مساء / صباح الخير

انا مصري و مولود في مصر في مدينه المحله الكبري
و الله لو لفيتو الدنيا كلها مش هتلاقو الناس الطيبين و الشوارع اللي مليانة حياة و البحر اللي في موجه بياخد كل همومنا من غير ما يزهق و لا يشتكي
في بلد ممكن تديك دا غير بلدك ؟؟

بجد انا بحبك يا مصر
خدتني دوامه الغربه
انا اتعلمت فيها الصبر و الحنين الشديد لاهلي
حبيت اطرح سؤال .. بالنسبه للمغتربين .. وبالأخص الأقدميه بعد سنه أو أكتر ..
بالتأكيد راح يكون سؤال مهم لاستفاده منه بالنسبه للمغتربين الجدد ..

السؤال كما هو واضح من العنوان

ماذا تعلمت من الغربة ؟

ماهى فوائدها .. وعيوبها بالنسبه لك ؟

في انتظار اجابتكم ؟

السلام عليكم ورحمة الله وبركاته
والله انا بالنسبة لي اتغربت سنة واحدة بس
بس عاوزة اقولك ان السنة دي عرفت فيها حاجات كتير
اولا السنة دي كانت في الإمارات
قبل السفر كنت متضايقة اني هسيب بلدي وأهلي والشوارع والناس وكل حاجة اتعودت عليها وهسافر بلد جديدة معرفش فيها حد ولا حاجة ولا نظامهم ايه
وبعد كام يوم من الوصول كان رمضان والعيد وبقيت أقارن بين كل المظاهر اللي موجودة في مصر وفي الإمارات
وطبعا كانت النتيجة في صالح مصر أكيد
وبعد فترة من الوقت ابتديت اكتشف المزايا والعيوب
اولا العيوب اللي اكتشفتها ان بعيدة عن أهلي وناسي وإن الحياه في مصر اسهل في نقطة واحدة بس وهي بخصوص اللغة عشان احنا في مصر كلنا بنتكلم عربي وسهل تتفاهم مع اي حد وكمان الحياه في الإمارات غالية موووووووووووت كمان المصريين ملهمش المكانة اللي كانت زمان ومن كل العرب
لكن المميزات بقى
أولا الحياه في الإمارات اسهل بكتيييييييييييييير لأن اي حاجة بتعوزها بتلاقيها في أي وقت وأي مكان
النظاااااااااااام النظااااااااااام النظااااااااااام هناك نظام غير عادي والقوانين بتطبق على الكل لان الإمارات أكثر من ثلثين الناس وافدين من الخارج عشان كدة في قوانين وبتطبق مش عايشين بالفهلوة والشطارة
التعليم الخاص هناك مستواه عالي جدا والتنافس فيه كبير لان المدارس الخاصة فيها من كل الجنسيات لان المدارس الحكومية قاصرة على المواطنين الإماراتيين فقط عشان كدة التعليم الخاص مستوى الأولاد فيه مرتفع وعلى فكرة مناهج الإمارات قريبة من المناهج المصريةبس أصعب شوية
لو حبيت تدخل أي مول هتلاقي كل حاجة من الإبرة للصاروخ مش محتاج تخرج تجيب أي حاجة من برة وبالأسعار الموجودة في أي مكان مش زي المولات في مصر لناس معينة طبعا في الإمارات غالية نار بس هي دي أسعارها في أي مكان سواء مول أو غيره
لما تشتري اي حاجة بيحاول البياع انه يديلك احسن حاجة عنده يعني مثلا لو حابب تشتري لحمة بوفتيك يشفيها ويقطعها ويوزنها ويرقها ويلف كل قطعة وحدها ويديهالك أو لو بتجيب كبدة يقشرهالك ويقطعهالك بالحجك اللي عاوزة ويشيل العروق الداخلية ويوزنها سواء كبدة أو لحمة وزن صافي وكله بنفس السعر يعني البوفتيك بنفس سعر اللحمة الملبسة أو حتى لو دهن كله نفس السعر مش بيغلي عليك السعر شويه عشان دي لحمة حمرا
النظافة دي حدث ولا حرج الشوارع كلها نظيفة ومنظمة وأي مكان بتروحه الباركن قدام المكان مش بتلاقي حد طالع يتخانق معاك عشان متركنش قدام المحل
بصراحة حبيت البلد هناك جامد وكان نفسي أستمر لكم مكنش فيه نصيب

ربنا يصبركم ع غربتكم

اكيد مهما اخذتنا الغربه مش ممكن ننسى مصر وجو مصر وتراب واهل مصر ولو للحظه واحده
مصر من اجمل بلدان العالم
وبالنسه لى اتعلمت كتير من الغربه
واهم شئ
الصبر
وشكرا على موضوعك
وتقبل تحياتى