انجرحتى فده ليه علاج تانى لازم تعرفى الوجع من ايه |
|
اطمنت ان الدنيا لسه بخير ومش هقلك غير كلمه واحده لو تخيلتى نفسك انك ضعيفه وعاجزه ستظلى كذلك ولو تخيلتى العكس سيتحول الفشل الى نجاح
|
|
اولا خليكى قويه وعندك عزيمه وخلى مقوله بالايمان والعمل لن نفقد الامل قدامك خلى عندك ايمان بالله وهو احن عليكى من اى حد وعمره سبحانه وتعالى ما هيخذلك
ثانيا كلنا اخواتك لو محتاجه اى حد فينا كلنا تحت امرك واعتبرنى اختك مش صحبتك وربنا يخفف عنك ويوفقك ويملى حياتك بسعاده ليس لها نهايه امين يارب العالمين |
|
بصي احسن حاجة تعمليها لما تكوني مضايقة قومي صلي
هتحسي احسن باذن الله |
|
شكرا ياجماعة بس عارفين احساس لما تكتشفي انك عايشة في كدبة من وانتى لسة سنك صغير وحاسة ان مافيش اي حاجة من ذكريات طفولتك او من حتى دلوقتى من حقك احساس يارب ماتجربوه انا حاسة انى لوحدى عشان انا لوحدى فعلا انا مابعرفش اتكلم مع حد بصلي وكل حاجة بس مش مرتاحة في الدنيا بحس ان ماحدش بياخد منها حاجة انا خايفة من بكرة ومن الاخرة ومن المستقبل خايفة اعيش وخايفة اموت صدقونى ياجماعة احساس وحش وصعب الواحد يخرج منه انا حاسة ان كل حاجة في حياتى كدب انتم اول حد مع انى ماعرفش حد منك خالص حكيتلكم علي اللي بيا عشان انا خلاص تعبت من الناس ومن الدنيا ومن نفسي الحياة وحشة اوى ناس بتموت واحنا مانعرفهمش وبعدين نكتشف ان احنا عارفينهم ولخبطة في كل حاجة انا عارفة ياجماعة انى هاجيب ليكم اكتئاب من الكلام دة بس انا حاسة انى احكى للدنيا كلها عشان انا تعبت انا حتى لسة قريب جدا بدات اشترك علي منتدى عشان اضيع وقت لانى ماكنتش بقعد علي النت كتير بس من كتر الزهق فكرت ان اقول ليكم
|
|
ياااااااااااااه ايه الياس ده ياقمر
انتى عارفة بيجيلة اوقات بكون زيك كده ومش بيجيلى من ورا كده غير التعب النفسى ووزنى بينزل جاااااااااااااااااااامد ده غلط انا لما بيجيلى الحالة دى بحاول ع قد ما اقدر ادل فى مود تانى علشان مموتش بصى لما تحسى بالضيق اى كده نصيحة منى صلى لربنا واقرى قران وتكلمى مع ربنا واشكيله وانتى هترتاحى صدقينى |
|
واله بعمل كدة ادعولي ياجماعة كلكم ادعولي بجد ماتقروش اللى بكتبه وانى بقول ليكم ادعولي وماتدعوليش
|
|
لصوت البحر اجعلى الله محور حياتك واستينى به وتوكلى عليه ستتحول حياتك تماما
|
|
ليه مافكرتيش تروحى لدكتور نفسى يساعدك
|
|
بسم الله بصي بقي دي نظرة تشاؤمية فظيعة ولآزم تنسي الكلام دا
لأن الواحد مننا بيحكم على حياته بكلامه عن نفسه وبطريقته مع الناس.. فبلاش أرجوكي الكلام دا ثانياً ليه متقعديش شوية كدة مع نفسك وتشوفي الإيجابيات اللى فيك ( مافيش حد مالوش ايجابيات) واعرفي ان كل واحد ليه دور فى الحياة بيؤديه مش لآزم تدوري عليه ديلوقتي المهم تظبط حياتك الأول وياريت تختاري الصديق قبل الطريق ( مش أي حد هنكلمه في أي حاجة ) زي المريض اللى عايز دكتور بيروح كدة لأي حد ؟؟ طب عشان متكلمش كتير : انسي اللى فات , بصي للمميزات وحاولي تستخدميها , ونرتب الأولويات في حياتنا ( أول حاجة هي العبادة . الروحانية هى أول شيء يبحث عنه الإنسان) , اهتم بصحتك , وبأسرتك , وطبعاً الإختيار الجيد للصديق >>> اعملي دول بس وان شاءالله هتقولي الدنيا بقت تمام |
|
السلام عليكم ورحمه الله وبركاته
حضرتك المشكلة دي علي فكرة عامة عند أغلب البعض يعني في حاجة اسمها حقائق وفي حاجة اسمعا تعب نفسي الاتنين دول متواجدين في مشكله حضرتك هبتدي بالوقائع اللي انا شوفتها في المشكلة وهي مش جزء كبير هي جمله قولتيها يعني ان كل الناس بتكذب علي بعضها هي فعلا الحياة كلها وحش وصعبه وفيها مشاكل كتيره جدا في ناس مش بتلاقي لمشاكلها حلول لانهم مفكر وش صح في مشكلتهم وادولها إهتمامات زايده بس اللي عاوز اقوله هو ان المشكلة الواقعيه دي لا مفر منها بس مش كل صوابعك زي بعضها في إختلافات كتيره وكبيرة مابين كل إنسان والتاني دي حاجة الحاجة التانيه وهو الجزء الخاص بموضوع المشكلة اللي هو التعب النفسي التعب النفسي دا من اشد التعب بخلاف التعب البدني ممكن يكون اصعب بكتير بس الواحد لازم يتحمل واللي بتدور عليه مشكلتك هو انك مش حاسه بأمان وعلشان تحلي المشكله دي لازم تحسي بالأمان حاولي تغيري من نفسك جربي مرة واحده بالاضافة الي اول حاجة قبل دي طبعا هعي انك تقربي من ربنا اكتر من كدة ربنا عمره ما بيسيب حد والموت مش حل علي فكرة ول كان حل يبقي هسألك سؤال انتي مستعده تقابلي ربنا مستعده عملتي كل حاجة في حياتك صح والله الواحد فينا بيتمني فرصة واحده انه يعوض اللي عمله في دنيته قبل اخرته الموضوع مش تعب نفسي قوي يعني لان التغيير وكل حاجة باديكي انتي اللي مكن تقرري وتعملي كل حاجة في الموضوع دا اولاً: بالتقرب الي الله وتأكدي ان الله رحمته واسعه ومش بيسيب عباده ابدا وثانياً: إنك تحاولي تغيري من نفسك من شخصيتك كدة مجرد تجربة واكيد ان شاء الله تحسي بفرق أسأل الله أن يبعد الهم والحزن عن جميع المسلمين |
|
هاى عارف ده كمان اللى بحس بيه
|
|
اتقربى من ربنا وانشاء الله هتبقى كويسة بس ليه حاسة انك واحد مش واحدة اصلا ههههههههه وبتمثلى علينا ده احساسى والله اعلم
|
|
ربنا يوفقك
|
|
انا دائما زعلانة
|
|
مفيش مشكله من غير حل
و اكيد فيه ناس كتيره بتفهمك ، بس انتي الى ممكن يكون اسلوبك غريب في الحوار او التعبير لازم تشلي الافكار دي من دماغك و افتحي صفحه جديد مع كل الناس الى حواليكي و حاولي تفهميهم و تفهمي طبع كل واحد فيهم |
|
ربنا يقويكى يارب ويفك خنقتك يارب ومتفكريش كتير عشان متتعبيش والدنيا مفيهاش حاجه تستحق الخنقه فانسى حمومك وعيشى حياتك
|
